សកម្មជនដីធ្លីស្នើទៅទូត១០ប្រទេស ឲ្យចូលរួមឃ្លាំមើលការកាត់ទោសស្ត្រីបឹងកក់
- ដោយ: ក. វិច្ចនី អត្ថបទ៖ ក. វិច្ចនី ([email protected]) - យកការណ៍៖ ស្រ៊ុន ទិត្យ - ភ្នំពេញ ថ្ងៃទី ១៥ មករា ២០១៥
- កែប្រែចុងក្រោយ: January 15, 2015
- ប្រធានបទ: យុត្តិធម៌
- អត្ថបទ: មានបញ្ហា?
- មតិ-យោបល់
-
សកម្មជនដីធ្លីដែលបានជាប់ពន្ធនាគារ អស់រយៈពេលជាច្រើនថ្ងៃហើយនោះ នឹងត្រូវសាលាឧទ្ទរណ៍នាំខ្លួន យកមកបើកសាវនាការកាត់ទោស នៅថ្ងៃទី ២២ ខែមករា ខាងមុខនេះ។ ទទឹមនឹងការប្រកាសបើកសវនាការនេះ សហគមន៍រងគ្រោះនឹងវិបត្តិដីធ្លី ដែលស្និតនឹងស្ត្រីទាំង ១០រូប បាននាំគ្នាដង្ហែក្បួនដោយថ្មើរជើង ដាក់ញត្តិនៅស្ថានទូតនៃប្រទេសធំៗដូចជា បារាំង អង់គ្លេស អាមេរិក កូរ៉េខាងត្បូង អាល្លឺម៉ង ជប៉ុន អូស្ត្រាលី សហភាពអឺរ៉ុប អង្គការសហប្រជាជាតិ និងរដ្ឋសភាជាតិ ដើម្បីអញ្ជើញឯកអគ្គរដ្ឋទូត និងថ្នាក់ដឹកនាំក្នុងស្ថាប័នទាំងនោះ មកជួយឃ្លាំមើលការកាត់ទោស របស់សាលាឧទ្ទរណ៍។
នៅក្នុងខ្លឹមសារ នៃលិខិតអញ្ជើញរបស់ក្រុមសហគមន៍ បានបញ្ជាក់អំពីគោលបំណងរបស់ខ្លួនថា ការចូលរួមរបស់ឯកអគ្គរដ្ឋទូត និងថ្នាក់ដឹកនាំស្ថាប័នពាក់ព័ន្ធ វាជាការលើកទឹកចិត្តដល់ស្ត្រីរងគ្រោះដោយអយុត្តិធម៌ និងអោយតុលាការក្នុងប្រទេសកម្ពុជា ផ្តល់យុត្តិធម៍ដោះលែងពួកគាត់ អោយមានសេរីភាពឡើងវិញ។
អ្នកស្រី បូវ សោភា តំណាងសហគមន៍បឹងកក់បានប្រាប់បណ្តាអ្នកសារព័ត៌មានថា គាត់មានភាពជឿជាក់ទៅលើស្ថានទូតទាំងអស់នោះ ជាពិសេសស្ថានទូតបារាំង ដែលធ្លាប់បានជួយធ្វើអន្តរាគមន៍ចំពោះបញ្ហាដីធ្លី ហើយអ្នកស្រីជឿថា ស្ថានទូតនេះនៅតែមានឥទ្ធិពលសំរាប់កម្ពុជា ក្នុងការដាក់សំពាធទៅរដ្ឋាភិបាល ដើម្បីឲ្យមានការដោះលែងសកម្មជន ជៀសជាងការប្រើអនុសាសន៍ និងការបញ្ជាឲ្យចាប់ប្រជាពលរដ្ឋខ្លួនឯង ទៅដោះដូរនឹងនិន្នការនយោបាយ។ អ្នកស្រីថា បញ្ហានេះអ្នកស្រីមិនអាចទទួលយកបានទេ ហើយវាជារឿងអយុត្តិធម៌បំផុតសំរាប់ប្រជាជនកម្ពុជា។
ក្រោមក្រសែភ្នែកឃ្លាំមើលរបស់ទូតបរទេស...
ពាក់ព័ន្ធនឹងស្រ្តីសកម្មជនដីធ្លីនេះ ព្រះតេជគុណ កែវ សុម៉ាលី បានឲ្យដឹងថាតុលាការមិនមានភាពយុត្តិធម៍ ចំពោះពួកគាត់នោះទេ។ ព្រះសង្ឃ សុម៉ាលី បានមានសង្ឃដីកាថា ការចាប់ខ្លួនស្រី្តសកម្មជន វាមិនមែនជាការត្រឹមត្រូវនោះទេ ព្រោះវាគ្រាន់តែជាការប្រព្រឹត្តបទល្មើសតូចតាចប៉ុណ្ណោះ។ ប្រសិនករណីនេះ ជាករណីប្រព្រឹត្តបទល្មើសចរាចរណ៍ពិតមែននោះ តើហេតុអ្វីត្រូវឲ្យពួកគាត់ត្រូវជាប់ពន្ធនាគាដទៅ ១ឆ្នាំ។ នេះគឺជាទឡ្ហីករណ៍មួយ ដែលសរបញ្ជាក់ឲ្យឃើញថា វាមានភាពអយុត្តិធម៍សំរាប់ពួកគាត់បាត់ទៅហើយ។
ព្រះតេជគុណមានសង្ឃដីកាបន្ថែមថា ដើម្បីដាក់សំពាធបន្ថែមទៀត សហគមន៍ដែលកំពុងរងគ្រោះទាំងនោះ មានតែដាក់លិខិតអញ្ជើញស្ថានទូតសំខាន់ៗ ដើម្បីចូលរួមឃ្លំាមើលសាវនាការកាត់ទោសសកម្មជនដីធ្លី នៅថ្ងៃទី ២២ ខែមករានេះ។ ព្រះសង្ឃ កែវ សុម៉ាលី មានជំនឿជាក់ខ្លាំងណាស់ ចំពោះការចូលរួមរបស់តំណាងស្ថានទូតសំខាន់ៗទាំង ១០នោះ ព្រោះព្រះតេជគុណមានបទពិសោធន៍ ចំពោះការអញ្ជើញឲ្យតំណាងស្ថានទូតចូលរួម ក្នុងការតាមដានតុលាការ ពាក់ព័ន្ធនឹងករណីនិមន្តព្រះតេជគុណ លួន សុវ៉ាត កាលពីពេលថ្មីៗនេះ ដែលបានបង្ហាញថា ស្ថានទូតពិតជាបានចូលរួមឃ្លាំមើលការបើកសាវនាការ របស់តុលាកម្ពុជាពិតប្រាកដមែន។ ដូច្នេះហើយ បានជាតុលាកាមិនហ៊ានជំនុំជំរៈ សើបសួរ និងចោទប្រកាន់អ្វី លើកព្រះតេជគុណ លួន សុវ៉ាត តាមតែអំពើរចិត្តនោះទេ៕