រដ្ឋាភិបាល​កម្ពុជា ជា​រដ្ឋាភិបាល​«ក្បាល​ធំ»? ញ៉ែម ប៉ុញ្ញារិទ្ធ ប្រាប់​ចម្លើយ!

អ្នកនាំពាក្យគណបក្សសង្គ្រោះជាតិ បានចាត់ទុក រដ្ឋាភិបាលកម្ពុជាបច្ចុប្បន្នថា ជារដ្ឋាភិបាលក្បាលធំ ដែល​ប្រើ​ប្រាស់​មនុស្ស​ហួស​ប្រមាណ ក្នុងជួររដ្ឋាភិបាល។
Loading...
  • ដោយ: អ៊ុម វ៉ារី អត្ថបទ និងយកការណ៍៖ អ៊ុម វ៉ារី ([email protected]) -ភ្នំពេញថ្ងៃទី២០ មេសា ២០១៥
  • កែប្រែចុងក្រោយ: April 20, 2015
  • ប្រធានបទ:
  • អត្ថបទ: មានបញ្ហា?
  • មតិ-យោបល់

មន្ត្រីអ្នកនាំពាក្យគណបក្សសង្គ្រោះជាតិ  បានក្រើនរំលឹក ដល់ប្រជាពលរដ្ឋខ្មែរទូទៅ ឲ្យមានការស្វែងយល់ នឹងត្រូវដឹង ពីប្រព័ន្ធគ្រប់គ្រង ប្រព័ន្ធដឹកនាំ រួមជាមួយ នឹងប្រសិទ្ធិភាពការងារ នៃប្រព័ន្ធទាំងនោះ។ សម្រាប់មន្ត្រី​គណបក្ស​ប្រឆាំង​រូប​នេះ ការចូលរួមយល់ដឹង របស់ប្រជាពលរដ្ឋទូទៅ លើប្រព័ន្ធគ្រប់គ្រងនេះ គឺដើម្បីកែលម្អ សម្រាប់ជាផលប្រយោជន៍ ដល់​ប្រជាជាតិ និងសម្រាប់កូនខ្មែរអង្គរ ទាំងមូល និងជាពិសេស ទៅលើប្រព័ន្ធដឹកនាំ ដែលមានក្បាល«ធំ»ដូចសព្វថ្ងៃ។

លោក ញ៉ែម ប៉ុញ្ញារិទ្ធ បានសរសេរបែបនេះ កាលពីថ្ងៃទី១៩ ខែមេសា ឆ្នាំ២០១៥ ម្សិលម៉ិញ នៅក្នុងទំព័រហ្វេសប៊ុក របស់​លោក។ លោក បានសរសេរថា៖ «ហេតុអ្វីបានជាគេថា រដ្ឋាភិបាលក្បាលធំ ? (…) មិនទាន់គិតទីប្រឹក្សា ហើយមាន​សមាជិក​រដ្ឋាភិបាល ច្រើន​លើស​លប់ អាចបំបែកឯតទគ្គកម្ម ពិភពលោកបាន ទើបគេឲ្យឈ្មោះថា “រដ្ឋាភិបាល​ក្បាល​ធំ”។ (១) គណៈ​រដ្ឋមន្ត្រី​រួម​មាន៖ នាយករដ្ឋមន្ត្រី ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី រដ្ឋលេខាធិការ។ និង (២) មន្ត្រី​រាជការ មានឋានៈពី អគ្គ​នាយក ចុះមក…។»

អ្នកប្រើប្រាស់បណ្ដាញសង្គម ដែលបានដាក់ឈ្មោះខ្លួនថា ជាក្រុមបញ្ញវន្តកំណែទម្រង់សង្គម បានចោទសួរថា តើ​រដ្ឋា​ភិបាល​អាណត្តិទី៥ មាននរណាខ្លះ? ហើយមានចំនួនប៉ុន្មាន និងមានប្រសិទ្ធិភាពការងារ នៃរដ្ឋាភិបាលមួយនេះ មាន​ដល់​កំរិត​ណា? ក្រុមបញ្ញវន្តកំណែទម្រង់សង្គមនេះ បានបង្ហាញនូវព្រះរាជក្រិត្យ ចុះថ្ងៃទី២៤ ខែកញ្ញា ឆ្នាំ២០១៣ ស្ដីពីការ​តែង​តាំង​មន្រ្តី​ជាន់​ខ្ពស់ របស់រដ្ឋាភិបាលកម្ពុជាបច្ចុប្បន្ន រួមមាន នាយករដ្ឋមន្រ្តីម្នាក់, ឧបនាយករដ្ឋមន្ត្រី មានចំនួន៩នាក់, ទេស​រដ្ឋ​មន្ត្រី​ចំនួន១៥ នាក់, រដ្ឋមន្ត្រីចំនួន២៨ នាក់ និងរដ្ឋលេខាធិការចំនួន១៩០ នាក់ និងនៅមានអនុរដ្ឋសេខាធិការ ជា​ច្រើន​រយនាក់​ផ្សេង​ទៀត។

សម្រាប់លោក ញ៉ែម ប៉ុញ្ញារិទ្ធ វិញ លោកបានធ្វើការប្រៀបធៀប នូវចំនួនមនុស្ស ដែលត្រូវបានប្រើប្រាស់ ដ៏ច្រើន​លើស​លប់ បើប្រៀបធៀប ទៅនឹងប្រទេសកម្ពុជាដ៏តូច ហើយមានភាពខុសគ្នាទាំងស្រុង ពីបណ្តាប្រទេសមហាអំណាច ក៏ដូច​ជា​ប្រទេស​ជិតខាង របស់កម្ពុជា។

រីឯចំនួនទីប្រឹក្សារដ្ឋាភិបាល ក្នុងឆ្នាំ២០១៥នេះ ក៏មានយ៉ាងសម្បូរហូរហៀដែរ។ បើរាប់​ត្រួសៗ គិតត្រឹមថ្ងៃទី២០ ខែកុម្ភៈ ទីប្រឹក្សារដ្ឋាភិបាល មានចំនួនប្រមាណជា ២២៥នាក់ ដែលត្រូវចំណាយលើប្រាក់ខែ អស់មិនតិចជាងមួយ​លានដុល្លា​ឡើយ ក្នុងមួយឆ្នាំ។

» សូមអានអត្ថបទលំអិត “មានទីប្រឹក្សា និងជំនួយការច្រើន ព្រោះខ្លួន«ល្ងង់» និងចង់បំបង់ថវិកាជាតិ?

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...