ក្រុមហ៊ុន​អាកាស​ចរណ៍១០ ​មាន​សុវត្ថិភាព​ជាង​គេ​ ឆ្នាំ​២០១៥

ធ្វើដំណើរតាមយន្ដហោះ ដើម្បីឆ្លងប្រទេស ឬតំបន់ឆ្ងាយៗ នៅតែជាមធ្យោបាយ ដែលមានសុវត្ថិភាពជាងគេ។ នេះ​ជា​ចំណាត់​ថ្នាក់​ថ្មី សម្រាប់ដើមឆ្នាំ២០១៥នេះ បង្ហាញពីក្រុមហ៊ុនអាកាសចរណ៍ចំនួន១០ ដែល​ល្បី​ល្បាញ​ខាង​មាន​សុវត្ថិភាព​ជាង​គេ។
Loading...
  • ដោយ: សុបិន្ដ អត្ថបទ៖ សុបិន្ត ([email protected]) - ម៉ុងរ៉េអាល់ ថ្ងៃទី៣១ មករា ២០១៥
  • កែប្រែចុងក្រោយ: February 01, 2015
  • ប្រធានបទ: ហោះហើរ
  • អត្ថបទ: មានបញ្ហា?
  • មតិ-យោបល់

ឆ្នាំ២០១៤ បាន​បិទ​បញ្ចប់​ទៅ ដោយ​ការ​កើន​ឡើង​គួរ​ឲ្យ​ភ័យ​ខ្លាច នូវ​ចំនួន​គ្រោះ​ថ្នាក់​យន្ដហោះ ជា​ពិសេស​គ្រោះ​ថ្នាក់​យន្ដហោះ ដែល​បាន​កើត​ឡើង​ផ្ទួនៗ​ដល់​ទៅ២​ដង សម្រាប់​ក្រុមហ៊ុន​អាកាស​ចរណ៍ ម៉ាឡេស៊ី​អ៊ែរឡាញ តែ​មួយ។

នៅ​ថ្ងៃ​ទី៨ ខែ​មិនា ឆ្នាំ​២០១៥ យន្ដហោះ​ប៊ូអីង នៃ​ជើង​ហោះ​ហើរ MH370 របស់​ក្រុមហ៊ុន​អាកាស​ចរណ៍ ម៉ាឡេស៊ី​អ៊ែរឡាញ បាន​បាត់​ខ្លួន​យ៉ាង​អាថ៌កំបាំង ជា​មួយ​អ្នក​ដំណើរ​ទាំង​២៣៩​នាក់។ យន្ដហោះ​ដែល​ភ្ជាប់​រដ្ឋធានី​កូឡាឡំពួរ នៃ​ប្រទេស​ម៉ាឡេស៊ី និង​រដ្ឋធានី​ប៉េកាំង នៃ​ប្រទេស​ចិន បាន​បន្សល់​ទុក​ត្រឹម​តែ​ជា​ចម្ងល់ សម្រាប់​គ្រួសារ​នៃ​ជន​រង​គ្រោះ​ទាំង​អស់ ដោយ​សារ​តែ​រហូត​មក​ទល់​នឹង​ពេល​នេះ គ្មាន​ស្លាក​ស្នាម​ណា​មួយ ត្រូវ​បាន​គេ​រក​ឃើញ​ពី​តួ​យន្ដហោះ​មួយ​នេះ​ឡើយ។

នៅថ្ងៃទី១៧ ខែកក្កដា ឆ្នាំ២០១៥ យន្ដហោះប៊ូអីងមួយទៀត នៃជើងហោះហើរ MH17 របស់ក្រុមហ៊ុន​អាកាសចរណ៍ ម៉ាឡេស៊ីអ៊ែរឡាញ ដដែល ដែលភ្ជាប់រាជធានីអាមស្ទែដាម នៃប្រទេសហូឡង់ ឆ្ពោះទៅ​រដ្ឋធានី កូឡាឡំពួរ នៃប្រទេសម៉ាឡេស៊ី ដែលមានមនុស្សជិះ ២៩៨នាក់ ត្រូវបានផ្ទុះធ្លាក់​ក្នុងពេលកំពុង​ហោះហើរ។ ក្នុងរបាយការណ៍ស៊ើបអង្កេតនានា បានបង្ហាញថា យន្ដហោះនេះទំនងជាត្រូវបានច្រឡំជា​យន្ដហោះយោធា ហើយត្រូវបានបាញ់ទម្លាក់ ដោយកាំជ្រួច នៅក្នុងតំបន់ប្រទាញប្រទង់គ្នានៃ ប្រទេស​អ៊ុយក្រែនខាងកើត។

បើរាប់ជាមួយនឹងគ្រោះថ្នាក់យន្ដហោះតូចធំផ្សេងទៀត ចំនួនគ្រោះថ្នាក់បានកើតឡើងដល់ទៅ ២១ករណី នៅ​ក្នុងរយៈ១២ខែកន្លងទៅនេះ បង្កឲ្យអ្នកធ្វើដំណើរតាមយន្ដហោះ សម្ដែងនូវការព្រួយបារម្ភរបស់​ពួកគេ​​កាន់​តែ​ខ្លាំងឡើង។ ឆ្លើយតបនឹងការព្រួយបារម្ភនេះ ហើយដើម្បីផ្ដល់ជាការធានាខាងផ្លូវចិត្ត ទៅអាកាស​ចរណ៍​ស៊ីវិល​នៅលើពិភពលោកផង គេហទំព័រជំនាញខាងការវាយតម្លៃលើសុវត្ថិភាពនៃការហោះហើរ AirlineRatings.com បានបញ្ចេញបញ្ជីនៃក្រុមហ៊ុនអាកាសចរណ៍ចំនួន១០ដំបូងគេ ដែលមិនគួរឲ្យភ័យខ្លាច សម្រាប់​អ្នក​ដំណើរ ក្នុងការប្រើប្រាស់សេវាកម្មហោះហើរជាមួយ។

អ្នកជំនាញរបស់គេហទំព័រនេះ បានវាយតម្លៃឲ្យពិន្ទុទៅលើក្រុមហ៊ុនអាកាសចរណ៍ ប្រមាណជា៤៤៩​ក្រុមហ៊ុន ដោយយោងទៅតាមដំណើរប្រព្រឹត្តិទៅកន្លងមក នៃក្រុមហ៊ុននីមួយៗ គ្រោះថ្នាក់ដែលធ្លាប់កើត​មាន និងការហោះហើរដែលមានសភាពល្អប្រសើរជាងគេ។ ពីក្នុងចំណោមនោះ ក្រុមហ៊ុនចំនួន១៤៩ ទទួល​បាន​ពិន្ទុផ្កាយ៧ ដែលអាចចាត់ទុកជាក្រុមហ៊ុនមានសុវត្ថិភាពជាងគេ ខណៈក្រុមហ៊ុនដ៏អន់ៗជាង៥០ផ្សេងទៀត ទទួល​បានពិន្ទុត្រឹមតែផ្កាយ៣ ឬតិចជានេះប៉ុណ្ណោះ។

ខាងក្រោមនេះ ជាបញ្ជីក្រុមហ៊ុនទាំង១០ (ចំណាត់ថ្នាក់តាមតួរអក្សរឡាតាំង)៖

១) ក្រុមហ៊ុន អ៊ែរញ៉ូហ្សេឡេន (Air New Zealand) របស់ប្រទេសញ៉ូហ្សេឡេន

២) ក្រុមហ៊ុន ប្រ៊ីធីសអ៊ែរវេស (British Airways) របស់ប្រទេសអង់គ្លេស

៣) ក្រុមហ៊ុន កាតេប៉ាស៊ីភិក អ៊ែរឡាញ (Cathay Pacific Airways) របស់ប្រទេសចិន

៤) ក្រុមហ៊ុន អេមៀរ៉ាត់ (Emirates) របស់ប្រទេសអាមៀរ៉ាត់ឌុយប៉ៃ

៥) ក្រុមហ៊ុន អេទីហាដ អ៊ែរវ៉េស (Etihad Airways) របស់ប្រទេសអាមៀរ៉ាត់អារ៉ាប់រួម

៦) ក្រុមហ៊ុន អេវ៉ាអ៊ែរ ( EVA Air) របស់ប្រទេសតៃវ៉ាន់

៧) ក្រុមហ៊ុន ហ្វីនអ៊ែរ (Finnair) របស់ប្រទេសហ្វាំងឡង់

៨) ក្រុមហ៊ុន លូហ្វតាន់ស្សា (Lufthansa) របស់ប្រទេសអាល្លឺម៉ង់

៩) ក្រុមហ៊ុន កនតាស (Qantas) របស់ប្រទេសអូស្ត្រាលី

១០) ក្រុមហ៊ុន សាំងហ្គាពួរ អ៊ែរឡាញ (Singapore Airlines) របស់ប្រទេសសិង្ហបូរី

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...