បក្ស​សង្គ្រោះ​ជាតិ​ឲ្យ មាជ សុវណ្ណារ៉ា បន្ត​ជាប់​ក្នុង​ពន្ធនាគារ?

តើការប្រើប្រាស់លោក មាជ សុវណ្ណារ៉ា ឲ្យជាប់ពន្ធនាគារ និងបន្តឲ្យជាប់ឃុំនេះ អាចជាឆាកល្ខោនរបស់ខាងណា?
Loading...
  • ដោយ: ក. វិច្ចនី អត្ថបទ៖ក. វិច្ចនី ([email protected]) - យកការណ៍៖ ហេង វុទ្ធី - ភ្នំពេញ ថ្ងៃទី ០៨ មករា ២០១៥
  • កែប្រែចុងក្រោយ: January 08, 2015
  • ប្រធានបទ: នយោបាយ
  • អត្ថបទ: មានបញ្ហា?
  • មតិ-យោបល់

តើ​គណបក្ស​សង្គ្រោះ​ជាតិ បាន​សុំ​ឲ្យ​លោក មាជ សុវណ្ណារ៉ា អត់​ធ្មត់​បន្ត​ជាប់​ក្នុង​ពន្ធនាគារ ដើម្បីរង់​ចាំ​ឲ្យ​ចេញ​បាន ​គណៈកម្មការធិការ​ជាតិ រៀបចំ​ការ​បោះ​ឆ្នោត​ មួយ​ឯករាជ្យ​មែន​ឬ? មែន​ឬ​មិន​មែន វា​ជា​ការ​ថ្លែង​ឲ្យ​ដឹង​របស់​លោក អំ សំអាន តំណាង​រាស្ត្រ​ខេត្ត​សៀមរាប របស់​គណបក្ស​សង្រ្គោះ​ជាតិ នៅ​មុខ​សាលា​ដំបូង​រាជធានី​ភ្នំពេញ ក្នុង​ថ្ងៃ​ទី​៨ ខែ​មករា​នេះ។

ឆ្លៀតឱកាស​ដែល​លោក ចូល​មក​ធ្វើ​បាតុកម្ម​តវ៉ា ជា​មួយ​ប្រជា​ពលរដ្ឋ និង​ព្រះ​សង្ឃ​នៅ​ទី​នោះ លោក អំ សំអាន បាន​ថ្លែង​បរិហា​ប្រព័ន្ធ​តុលាការ​កម្ពុជា ប្រាប់​ទស្សនាវដ្ដី​មនោរម្យ.អាំងហ្វូ​ថា ការ​ចាប់​ខ្លួន​លោក មាជ សុវណ្ណារ៉ា ជា​ការ​គៀប​សង្កត់ និង​ជា​ការ​ដាក់​គំនាប មក​លើ​គណៈបក្ស​សង្គ្រោះ​ជាតិ ព្រោះ​«គ.ជ.ប»។ លោក​បាន​និយាយ​ថា៖ «ដូច្នេះ​ហើយ បាន​ជា​គេ​ត្រូវ​ចាប់​លោក មាជ សុវណ្ណារ៉ា ហើយ​នឹង​សកម្ម​ជន​គណបក្ស​សង្រ្គោះ​ជាតិ​ដទៃ​ទៀត ដើម្បី​បង្ខំ​ឲ្យ​យើង​យល់​ព្រម​ធ្វើ​ម៉េច​ឲ្យ គ.ជ.ប បាន​ចេញ។»

លោកតំណាងរាស្ត្រ បានថ្លែងបន្តថា ទោះបីជាយ៉ាងណាក៍ដោយ ក៍លោក មាជ សុវណ្ណារ៉ា សុខចិត្តនៅក្នុង​ពន្ធនាគា ដើម្បីបង្កើតគ.ជ.ប មួយដែលឯករាជ្យឲ្យបាន ហើយគណៈបក្សសង្គ្រោះជាតិ នឹងមិនចរចារដោយ​យកលោក មាជ សុវណ្ណារ៉ា មកពាក់ព័ន្ធនោះទេ។ ហើយនេះជាមូលហេតុ ដែលគណៈបក្សប្រឆាំងមួយនេះ សុំឲ្យលោក មាជ សុវណ្ណារ៉ា អត់ធ្មត់បន្តិចដើម្បីចរចារការបង្កើត គ.ជ.ប ឲ្យបានឯករាជ្យសិន។ លោក អំ សំអាន និយាយទៀតថា នៅពេលដែលការបង្កើត គ.ជ.ប នេះ បានបញ្ចប់នាពេលឆាប់ៗខាងមុខនេះ គណបក្ស​ប្រជាជន​កម្ពុជា នឹងដោះលែង លោកមាជសុវណ្ណារ៉ា និងសកម្មជនដទៃទៀតផងដែរដូចគ្នា។

ស្រដៀងគ្នានេះ នាយកប្រតិបត្តិ​អង្គការ​ខុមហ្វ្រែល លោក គល់ បញ្ញា ក៏បានអះអាងដែរថា ការចាប់ខ្លួនលោក មាជ សុវណ្ណារ៉ា គឺជារឿងនយោបាយ។ ថ្លែងប្រាប់ទស្សនាដ្តី​មនោរម្យ.​អាំងហ្វូ​  តាមទូរស័ព្ទ មេដឹកនាំសង្គម​ស៊ីវិល​រូប​នេះ បានបញ្ជាក់វិញថា ប៉ុន្តែផល​ចំណេញទៅក្នុងនយោបាយ​ក្នុងន័យអ្វីមួយនោះ លោកមិនទាន់​ដឹង​ច្បាស់​នៅ​ឡើយ។ ប៉ុន្តែលោកបានជឿថា ការចាប់ខ្លួនលោក មាជ សុវណ្ណារ៉ា ពិតជាកាដាក់គំនាបមួយ ទៅ​គណបក្ស​សង្គ្រោះជាតិ។

លោក គល់ បញ្ញា បានបន្ថែមថា វាអាចមានរឿងច្រើនលើសពីនោះទៀត ក្រៅពីការបង្កើត គ.ជ.ប ព្រោះថា​បញ្ហាធំ ដែលគណៈបក្សទាំងពីរកំពុងចរចារគ្នានោះ វាពាក់ព័ន្ធទៅនឹងការកែទម្រង់ការបោះឆ្នោត និងការ​កែ​ទម្រង់នៅបទបញ្ជាផ្ទៃក្នុងនៃរដ្ឋសភា។

សម្រាប់គណបក្សប្រជាជនកម្ពុជា និងរដ្ឋាភិបាលវិញ បានថ្លែងការពារខ្លួនរួចហើយថា ការចាប់ខ្លួនសកម្មជន​ទាំងនេះ សុទ្ធសឹងជាការអនុវត្តច្បាប់ និងនិតិវិធីរបស់តុលាការកម្ពុជា មិនមានលក្ខណៈដាក់សម្ពាធទៅលើ​​គណបក្សសង្គ្រោះជាតិអ្វីឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...