ពលរដ្ឋ​បូរី​កីឡា​១៥៤​គ្រួសារ បន្ត​ទាម​ទារ រហូត​មាន​ដំណោះ​ស្រាយ​ពិត

ទំនាស់ដីធ្លីអ្នកបុរីកីឡា ត្រូវបានសាលារាជធានី ភ្នំពេញ បែងចែកជា«បីក្រុម» ក្នុងការស្វែងរកដំណោះស្រាយ សម្រាប់អ្នកមានឯកសារគ្រប់គ្រាន់ ដែលមានចំនួនសរុប ប្រមាណជា១៥៤គ្រួសារ។
Loading...
  • ដោយ: អ៊ុម វ៉ារី អត្ថបទ ៖ អ៊ុម វ៉ារី ([email protected]) - យកការណ៍៖ស្រ៊ុន ទិត្យ -ភ្នំពេញថ្ងៃទី២០ មីនា ២០១៥
  • កែប្រែចុងក្រោយ: March 22, 2015
  • ប្រធានបទ: ដីធ្លី
  • អត្ថបទ: មានបញ្ហា?
  • មតិ-យោបល់

ពីក្នុងចំណោមពលរដ្ឋរងគ្រោះ ទាំង១៥៤គ្រួសារ ដែលកំណត់ចែកជាបីក្រុម ដោយសាលារាជធានីភ្នំពេញ នៅក្នុង​សន្និសីទ​សារព័ត៌មានមួយ បានទទួល នូវល័ក្ខខ័ណ្ឌនៃដំណោះស្រាយបញ្ចប់ នូវបញ្ហាលំនៅដ្ឋាន និងការតវ៉ានានា ដូច​តទៅ៖

ប្រជាពលរដ្ឋក្រុមទីមួយ ប្រមាណ២៦ គ្រួសារ ត្រូវទទួលបាននូវផ្ទះមួយល្វែង នៅនឹងកន្លែង (អតីតបូរីកីឡា)។ ហើយ​ប្រជាពលរដ្ឋទាំង២៦គ្រួសារនោះបានអបអរសាទ និង«ព្រម»ទទួលយកនូវការដោះស្រាយនេះ។

ប្រជាពលរដ្ឋក្រុមទីពីរ ប្រមាណ ៨៩ គ្រួសារទៀត «មិន»ត្រូវបានសាលារាជធានីភ្នំពេញ ប្រគល់ជាផ្ទះល្វែង នៅនឹង​កន្លែងដូចអ្នក២៦គ្រួសារខាងលើ ឡើយ។ សាលារាជធានីភ្នំពេញ បានសម្រេចប្រគល់ដី និងសង់ទីស្នាក់នៅ ជា​លក្ខណៈ​បន្ទប់ជួល ដែលមានទំហំ៤ម៉ែត្រគុណនឹង៥ម៉ែត្រ (៤m x ៥m) ស្ថិតនៅក្នុងភូមិអូរអណ្តូង សង្កាត់ក្រាំងធ្នង់ ខណ្ឌ​សែនសុខ។

ប្រជាពលរដ្ឋក្រុមទីបី ដែលមានចំនួន៣៩ គ្រួសារមិនទទួលបាននូវដី និងផ្ទះឡើយ។ ពួកគាត់ ត្រូវបានសាលា​រាជធានី​ភ្នំពេញដោះស្រាយ តាមបែប«គោលនយោបាយ» ដោយប្រគល់ជា«ថវិកា»។ ក្រុមទីបីនេះ ក៏មិនត្រូវបានតំណាង​សាលា​រាជធានីភ្នំពេញ បញ្ជាក់ពីចំនួនទឹកប្រាក់ ដែលត្រូវប្រគល់ឲ្យប្រជាពលរដ្ឋ ទាំង៣៩ថា តើមួយគ្រួសារនឹង​ត្រូវ​ទទួល​បាន ប៉ុន្មាននោះឡើយ។ ករណីនេះ បានធ្វើឲ្យប្រជាពលរដ្ឋទាំង៨៩ គ្រួសារ ប្រតិកម្មភ្លាមៗ មិនអាចទទួលយក​ដំណោះ​ស្រាយ ដោយមិនបានដឹងពីចំនួនជាក់លាក់ របៀបនេះទេ។

អ្នកស្រី ឆាយ គឹមហ៊ន និងអ្នកស្រី ហាស ចិន្តា ពីរគ្រួសារក្នុងចំណោម២៦ គ្រួសារ ដែលបានទទួលផ្ទះមួយល្វែង ក្នុងទីតាំងអតីតបូរីកីឡា ក្នុងកិច្ចសម្ភាសជាមួយអ្នកសារព័ត៌មាន បានបង្ហាញការពេញចិត្ត ទៅនឹងដំណោះស្រាយ របស់​សាលារាជធានីភ្នំពេញ នាពេលនេះ។ តែអ្នកស្រីបានសង្កត់ធ្ងន់ថា អ្វីដែលអ្នកស្រីឯកភាព និងទទួលយកនេះ គឺជា​ការ​ដោះស្រាយមួយ ដ៏ពិតប្រាកដ ទទួលបាននូវផ្ទះមួយ ដែលមានលក្ខណៈជា«ផ្ទះពេញលេញ» តែមិនមែនជា​បន្ទប់​ជួល បែបកម្មករឡើយ។ ពួកអ្នកស្រីនិយាយថា៖ «ពួកយើងសង្ឃឹមថា និងទទួលបានសិទ្ធិ និងការរស់នៅបាន​សមរម្យ។ (...) អ្វីដែលយើងត្រូវការ គឺផ្ទះពិតប្រាកដសម្រាប់ពួកយើង ដែលមានទំហំជាលក្ខណៈពិតប្រាកដ មិនចង់​បាន​ផ្ទះ ដែលមានលក្ខណៈ ជាបន្ទប់ជួល របស់កម្មកនោះទេ។»

ចំណែកលោក ពេជ្រ លឹមឃួន ស្ថិតក្នុងចំណោម ៨៩គ្រួសារ ដែលនឹងត្រូវទទួលបានផ្ទះតូច មានលក្ខណៈបែប​បន្ទប់​ជួល បន្តរជាប់គ្នា ស្ថិតនៅភូមិអូអណ្តូង សង្កាត់ក្រាំងធ្នង់ ខណ្ឌសែនសុខ បានលើកឡើងថា ផ្ទះដែលនឹងត្រូវទទួល​នោះ​មានទំហំ ៤ម៉ែត្រគុណនឹង ៥ម៉ែត្រ ដំបូលប្រក់សង្កសី ជញ្ជាំងរៀបឥដ្ឋ១០ សរសរគ្មានសសៃដែកចេញ បង្គន់សង់ពី​មុខ​ផ្ទះ។ លោកបន្តថា ផ្ទះទាំងនោះ សង់ជាប់ៗគ្នា គ្មានសល់ទំហំដីសងខាងឡើយ។ លោកបានថ្លែងឡើងថា៖ «ខ្ញុំមិន​អាច​ទទួលយកបានទេ ចំពោះការដោះស្រាយនេះ។ ខ្ញុំ ក៏ដូចជាពលរដ្ឋមួយចំនួនទៀត នឹងរៀបចំឯកសារ ដើម្បីធ្វើការ​ប្តឹង​បន្ត ទៅកាន់គណៈកម្មការដោះស្រាយ បញ្ហាដីធ្លីនេះ។»។

មានប្រជាពលរដ្ឋមួយចំនួនទៀត បានបង្ហាញថា ខ្លួនបានបាត់បង់​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ឈ្មោះ ពីការទទួលបានផ្ទះល្វែង នៅបូរីកីឡា បែរជា​មានឈ្មោះ ទៅនៅភូមិអូអណ្តូងទៅវិញ។ ក្នុងកិច្ចសម្ភាស ជាមួយអ្នកសារព័ត៌មាន អ្នកស្រី សោម សុមាលី បាន​បញ្ជាក់​ថា ដើមឡើយ ក្នុងការទាមទារ និងដោះស្រាយនោះ ឈ្មោះអ្នកស្រីត្រូវបានបញ្ជូនទៅ រួចរាល់ហើយ។ តែក្នុងពេលនេះ ឈ្មោះអ្នកស្រីត្រូវបានគេដកចេញបាត់ ជំនួសដោយឈ្មោះ សៀង វ៉ាន់ឌី ទៅវិញ។ អ្នកស្រីបន្តថា៖ «ឈ្មោះ សៀង វ៉ាន់ឌី នេះ គ្មានក្នុងបញ្ជីនោះទេ។ (...) តែឥឡូវលប់ឈ្មោះខ្ញុំចោល ដាក់ឈ្មោះ សៀង វ៉ាន់ឌី ទៅវិញ។ អ្នកស្រីបន្តថា កន្លងមក គេហៅអ្នកស្រីឲ្យឡើងផ្ទះ ជាន់ទី៦ តែអ្នកស្រីប្រាប់ថា រង់ចាំចាប់ឆ្នោតវិញ។ អ្នកដែលហៅឡើងផ្ទះ ជាន់​ទី៦នោះ ឥឡូវគេឡើងអស់ហើយ។ ខ្ញុំត្រូវបានគេដោះដូរឈ្មោះ ដូច្នេះខ្ញុំមិនសុខចិត្ត នឹងការសម្រេចនេះទេ ខ្ញុំនៅតែ​បន្ត​ការតវ៉ាទៀត។»

បើតាមការបញ្ជាក់របស់អ្នកស្រី ឆាយ គឹមហ៊ន តំណាងប្រជាពលរដ្ឋបូរីកីឡា បានឲ្យដឹងថា ការធ្វើសន្និសីទ​សារព័ត៌មាន នាថ្ងៃទី២០ ខែមីនា ឆ្នាំ២០១៥ នៅទីស្តីការសាលារាជធានីភ្នំពេញនេះ មិនមែនជាការដោះស្រាយ និង​ស្វែង​យល់​ពី​បញ្ហា​របស់​ប្រជា​ពលរដ្ឋទាំងនោះទេ។ សន្និសិទនេះគ្រាន់តែជាការបង្ហាញ ទីតាំងដែលត្រូវដោះស្រាយ សម្រាប់​ប្រជា​ពលរដ្ឋ តាមរយៈការបញ្ចាំងស្លាយ ដែលបានរៀបចំជាស្រេច ដោយសាលារាជធានី។ សន្និសីទនេះ មិនបាន​អនុញ្ញាត ឲ្យប្រជាពលរដ្ឋធ្វើការតវ៉ា ឬបកស្រាយអ្វីដែរ ក្រៅពីការសួរ និងឆ្លើយសំនួរ នឹងការចាំទទួលយក ការ​សម្រេច​របស់​សាលា​រាជធានីភ្នំពេញ តែមួយមុខប៉ុណ្ណោះ។

ទាក់ទងនឹងការដោះស្រាយនេះ សាលារាជធានីភ្នំពេញក៏បានដាក់ឱសានវាទ សម្រាប់ប្រជាពលរដ្ឋទាំងអស់ ដែលមិន​សុខចិត្តនឹងការសម្រេច របស់សាលារាជធានីភ្នំពេញ នាពេលនេះ។ បើតាមការបញ្ចាក់ របស់លោក មាន ចាន់យ៉ាដា នាយក​រងរដ្ឋបាលសាលារាជធានី បានលើកឡើងថា រយៈពេលតវ៉ានេះ មាន៣០ថ្ងៃ បើពលរដ្ឋណាម្នាក់ មិនបានតវ៉ា​ក្នុង​ចន្លោះ​នេះទេ ចាត់ទុកថា យល់ព្រមតាមការសម្រេចនេះ។

នាយករងរដ្ឋបាលសាលារាជធានី បានបន្តថា កិច្ចការនេះ នៅមិនទាន់សម្រេចយ៉ាងណា នៅឡើយ។ ឯលទ្ធផលវិញ ក៏មិនទាន់ទទួលបានច្បាស់លាស់ នៅឡើយដែរ។ ដោយកិច្ចការទាំងអស់នេះ កំពុងស្ថិតនៅក្នុងការវាយតម្លៃ របស់​គណកម្មការ​ជំនាញ។ លោកបានថ្លែងថា៖ «ធម្មតាលទ្ធផលដែលដាក់ចេញ មនុស្សមិនទាន់ពេញចិត្តភ្លាមនោះទេ។ តែយើងមានគណកម្មការរបស់យើង ក្នុងការជួយគាត់ជាបន្តរ ក្នុងការជជែកគ្នាទៅមុខទៀត។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...