ពលរដ្ឋ​«ឃុំ​អូបីជាន់» តវ៉ា​សុំ​អភិបាល​ខេត្ត ឲ្យ​ធ្វើ​ប័ណ្ណ​កម្មសិទ្ធ​ដី​ធ្លី

ពលរដ្ឋប្រមាណជា១០០គ្រួសារ បានប្រមូលផ្តំគ្នានៅលើដីមានទំនាស់មួយកន្លែង ដើម្បី​តវ៉ា​សុំ​ឲ្យ​អភិបាល​ខេត្ត​បន្ទាយ​មាន​ជ័យ ដោះស្រាយបញ្ហដីធ្លីរបស់ពួូកគេ និងជួយសម្រួលប្លង់កម្មសិទ្ធឲ្យពួកគាត់ទាំង១៥៦គ្រួសារ ដែលជាអ្នករងគ្រោះ ព្រោះគ្មានសិទ្ធក្នុងការធ្វើអាជីវកម្ម លើដីរបស់ខ្លួនឯង។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី២៣ មករា ២០១៥
  • កែប្រែចុងក្រោយ: January 23, 2015
  • ប្រធានបទ: ដីធ្លី
  • អត្ថបទ: មានបញ្ហា?
  • មតិ-យោបល់

ការ​តវ៉ា​មួយ​បាន​កើត​ឡើង នៅ​ស្រុក​​​អូជ្រៅ ខេត្ត​បន្ទាយ​មាន​ជ័យ នៅ​ព្រឹក​ថ្ងៃ​ទី២៣ ខែ​មករា ឆ្នាំ​២០១៥ នេះ​ដើម្បី​សុំ​ឲ្យ​មន្រ្តី​ដែល​ជាប់​ពាក់​ព័ន្ធ ជា​ពិសេស​អភិបាល​ខេត្ត​បន្ទាយ​មាន​ជ័យ ឲ្យ​ជួយ​អន្តរាគមន៍​ក្នុង​ការ​ធ្វើ​ប្លង់​កម្មសិទ្ធិ​ឲ្យ​ប្រជា​ពលរដ្ឋ​ទាំង​១៥៦ គ្រួសារ នៅ​លើ​ទំហំ​ដី ៧៨០ហិចតា មាន​ដី​ជាប់​គ្នា​ពីរ​ភូមិ​គឺ​ភូមិ ថ្នល់​បត់ និង​ភូមិ បឹងស្នោ។ សុំ​ប្លង់​កម្មសិទ្ធិ​ដី ព្រោះ​ពលរដ្ឋ​ទាំង​នោះ គ្មាន​សិទ្ធ​ក្នុង​ការ​ប្រកប​អាជីវកម្ម​អ្វី​ផ្សេងៗ នៅ​លើ​ដី​ខ្លួន​ឯង​ឡើយ។

តំណាង​អ្នក​ភូមិ​ម្នាក់​លោក អ៊ុង តាំង បាន​ឲ្យ​ទស្សនាវដ្ដី​មនោរម្យ.អាំងហ្វូ​ដឹង​ថា លោក​និង​អ្នក​ភូមិ​ផ្សេង​ទៀត បាន​ដាក់​ពាក្យ​បណ្តឹង និង​សុំ​ការ​អន្តរាគមន៍​ពី​អភិបាល​ខេត្ត​ហើយ តែ​មិន​មាន​អ្នកណា​ម្នាក់​ចូល​រួម​ដោះ​ស្រាយ​នៅ​ឡើយ។ លោក​ថា ដំបូង​មាន​ការ​សម្បទាន​ដី​នៅ​ឃុំ ស្ល​ក្រាម ហើយ​បង្កើត​ជា​ឃុំ​អូ​បី​ជាន់ ស្រុក​អូ​ជ្រៅ។ ហេតុ​នេះ​ហើយ ធ្វើ​ឲ្យ​អ្នក​ដែល​មាន​ដី​នៅ​ឃុំចាស់ រហូត​ដល់​មក​រស់​នៅ​ឃុំ​ថ្មី មិន​មាន​ប្លង់​កម្មសិទ្ធ​នៅ​ឡើយ។ លោក​ថា អ្នក​ខ្លះ​មាន អ្នក​ខ្លះ​គ្មាន ភាព​ស្មើរ​គ្នា​នៃ​កម្មសិទ្ធិ​មិន​គ្រប់​គ្រាន់​ដល់​ប្រជា​ពលរដ្ឋ​ទាំង​អស់​ទេ។

នៅពេលបញ្ចប់ការធ្វើពេលធ្វើបាតុកម្ម នៅវេលាម៉ោងប្រមាណជា១១ថ្ងៃត្រង់ អ្នកស្រី ឡុង សុគន្ធី តំណាង​អ្នកភូមិថ្នល់បត់ ឃុំអូបីជាន់ ស្រុកអូជ្រៅ ខេត្តបន្ទាយមានជ័យ បានប្រាប់ថា បន្ទាប់ពីសម្បទានដី ចំនួនពីរឃុំ មានឃុំស្លក្រាម និងឃុំអូបីជាន់មក ឃុំទាំងពីរក៏មានទំនាស់រវាងគ្នា។ បន្ទាប់មក អ្នកភូមិក៏ទទួលរងគ្រោះរហូត ពីសំណាក់ក្រុមហ៊ុន សេង ហុងហេង និងឧកញ៉ា សំ សុផាន់ណារិទ្ធ ដែលតែងតែមកជិះជាន់ប្រជាពលរដ្ឋ ក្នុងភូមិខាងលើ។

ពលរដ្ឋមិនអាចរស់នៅឬ បង្ករបង្កើនផលលើដីទាំងនោះបានទេ ហើយថែមទាំងមានបញ្ហាជាញឹកញាប់ រហូត​ឈានដល់ការស្លាប់ប្រជាពលរដ្ឋក៏មាន ដោយស្តែងឡើងតាមរូបភាពផ្សេងៗ ដូចជា៖ ផ្ទុះមីន ឃាតកម្ម​ជា​ដើម។ អ្នកស្រីថា ក្រុមពលរដ្ឋទាំងអស់ សុំទាមទារឲ្យគ្រប់ស្ថាប័នជួយធ្វើអន្តរាគមន៍ឲ្យបានឆាប់ ព្រោះពួក​គាត់ពិបាកក្នុងការស់នៅ និងប្រកបរបរចិញ្ចិមជីវិតណាស់។

អ្នកនៅក្នុងហេតុការណ៍នេះផ្ទាល់ លោក អ៊ុង ថាប់រាំង ជាចាងហ្វាងកាសែតខ្មែរជាយដែន បានប្រាប់​ទស្សនាវដ្ដីដែរថា នៅមិនមានតំណាងដែលជាប់ពាក់ព័ន្ធណាមួយ ចូលរួមដោះស្រាយនោះទេ មានតែ​បញ្ជាការ​សន្តិសុខឃុំអូបីជាន់ ចុះជួយការពារសុវត្តិភាពអ្នកភូមិប៉ុណ្ណោះ។

ចំពោះបញ្ហាទាំងអស់នេះ ទស្សនាវដ្តីមិនអាចសុំការបំភ្លឺពីលោក គោ ស៊ុំសារឿន អភិបាលខេត្តបន្ទាយ​មាន​ជ័យ បានទេនៅថ្ងៃទី២៣មករានេះ ដោយទូរស័ព្ទរបស់លោកបានបិទ។ ដោយឡែកលោក អ៊ុំ រាត្រី អភិបាល​រង​ខេត្ត​នេះដែរ បានប្រាប់ទស្សនាវដ្តីមនោរម្យ.អាំងហ្វូតាមទូរស័ព្ទថា លោកសុំមិនឆ្លើយ ដោយលោកមិនទាន់​បាន​ដឹង​រឿង​នេះនៅឡើយ និងជាប់រវល់កិច្ចការនៅកន្លែងផ្សេង។ លោកបានថ្លែងឲ្យដឹងថា៖ «ខ្ញុំសុំមិនឆ្លើយ ព្រោះ​ខ្ញុំ​មិន​ទាន់​បានដឹងរឿងនេះ»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...