បក្ស​ទាំង​ពីរ​នៅ​ខ្វែង​គំនិត​គ្នា បញ្ហា​ប្រធាន និង​អនុ​ប្រធាន គ.ជ.ប ថ្មី

ជំនួបរវាងថ្នាក់ដឹកនាំ នៃគណបក្សទាំងពីរ នាវេលាយប់ ថ្ងៃទី៦ ខែមេសា រវាងលោក លោក ស ខេង និងលោក សម រង្ស៊ី ដើម្បីជ្រើសរើសសមាសភាព សមាជិកគ.ជ.ប ប្រធាន និងអនុប្រធាន បានជួបភាពបរាជ័យ ហើយបានលើកពេល ជាបន្តទៅថ្ងៃទី៨ ខែមេសា បន្ទាប់ពីបញ្ចប់ជំនួប ដោយបិទទ្វាយ៉ាងសំងាត់រួចមក។
Loading...
  • ដោយ: អ៊ុម វ៉ារី អត្ថបទ ៖ អ៊ុម វ៉ារី ([email protected]) - យកការណ៍៖ ស្រ៊ុន ទិត្យ - ភ្នំពេញ ថ្ងៃទី៧ មេសា ២០១៥
  • កែប្រែចុងក្រោយ: April 08, 2015
  • ប្រធានបទ: បោះឆ្នោត
  • អត្ថបទ: មានបញ្ហា?
  • មតិ-យោបល់

ក្នុងសន្និសីទសារព័ត៌មាន រួមគ្នាមួយ នៃមន្រ្តីតំណាងគណបក្សទាំងពីរ នាវិមានរដ្ឋសភា កាលពីយប់ថ្ងៃទី០៦ ខែមេសា ឆ្នាំ​២០១៥​នេះ បាន បង្ហាញ ថា ការជួបពិភាក្សា ក្នុងការសម្រេចសមាសភាពថ្មី នៃសមាជិក គ.ជ.ប នៅមិនទាន់បាន​សម្រេច ជាផ្លូវការនៅឡើយ។ ករណីនេះ តំណាងគណបក្សទាំងពីរ និងបន្តជួបពិភាក្សាគ្នាជាបន្ត នាថ្ងៃទី៨ ខេមេសា បន្ទាប់​មក​ដាក់ជូន ក្នុងសភាពេញអង្គ ដើម្បីបោះឆ្នោតគាំទ្រ និងផ្តល់សេចក្តីទុកចិត្ត ទោះលើសមាសភាព ទាំង៩ របស់ គ.ជ.ប ដែល​ទើប​ជ្រើស​រើស និងតែងតាំងថ្មីនោះ។

ចេញពីការជួបពិភាក្សានោះ គេគ្រាន់តែបានដឹងថា «វប្បធម៌សន្ទនា»ត្រូវបានបង្ហាញ និងគាំទ្រជាបន្ត រវាងតំណាង​គណបក្សទាំងពីរ ហើយនិងធ្វើការជួបគ្នាជា«ថ្មី» នាព្រលប់ថ្ងៃទី៨ ក្នុងកិច្ចប្រជុំបិទទ្វាជាសម្ងាត់។ តំណាង​គណបក្ស​ទាំង​ពីរ បានលើកឡើងប្រហែលគ្នាថា យូរបំផុតក្នុងថ្ងៃទី៨ នោះ គណបក្សទាំងពីរ និងពីនិត្យលើសមាសភាពថ្មី នៃបេក្ខជន ដែល​ត្រូវ​ចូលខ្លួន មកធ្វើជាសមាជិក ទាំង៩ របស់ គ.ជ.ប នោះ។ តំណាងគណបក្សទាំងពីរ បានឯកភាពគ្នាទៀតថា បន្ទាប់​ពីសម្រេចលើបេក្ខភាពនៃបេក្ខជន ដែលជាសមាជិកទាំង៩ ចប់សព្វគ្រប់ហើយ នឹងបញ្ជូនឈ្មោះ សមាជិក គ.ជ.ប ថ្មីនោះ ទៅ​កាន់​គណៈ​កម្មាធិការអចិន្ត្រៃយ៍រដ្ឋសភា ដើម្បីផ្តល់សេចក្តីទុកចិត្ត ក្នុងថ្ងៃទី១៣ ខែមេសា។

រីឯបេក្ខភាពប្រធាន និងអនុប្រធាន នៃ គ.ជ.ប ថ្មី នោះ និងប្រកាសជាផ្លូវការ នាថ្ងៃទី១២ខែមេសា ក្នុងកិច្ចប្រជុំសភា​ពេញអង្គ អនុម័តផ្តល់សេចក្តីទុកចិត្ត នាពេលខាងមុខ។

សូមរំលឹកថា ក្នុងជំនួបប្រជុំសំងាត់ នៃប្រធានក្រុមតំណាងរាស្រ្តមតិភាគច្រើន និងប្រធានក្រុមតំណាងរាស្រ្តមតិភាគតិច កាលពីម្សិលម៉ិញនេះ មានសមាសភាព ៦នាក់ ដែលក្នុងម្ខាងៗមាន៣រូប៖ ខាងណណបក្សប្រជាជនកម្ពុជាមាន លោក ស ខេង, លោក គាត ឈន់ និងអ្នកស្រី ម៉ែន សំអន។ ឯខាងគណបក្សសង្គ្រោះជាតិមាន លោកសម រង្ស៊ី, លោក កឹម សុខា និងលោក យឹម សុវណ្ណ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...