កូនកំលោះក្រមុំនៅសម័យប៉ុលពត បានរៀបការសារជាថ្មី
- ដោយ: ក. សោភណ្ឌ អត្ថបទ និងយកការណ៍៖ ក.សោភ័ណ្ឌ ( [email protected] ) - ភ្នំពេញថ្ងៃទី២ កុម្ភៈ ២០១៥
- កែប្រែចុងក្រោយ: February 03, 2015
- ប្រធានបទ: ពីនេះពីនោះ
- អត្ថបទ: មានបញ្ហា?
- មតិ-យោបល់
-
នៅភូមិថ្មកែវ ឃុំស្វាយជ្រុំ ស្រុករលាផ្អៀ ខេត្តកំពង់ឆ្នាំង ប្តីប្រពន្ធវ័យចំណាស់ប្រាំគូរ បានរៀបការម្តងទៀតកាលពីពេលថ្មីៗនេះ ក្រោមការចូលរួមជាច្រើន ពីអ្នកស្រុកអ្នកភូមិ ញាតិមិត្ត និងមានការឧបត្ថម្ភពីអង្កការមួយចំនួន។ ទូរទស្សន៍ ទទក ក្នុងកម្មវិធី NCN បានផ្សាយហេតុការណ៍នេះ កាលពីថ្ងៃអាទិត្យទី១ ខែកុម្ភៈ ឆ្នាំ២០១៥ ដោយបានអះអាងឲ្យដឹងថា ស្វាមីភរិយាប្រាំគូ ត្រូវបានរៀបអាពាហ៍ពិពាហ៍សារជាថ្មី បន្ទាប់ពីពួកគេ រងគ្រោះនឹងការរៀបការដោយបង្ខំ នៅសម័យប៉ុលពត។
រៀបការនៅ៣០ឆ្នាំក្រោយ ម្ដងទៀត...
សម្តីផ្ទាល់របស់សាមីខ្លួនអ្នកស្រី អ៊ិន លន បានឲ្យដឹងថា កាលពីសម័យនោះ អ្នកស្រីមិនដែលមានសេរីភាពទេ។ ហើយសំលៀកបំពាក់ផ្សេងៗ ក៏គ្មានដែរ មិនតែប៉ុណ្ណោះការរៀបការរបស់អ្នកស្រី បានធ្វើឡើងដោយមានការបង្ខិតបង្ខំ។ អ្នកស្រីសប្បាយចិត្តណាស់ ដែលមានការរៀបការនៅលើកទីពីរនេះ វាបានធ្វើឲ្យអ្នកស្រីរំភើបជាខ្លាំង។
អ្នកស្រី អ៊ិន លន មិនដែលនឹកស្មានឡើយថា អ្នកស្រីបានស្លៀកពាក់អាពាហ៍ពិពាហ៍ ដ៏ស្រស់ស្អាតក្នុងមង្គលការបុរាណខ្មែរនេះសោះ។ អ្នកស្រីបានថ្លែងទៀតថា៖ «ខ្ញុំមិនដែលមានសំលៀកបំពាក់បែបនេះទេ ពីមុនមក»។
នៅក្នុងអាពាហ៍ពិពាហ៍ដែលមានគ្រប់សព្វនេះ មានអ្នកចូលរួមប្រមាណជា២០០នាក់ ដែលសុទ្ធតែជាសាច់ញាតិរបស់ក្រុមគ្រួសារទាំងសងខាង អមដោយសម្លេងឃ្មោះកងរំពង សម្រាប់ប្រសិទ្ធិពរជ័យ ដល់គូរស្វាមីរៀបការជាថ្មី ទាំងប្រាំគូរនេះ។
កញ្ញា ហ៊ុន ស៊ីនួន ប្រធានក្រុមគម្រោងនៃអង្គការយុវសន្តិភាព បាននិយាយថា ការរៀបការឡើងវិញនេះ គឺធ្វើសម្រាប់អ្នកដែលបានរៀបការដោយបង្ខំ នៅរបបកម្ពុជាប្រជាធិបតេយ្យ ហើយរស់នៅជាមួយគ្នារហូតមកដល់សព្វថ្ងៃនេះ មួយចំណែកទៀត ការរៀបការនេះ ក៏បានជួយព្យាបាលរបួសផ្លូវចិត្ត ដល់អ្នកទាំងនោះដែរ៕