កុមារ​កើត​ជំងឺ​«មេអំបៅ»​ដ៏​កម្រ ឈឺ​ណាស់... តែ​ជំនះ​មិន​ចុះ​ចាញ់

កុមារ ចនណាថាន់ ភីត្រ៍ (Jonathan Pitre) ជាតិកាណាដា អាយុ១៤ឆ្នាំ បានថ្លែងប្រាប់យើង អំពីសេចក្ដីក្លាហាន ដែលកុមារមាន ក្នុងការប្រឈម ទៅនឹងជំងឺដ៏កម្រមួយ៖ ស្បែករបស់កុមារ មានសភាពផុយស្រួយ ដូចស្លាបមេអំបៅ ហើយបានធ្វើឲ្យកុមារ ឈឺចុកចាប់ រកថ្លែងផ្ទឹមពុំបាន។
កុមារ ចនណាថាន់ ភីទ្រ៍ ដែលកើតជំងឺ«កុមារមេអំបៅ»។
Loading...
  • ដោយ: សុបិន្ដ អត្ថបទ៖ សុបិន្ត ([email protected]) - ម៉ុងរ៉េអាល់ ថ្ងៃទី២៦ មេសា ២០១៥
  • កែប្រែចុងក្រោយ: April 26, 2015
  • ប្រធានបទ: កម្រ
  • អត្ថបទ: មានបញ្ហា?
  • មតិ-យោបល់

ដើម្បីងូតទឹក និងស្លៀកពាក់ សកម្មភាពធម្មតា សម្រាប់មនុស្សទូទៅ ដែលធ្វើតែមួយភ្លែតប៉ុណ្ណោះ។ ប៉ុន្តែសម្រាប់កុមារ ចនណាថាន់ វិញ ត្រូវប្រើរយៈពេល រហូតដល់ទៅ៣ម៉ោង។ ទោះជាបានប៉ះ សូម្បីជាមួយអ្វីបន្តិចបន្តួចក៏ដោយ ក៏ស្បែក​របស់កុមារ ចនណាថាន់ អាចនឹងរហែកភ្លាមមួយរំពេច។ កុមារមានជំងឺដ៏កម្រមួយ ដែលគេហៅថា កុមារ«មេអំបៅ»។

ជំងឺនេះ បានធ្វើឲ្យកុមារ មានសភាពចុកចាប់ខ្លាំងណាស់ សឹងជារៀងរាល់ពេល ដែលកុមារប៉ះនឹងអ្វីមួយ ហើយអាច​ធ្វើ​ឲ្យកុមារ អស់សង្ឃឹម។ តែផ្ទុយទៅវិញ កុមារ ចនណាថាន់ បែជាខិតខំជំនះយ៉ាងខ្លាំងក្លាយ រហូតមកដល់ពេលនេះ។ កុមារ​បានថ្លែងតាមទូរទស្សន៍កាណាដាមួយថា៖ «ដោយសារមនុស្ស ដែលនៅជុំវិញខ្ញុំ សុទ្ធតែបានផ្ដល់នូវកម្លាំងចិត្តឲ្យខ្ញុំ ហើយ​ពួក​គេ​មានជំនឿលើខ្ញុំ  ថាខ្ញុំពិតជាអាចឈ្នះ ជំងឺនេះបាន»។

កុមារបានពន្យល់ទៀតថា៖ «ព្រោះស្បែកយើង បានក្លាយជាផុយស្រួយ ដូចស្លាបរបស់មេអំបៅ។ ប៉ុន្តែ បើសិន​ជា​មេអំបៅ មានសម្បុររោមពណ៌ល្អ ចំណែកឯយើងឯនេះវិញ កាន់តែមានបេះដូង ចង់ឲ្យជំងឺនេះឆាប់ជា។ យើងត្រូវតែខ្លាំង​ជាង​អ្វី ដែលបានកើតឡើង មកលើរូបយើង។»

មនុស្សដែលធ្លាប់ឈឺជំងឺនេះ មិនអាចទ្រាំរួច លើសពីអាយុ៣០ឆ្នាំឡើយ។ តែកុមារ ចនណាថាន់ បានគិតពីអនាគត​វែង​ឆ្ងាយជាងនេះថា៖ «ខ្ញុំនៅទីនេះ ថ្ងៃនេះ ហើយខ្ញុំនឹងបន្តជំហានរបស់ខ្ញុំ ម្ដងមួយៗ ពីមួយថ្ងៃទៅមួយថ្ងៃ ទៅមុខទៀត។ អ្នកមិនដឹងអ្វីទាំងអស់ ពីថ្ងៃអនាគត់។ ខ្ញុំនឹងមិនបញ្ឈប់ត្រឹម រយៈពេលដ៏ខ្លី បែបនេះឡើយ តែខ្ញុំនឹងបន្តទៅមុខទៀត។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...