តូយ៉ូតា កាមរី ជំនាន់២០១៥ មានឈ្មោះថ្មីថា NS4?
- ដោយ: វន់ ដារា អត្ថបទ៖ វ៉ន ដារ៉ា ([email protected]) - ភ្នំពេញថ្ងៃទី២៣ ធ្នូ ២០១៤
- កែប្រែចុងក្រោយ: December 25, 2014
- ប្រធានបទ: ម៉ូដថ្មី
- អត្ថបទ: មានបញ្ហា?
- មតិ-យោបល់
-
ចាប់តាំងពីការផលិតដំបូង ក្នុងឆ្នាំ ១៩៨១ មក រថយន្តតូយ៉ូតា កាមរី (Toyota Camry) បានធ្វើការអភិវឌ្ឍន៍ខ្លួនមិនឈប់ឈរ ម្តងបន្តិចៗ ពីមួយឆ្នាំទៅមួយឆ្នាំ។ តាមប្រភពពត៌មាន Bloomberg បានអោយដឹងថា តូយ៉ូតា កាមរី សម្រាប់ជំនាន់ឆ្នាំ២០១៤នេះ អាចនឹងមានរូបរាងថ្មីយ៉ាងល្អប្រណិត ជាមួយនឹងឈ្មោះហៅថា អ៊ិនអេស៤ (NS4)។
NS4 រឺ Camry ២០១៥ ត្រូវបានគេដឹងថា នឹងផលិតឡើង ដោយមានម៉ាស៊ីន ២.៥-liter four-cylinder និងកំលាំង ១៧៨ horsepower បូករួមជាមួយ ប្រពន្ធ័ Hybrid ដ៍ទំនើប។ ការរចនារបស់វា មានលក្ខណៈខុសប្លែកពីមុនទាំងស្រុង ដែលវាធ្វើអោយមនុស្សជាច្រើន ចាប់អារម្មណ៍។ ប៉ុន្តែទោះជាយ៉ាងណាក្តី រថយន្ត ដែលលោកអ្នកឃើញនៅក្នុងរូបថត គ្រាន់តែជាតំណាងឲ្យរូប Concept នៅពេលយកមកតាំងពិពណ៌ ក្នុងពេលកន្លងមក របស់ក្រុមហ៊ុន តូយ៉ូតា តែប៉ុណ្ណោះ។
តាមពិតទៅ ក្រុមហ៊ុន តូយ៉ូតា នៅមិនទាន់ ចេញពត៌មានលំអិតអំពីការផលិតរបស់រថយន្ដនេះ ច្បាស់លាស់នៅឡើយ។ ប៉ុន្តែគេប្រាកដថា ប្រសិនបើក្រុមហ៊ុន Toyota ជ្រើសរើស រកគំរូរថយន្ត នេះមកផលិតនោះ គឺរហូតដល់ឆ្នាំ ២០១៥ ទើបរថយន្តមួយនេះ អាចយកមកលក់នៅលើទីផ្សារ ហើយយើងក៏មិនចាំបាចរង់ចាំយូរពេកដែរ ព្រោះនៅសល់តែប៉ុន្មានថ្ងៃទៀតប៉ុណ្ណោះ នឹងឆ្លងឆ្នាំហើយ៕
