ឡុង ឌីម៉ង់ ថា​រដ្ឋ​មិន​អាច​ដំឡើង​ប្រាក់​ខែ ជូន​តៃកុង​រថយន្ត​ក្រុង​បាន​ទេ

អ្នកនាំពាក្យរបស់សាលារាជធានីភ្នំពេញ បានធ្វើការបកស្រាយជុំវិញការធ្វើកូដកម្ម របស់​ក្រុម​អ្នក​បើកបរ​រថយន្ត​ក្រុង​សាធារណៈ ដើម្បីទាមទារឲ្យមានការដំឡើងប្រាក់ខែនោះ ថាមិនអាចដំឡើងប្រាក់ខែឲ្យពួកគេ ដូច​នៅ​ក្នុង​វិស័យ​ឯកជន​បាន​ទេ។
Loading...
  • ដោយ: ក. វិច្ចនី អត្ថបទ និងយកការណ៍ ៖ក. វិច្ចនី ([email protected]) - ភ្នំពេញ ថ្ងៃទី ០៣ កុម្ភៈ ២០១៥
  • កែប្រែចុងក្រោយ: February 04, 2015
  • ប្រធានបទ: ជ្រុងមួយ
  • អត្ថបទ: មានបញ្ហា?
  • មតិ-យោបល់

សាលា​រាជធានី​ភ្នំពេញ មិន​អាច​ដំឡើង​ប្រាក់​ខែ​ឲ្យ​បាន ដូច​នៅ​ក្នុង​វិស័យ​ឯងជន​មួយ​ចំនួន​បាន​នោះ​ទេ។ នេះ​ជា​ការ​ថ្លែង​បញ្ជាក់ នៅ​រសៀល​ថ្ងៃ​ទី០៣ ខែ​កុម្ភៈ​នេះ របស់​លោក ឡុង ឌីម៉ង់ មន្ត្រី​អ្នក​នាំ​ពាក្យ​សាលា​រាជធានី​ភ្នំពញ បន្ទាប់​ពី​កូដកម្ម​របស់​ក្រុម​តៃកុង​រថយន្ដ​ក្រុង​សាធារណៈ​ច្រើន​សិប​នាក់ បាន​ផ្ទុះ​ឡើង កាល​ពី​ព្រឹក​ថ្ងៃ​ដដែល ទាមទារ​ឲ្យ​មាន​ការ​ដំឡើង​ប្រាក់​បៀវត្សន៍​ចាប់​ពី ២៨០ ដុល្លា​ទៅ​ ៣០០ដុល្លា។

លោក ឡង់ ឌីម៉ង់ បាន​ពន្យល់​ប្រាប់​ទស្សនាវដ្តី​មនោរម្យ.អាំងហ្វូ​តាម​រយៈ​ទូរស័ព្ទ​ថា ក្រុម​ការងារ​ធ្លាប់​បាន​ជជែក ចំពោះ​បញ្ហា​នេះ​រួច​រាល់​អស់​ហើយ ជា​មួយ​នឹង​តៃកុង​ឡាន​ទាំង​នោះ ដោយ​បញ្ជាក់​ថា​ការងារ​ដែល​ពួក​គាត់​ធ្វើ​នោះ ជា​សេវ៉ា​ដឹក​ជញ្ជូន​របស់​រដ្ឋ ហើយ​ចំពោះ​ប្រាក់​ខែ​ក្នុង​មួយ​ខែ ៣២ម៉ឺន​រៀល សំរាប់​បុគ្គលិក​បណ្តែត និង​មាន​បូក​បញ្ចូល​ជា​មួយ​ប្រាក់ ដែល​សាលា​រាជធានី​ជួយ​ឧបត្ថម្ភ​ចំនួន ៤០ម៉ឺន​រៀល​ទៀត ដូច្នេះ​ចំនួន​ទឹក​ប្រាក់​នេះ មិន​អាច​ដំឡើង​ឲ្យ​លើស​ណ្នឹង​បាន​ទៀត​នោះ​ទេ។

លោកបញ្ជាក់បន្ថែមទៀតថា តៃកុងឡានដែលបើកបររថយន្តសាធារណៈ អាចឈប់ពីការងារបាន បើសិន​ជា​ពួកគាត់គិតថាប្រាក់ខែខាងលើនេះទាប ហើយចង់ត្រឡប់ទៅរកការងារ ក្នុងវិស័យឯកជនវិញនោះក៍បាន ពោល​គឺគ្មានបញ្ហាអ្វីទេ ព្រោះការងារនេះតៃឡានមិនមានជាប់កិច្ចសន្យាអ្វីឡើយ ហើយខាងរដ្ឋាករ​ស្វ័យ័ត​នឹងរកអ្នកថ្មី មកបើកបរជំនួសវិញ។

កិច្ចសន្យា ដែលគ្មានជាលាយលក្ខអក្សរ...

តែសម្រាប់ក្រុមតៃកុងឡានវិញ បានថ្លែងប្រាប់បណ្តាអ្នកសារព័ត៌មាន កាលពីព្រឹកថ្ងៃទី ០៣ ខែកុម្ភៈ ខណៈ​​ពេលដែលពួកគាត់បានធ្វើកូដកម្ម នៅស្ថានីយ៍ចំណតរថយន្ត របស់រដ្ឋាករស្វ័យ័តដឹកជញ្ជូន​សាធារណៈ​រថយន្តក្រុងជិតផ្សារាត្រីថា ប្រាក់ខែរបស់ពួកគាត់ ដែលនឹងមានក្នុងមួយខែចាប់ពី ២៨០ដុល្លា ទៅ៣០០​ដុល្លា​នោះ ជាការសន្យារបស់មន្ត្រីអ្នកទទួលខុសត្រូ របស់រដ្ឋាករស្វ័យ័ត។

ករណីនេះ ត្រូវបានលោក ឡុង ឌីម៉ង់ ឆ្លើយតបវិញថា ខាងលោកមិនបានសន្យាជាលាយលក្ខអក្សរ ជាមួយ​តៃកុងឡានទាំងនោះទេ។ លោកថា ប្រសិនបើថ្ងៃក្រោយទៅ រដ្ឋអាចសល់ប្រាក់ចំណេញបានខ្លះនោះ រដ្ឋនឹង​ពិចារណាដំឡើងប្រាក់ខែឲ្យពួកគាត់។ ប៉ុន្តែសព្វថ្ងៃនេះ រដ្ឋចេញខាតទាំងស្រុងទៅលើសេវ៉ាដឹកអ្នក​ដំណើរ​នេះ។

គួរំលឹកថា ក្រុមអ្នកបើកបររថយន្ដក្រុងសាធារណៈ បានទទួលប្រាក់ខែរាប់ចាប់តាំងពីខែដំបូងមក ៧២ម៉ឺន​រៀល ក្នុងមួយខែ ដែលស្របទៅនឹងការលើកឡើងរបស់លោក ឌីម៉ង់ ខាងលើនេះដែរ។ ប៉ុន្តែក្រុមអ្នកបើកបរ ដែលបានធ្វើកូដកម្មទាំងនោះ បានត្អូញត្អែរថា ពួកគាត់សុខចិត្តទ្រាំធ្វើការទាំងប្រាក់ខែចាយវាយមិនគ្រប់ ហើយបានរង់ចាំតាមការសន្យារបស់មន្ត្រីរដ្ឋាករ ដែលថានឹងដំឡើងប្រាក់ខែជូនពួកគាត់ នៅខែក្រោយៗ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...