ហួសចិត្ត... ស្រាតជិះម៉ូតូពេញស្រុកលើកដែក លុះត្រាត្រូវឃាត់ខ្លួន (vdo)
- ដោយ: កេសរ កូល អត្ថបទ៖ កេសរកូល ([email protected]) - ភ្នំពេញ ថ្ងៃទី០៩ មករា ២០១៤
- កែប្រែចុងក្រោយ: January 09, 2015
- ប្រធានបទ: ពីនេះពីនោះ
- អត្ថបទ: មានបញ្ហា?
- មតិ-យោបល់
-
តើវាជាការសប្បាយភ្លេចខ្លួន ឬចង់បំបែកឯកតកម្ម នៅក្នុងប្រទេសកម្ពុជា?
ជនបរទេស ៣នាក់ ត្រូវបាននគរបាលប៉ុស្ដិ៍រដ្ឋបាលពាមរាំង ក្នុងស្រុកលើកដែក ឃាត់ខ្លួន ពីបទបានជិះម៉ូតូទាំងអាក្រាតកាយ តាមទីសារធារណៈ បង្កឲ្យមានការភ្ញាក់ផ្អើលដល់អ្នកស្រុកពាសពេញ។ សាក្សីដែលបានឃើញហេតុការណ៍នេះ បានឲ្យដឹងថា ជនបរទេសទាំងបីនោះ មាននារីជាដៃគូរម្នាក់ បានជិះឱបចង្កេះពីក្រោយបុរសម្នាក់ទៀត ដោយអាក្រាតកាយ លើម៉ូតូមួយ និងជនបរទេសម្នាក់ផ្សេង ជិះម៉ូតូមួយទៀតកាលពីវេលាម៉ោង ៤និង៣០ នាទីរសៀល ថ្ងៃទី៨ ខែមករា ឆ្នាំ២០១៥។ ជនបរទេសទាំងបីនាក់ ដែលជិះម៉ូតូ ២គ្រឿង និងមានភ្ជាប់ជាមួយនូវម៉ាស៊ីនថត ម្នាក់មួយគ្រឿងផង បានធ្វើដំណើរតាមបណ្ដោយផ្លូវជាតិលេខ១៤ ពីអ្នកលឿងមកក្អមសំណ។
បើតាមសមត្ថកិច្ចនគរបាល ស្រុកលើកដែក បានឱ្យដឹងថា ជនបរទេសទាំងបីនោះ មានលោក គ្រាហ្វ័ត ប្រោន (CRAWFORD BROWN) អាយុ ២៤ឆ្នាំ កញ្ញា កាតារីណា អាអាញ៉ូ (CATARINA AARNIO) អាយុ២១ឆ្នាំ និងលោក ជាកាឡូ អាឡូកា (GIANCARLO ALLOCCA) អាយុ ៣០ឆ្នាំ។ ជនបរទេសទាំងបីនេះ ពុំមានលិខិតស្នាមអ្វី នៅជាប់ខ្លួនទេ។
សមត្ថកិច្ចនគរបាលបាននិយាយទៀតថា ការឃាត់ខ្លួនជនបរទេសទាំង៣នាក់នេះ ដើម្បីយកមកអប់រំ ឲ្យស្លៀកពាក់ និងពន្យល់ពីសេចក្ដីថ្លៃថ្នូរ ទំនៀមទម្លាប់ប្រពៃណីខ្មែរ និងច្បាស់ទម្លាប់ក្នុងប្រទេសកម្ពុជា ដែលមិនឱ្យនរណាម្នាក់ ស្រាតជិះម៉ូតូយ៉ាងដូច្នេះឡើយ។
តាមដំណឹងចុងក្រោយបានឲ្យដឹងថា ដោយសារតែជនទាំងបី មិនមានក្រដាសស្នាមនៅជាប់ខ្លួន នគរបាលតំបន់ បានបញ្ជូនពួកគេ ទៅកាន់អគ្គនាយកដ្ឋានអន្ដោប្រវេសន៍ នៃក្រសួងមហាផ្ទៃ ដើម្បីចាត់ការនិងអនុវត្ដតាមនីតិវិធី៕
