ក្រសួង​យុត្តិធម៌ ​មិន​លូក​ដៃ​អំពី​បញ្ហា​សកម្មជន​បឹង​កក់​ជាប់​ពន្ធនាគារ​ទេ

លោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ ត្រូវបានស្រង់សំដី ដោយតំណាងរាស្ត្រគណបក្សប្រឆាំងម្នាក់ អះអាងថា លោកនឹងមិនលូកដៃ ចំពោះបញ្ហាសកម្មជនបឹងកក់នោះទេ ព្រោះវាជាឯករាជ្យភាព របស់ប្រព័ន្ធតុលាកា។
Loading...
  • ដោយ: ក. វិច្ចនី អត្ថបទ៖ ក. វិច្ចនី ([email protected]) - យកការណ៍៖ ស្រ៊ុន ទិត្យ - ភ្នំពេញ ថ្ងៃទី ១២ កុម្ភៈ ២០១៥
  • កែប្រែចុងក្រោយ: February 12, 2015
  • ប្រធានបទ: យុត្តិធម៌
  • អត្ថបទ: មានបញ្ហា?
  • មតិ-យោបល់

នៅ​ក្នុង​សន្និសីទ​ថ្នាក់​ជាតិ​មួយ ដែល​មាន​ការ​ពិភាក្សា​ដេញ​ដោល​អំពី​ច្បាប់ ដែល​បង្កើត​ឡើង​ថ្មី​ដោយ​ក្រសួង​យុត្តិធម៌ លោក អ៊ំ សំអាន អ្នក​តំណាង​រាស្ត្រ​មណ្ឌល​ខេត្ត​សៀមរាប មក​ពី​គណៈបក្ស​សង្គ្រោះ​ជាតិ​ បាន​ថ្លែង​ប្រាប់​អ្នក​សារព័ត៌មាន​ថា លោក អង្គ វង្សវឌ្ឍានា បាន​ឆ្លើយ​តប​នឹង​សំនួរ​លោក​ថា ក្រសួង​នឹង​មិន​លូក​ដៃ​ចូល​ក្នុង​បញ្ហា​របស់​អ្នក​ភូមិ​បឹង​កក់ ក្នុង​ការ​ដោះ​ស្រាយ​របស់​ប្រព័ន្ធ​តុលាការ​នោះ​ទេ ព្រោះ​វា​ជា​ឯករាជ្យ​ភាព​របស់​តុលាការ។

អ្នកតំណាងរាស្ត្រគណបក្សប្រឆាំង បានថ្លែងបញ្ជាក់ថា ក្រសួងយុត្តិធម៌ចាត់ទុកបញ្ហាការចាប់ខ្លួន របស់​សកម្ម​ជន​បឹងកក់ មិនមែនជាកំហុសដែលទទួលបានពីការធ្វើបាតុកម្មនោះទេ ប៉ុន្តែវាជាទោសកំហុស ដែលពួកគេ​បាន​ធ្វើ​មាន​ការស្ទះចរាចរណ៍ក្រុង នៅពេលដែលពួកគេ បានទៅធ្វើការតវ៉ា ដើម្បីឲ្យសាលារាជធានី​ពិចារណារឿង​ទឹក​លិច នៅសហគមន៍បឹងកក់ទៅវិញទេ។

តែការយកបញ្ហាច្បាប់ចរាចរណ៍មកនិយាយរបស់ក្រសួង ត្រូវបានលោក អ៊ំ សំអាន វាយតម្លៃថា ជារឿង​«អយុត្តិធម៌​បំផុត» ដោយសារតែក្រុមសកម្មជនបឹងកក់ទាំងនោះធ្វើបាតុកម្ម ដើម្បីឲ្យអជ្ញាធរជួយ​ដោះស្រាយ​បញ្ហាទឹកលិច នៅផ្ទះរបស់ពួកគាត់។ លោកបានថ្លែងថា ៖ «ការកាត់ទោសឲ្យសកម្មជនទាំងនោះ ជាប់​ពន្ធនាគារ​ជារឿងមួយដែលអយុត្តិធម៌បំផុត»។ ហើយលោកថា នឹងជម្រុញឲ្យរដ្ឋាភិបាលធ្វើយ៉ាងណា ដោះលែង​សកម្មជន​ទាំងនោះវិញ រួមទាំងសកម្មជនរបស់គណៈបក្សសង្រ្គោះជាតិផ្សេងទៀត។

យ៉ាងណាក៏ដោយ ជំហរមិនជ្រៀតជ្រៀកចូលកិច្ចការតុលាការនេះ ត្រូវបានលោក ជិន ម៉ាលីន ដែលជា​អនុ​រដ្ឋលេខាធិការ និងជាអ្នកនាំពាក្យនៃក្រសួងយុត្តិធម៌ ថ្លែងអះអាងនៅក្នុងសន្និសីទជាតិនេះដូចគ្នា។ លោក ម៉ាលីន បានថ្លែងថា បើទោះជាមានច្បាប់ទាំងបី (ទី១ ច្បាប់ស្តីពីការរៀបចំអង្គការតុលាការ ទី២ ច្បាប់ស្តី​ពី​លក្ខន្តិកៈ​នៃចៅក្រម និងព្រះរាជអាជ្ញា និងទី៣ ច្បាប់ស្តីពីការរៀបចំ និងប្រព្រឹត្ត​ទៅនៃឧត្តមក្រុមប្រឹក្សា​នៃ​អង្គ​ចៅក្រម) ដែលក្រសួងទើបតែបង្កើតឡើងថ្មីនេះក៏ដោយ ប៉ុន្តែរដ្ឋមន្ត្រីក្រសួងយុត្តិធម៌ មិនមានសិទ្ធិអំណាច បំពាន​ទៅលើអំណាចតុលាកានោះទេ។ អ្នកនាំពាក្យក្រសួងយុត្តិធម៌ បានអះអាងបន្ថែមថា រដ្ឋមន្ត្រីក្រសួងគ្រាន់តែ​មាន​អំណាច ក្នុងការគ្រប់គ្រងបញ្ហារដ្ឋបាល ហិរញ្ញវត្ថុ និងដំណើរការរដ្ឋបាលទូទៅប្រចាំថ្ងៃរបស់តុលាកាប៉ុណ្ណោះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...