បវរកញ្ញា Amazon ឆ្នាំ២០១៥ ត្រូវបានអ្នកប្រកួតដូចគ្នាទាញម្កុដបោះចោល (vdo)
- ដោយ: ប្រាថ្នា អត្ថបទ៖ ប្រាថ្នា ([email protected]) - ភ្នំពេញ ថ្ងៃទី០២ កុម្ភៈ ២០១៥
- កែប្រែចុងក្រោយ: February 03, 2015
- ប្រធានបទ: រាជនីសម្ផស្ស
- អត្ថបទ: មានបញ្ហា?
- មតិ-យោបល់
-
កម្មវិធីប្រឡងបវរកញ្ញា Amazon ឆ្នាំ២០១៥ នៃប្រទេសប្រេស៊ីល បានបញ្ចប់ទៅដោយភាពចលាចល នៅពេលដែល បេក្ខនារីម្នាក់បានខឹងសម្បារ ចំពោះការប្រកាសលទ្ធផលប្រគល់ជ័យលោភី បវរកញ្ញាអាម៉ាហ្សូនលេខ១ ទៅឱ្យនាងកញ្ញា ការ៉ូលីណា តូឡេដូ (Carolina Toledo) វ័យ ២០ឆ្នាំ។
នាង ការ៉ូលីណា តូឡេដូ ត្រូវបានប្រកាសឱ្យគ្រងម្កុដ សម្រាប់បរកញ្ញាអាម៉ាហ្សូន ឆ្នាំ២០១៥។ ប៉ុន្តែភ្លាមៗនោះ នាង សៀឡេន ហសយ៉ាឡា (Sheislane Hayalla) វ័យ ២៣ឆ្នាំ ដែលទទួលបានចំណាត់ថ្នាក់លេខពីរ បានស្ទុះទៅទាញម្កុដពីលើក្បាលនាង ការ៉ូលីណា រួចគ្រវាត់ចោលទៅលើដី នៅមុខទស្សនិកជនដែលបានមកចូលរួមទស្សនា។
នេះជាហេតុការណ៍ដ៏អស្ចារ្យមួយ បានកើតឡើងកាលពីយប់ថ្ងៃសុក្រ នៅមជ្ឈមណ្ឌលសន្និបាតមួយ នៅក្នុងទីក្រុង ម៉ាណូ (Manaus) ដែលជាទីក្រុងធំបំផុត នៃតំបន់ព្រៃអាម៉ាហ្សូន និងទីកន្លែងសម្រាប់ការប្រកួត World Cup អង់គ្លេសប្រឆាំងនឹងអ៊ីតាលីកាលពីខែមិថុនា កន្លងទៅ។ ទង្វើរបស់បេក្ខនារី ជ័យលោភីលេខ២ នាង សៀឡេន ហសយ៉ាឡា បានធ្វើឱ្យគណៈកម្មការ បេក្ខនារី ផ្សេងៗទៀត និង ទស្សនិកជន ជាច្រើន សម្ដែងការរន្ធត់ និងស្រឡាំងកាំងជាខ្លាំង។ យ៉ាងណាក៏ដោយ ក៏អ្នករៀបចំកម្មវិធីបានរើសម្កុដនោះពីដី យកមកបំពាក់ឱ្យម្ចាស់ជ័យលាភីវិញដែរ។
កញ្ញា ហសយ៉ាឡា ដែលបង្កឱ្យមានភាពភ្ញាក់ផ្អើល នៅក្នុងកម្មវិធីប្រឡងបវរកញ្ញាអាម៉ាហ្សូន ឆ្នាំ២០១៥នេះ បានលើកដៃបង្ហាញជ័យជំនេះរបស់ខ្លួន ដែលបានបោះម្កុដម្ចាស់ជ័យលាភី ចោលទៅលើដី។ នាងបានថ្លែងនៅពេលបន្ទាប់មកថា អ្នកដែលគ្រងនូវម្កុដបវរកញ្ញាអាម៉ាហ្សូន មិនសមបានទៅលើនាង ការ៉ូលីណា នោះទេ។ នាងនិយាយថា ម្ចាស់ជ័យលាភី នាង ការ៉ូលីណា បានយកលុយទិញតំណែងមួយនេះ ហើយការដែលនាងទៅទាញម្កុដបោះចោល ព្រោះនាងក៏ចង់បង្ហាញទៅដល់ ទស្សនិកជនទាំងអស់ថា លុយគឺមិនអាចទិញរបស់គ្រប់យ៉ាងនោះទេ។
រីឯនាង ការ៉ូលីណា ម្ចាស់គ្រង់ម្កុដបវរកញ្ញាអាម៉ាហ្សូនឆ្នាំ២០១៥ បានបង្ហាញអារម្មណ៍ហួសចិត្ត ហើយនាងមិនធ្វើអត្ថាធិប្បាយអ្វីទាំងអស់ ចំពោះបញ្ហាខាងលើ។ តែនាងគ្រាន់តែបាននិយាយថា៖ «នេះ គឺជាអារម្មណ៍មួយ ដែលមិនគួរឱ្យជឿ។ ខ្ញុំមិនមានពាក្យអ្វី ដើម្បីពន្យល់ពីរអារម្មណ៍ខ្ញុំបានឡើយ។»
យ៉ាងណាម៉ិញ អ្នកដែលគ្រងម្កុដមួយនេះ នឹងក្លាយជាតំណាងរបស់តំបន់អាម៉ាហ្សូន នៃប្រទេសប្រេស៊ីល នៅក្នុងកាប្រឡងបវរកញ្ញា ថ្នាក់ជាតិមួយនេះ។ ចំណែកឯនាង Hayalla នឹងត្រូវបានគណៈកម្មា ធ្វើការពិចារណាថា នឹងគួរដាក់ទោសនាងយ៉ាងដូចម្ដេច៕