សុគន្ធ នីសា រវាងតែងខ្លួន និងមិនតែងខ្លួន...
- ដោយ: ប្រាថ្នា អត្ថបទ៖ ប្រាថ្នា ([email protected]) - ភ្នំពេញ ថ្ងៃទី២០ មករា ២០១៥
- កែប្រែចុងក្រោយ: February 09, 2015
- ប្រធានបទ: តារា
- អត្ថបទ: មានបញ្ហា?
- មតិ-យោបល់
-
រូបថតមួយសន្លឹក ដែលត្រូវបានគេយកមកបង្ហោះ នៅលើបណ្តាញសង្គមហ្វេសប៊ុក បានបង្ហាញឲ្យឃើញកញ្ញា សុគន្ធ នីសា ស្ថិតក្នុងសំលៀកបំពាក់ធម្មតា មិនមានផាត់តែងខ្លួនអ្វីឡើយ។ ប្រិយមិត្តមួយចំនួន បានយល់ឃើញថា សម្រស់ក្នុងភាពសាមញ្ញ និងនៅពេលតែងខ្លួន មានភាពខុសប្លែកគ្នា ដូចមេឃនិងដីតែម្ដង។
ប្រិយមិត្តមួយចំនួន មានការភ្ញាក់ផ្អើលជាខ្លាំង ដោយប្រហែលជាមិនធ្លាប់ឃើញកញ្ញា សុគន្ធ នីសា ក្នុងសភាពធម្មតាបែបនេះ និងធ្លាប់តែឃើញនាងទៅណាមកណា ឬការសម្តែង តារាចម្រៀងល្បីឈ្មោះរូបនេះ តែងធ្វើការសម្អិតសម្អាងខ្លួន ជាមួយនឹងការផាត់មុខធ្វើសក់ ព្រមទាំងស្លៀកសំលៀកបំពាក់ដ៏ស្រស់ស្អាតជានិច្ច។
ប្រិយមិត្តអ្នកគាំទ្រជាច្រើននាក់ របស់តារាចម្រៀងនិងជាតួឯក ប្រចាំផលិកម្មទីក្រុងភាពយន្ត (Town) បានលើកឡើងថា សម្រស់កញ្ញានៅពេលតែងខ្លួន និងមិនធ្វើខ្លួន ខុសគ្នាដាច់ដោយឡែក។ សម្រស់នៅពេលផាត់មុខ តែងខ្លួន សុគន្ធ នីសា មើលឃើញស្រគត់ស្រគំ ស្រស់ស្អាត ក្មេងជាងវ័យគួឱ្យចង់គយគន់។ ប៉ុន្តែនៅពេលស្លៀកពាក់ធម្មតា ដោយមិនផាត់មុខធ្វើសក់វិញ សុគន្ធ នីសា មានសម្រស់មួយបែប ស្អាតបែបធម្មជាតិ ប្រៀបដូចជាមនុស្សស្រីម្នាក់យ៉ាងសាមញ្ញ។
តើអ្នកយល់យ៉ាងណាដែរ ចំពោះសម្រស់របស់កញ្ញា សុគន្ធ នីសា តារាចម្រៀងរបស់ផលិតកម្មថោន ពេលធ្វើខ្លួន និងក្នុងភាពសាមញ្ញធម្មតា ខុសប្លែកគ្នា បែបណាខ្លះ?
