រម៉ក​អេត​ចាយ បុក​ម៉ូតូ​ឪពុក​​ក្មេក​​មេធាវី ទារ​សំណង​១០០​ដុល្លា

រម៉កអេតចាយបើកបញ្ច្រាស់ទិស បុកជាមួយម៉ូតូឪពុកក្មេកមេធាវី បណ្តាលឲ្យខូចខាតម៉ូតូផ្នែកខាងមុខ។ ជន​រង​គ្រោះ​ទាម​ទារ​សំណង ១០០ដុល្លា តែមិនបានសម្រេច ព្រោះអាណិតដល់ម្តាយជនបង្កដែល ចងការ​ប្រាក់​គេមកបង់ឲ្យកូន។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - រាយការណ៍៖ ហេង វុទ្ធី- ភ្នំពេញ ថ្ងៃទី២៤ ធ្នូ ២០១៤
  • កែប្រែចុងក្រោយ: December 24, 2014
  • ប្រធានបទ: គ្រោះថ្នាក់
  • អត្ថបទ: មានបញ្ហា?
  • មតិ-យោបល់

ហេតុការណ៍​ចេះ​តែ​កើត​មាន​ប្លែកៗ ​រី​ឯ​ការ​យោគ​យល់​រវាង​ខ្មែរ​គ្នា​ឯង ក៏​កាន់​តែ​ធ្វើ​ឲ្យ​រញ្ជួយ​ចិត្ត​ណាស់​ដែរ។ ករណី​នេះ បាន​បង្ហាញ​នៅ​ក្នុង​ហេតុការណ៍​គ្រោះ​ថ្នាក់​ចរាចរណ៍​មួយ កាល​ពី​ព្រឹក​ព្រហាម​ម៉ោង​៤ និង​៤៥​នាទី ថ្ងៃ​ទី​២៤ ខែ​ធ្នូ ឆ្នាំ​២០១៤​នេះ នៅ​លើ​បណ្តោយ​ផ្លូវ​មន្នី​រ៉េត នៅ​ខាង​លិច​ស្តុប​ផ្សារ​ដើម​គ។ គ្រោះ​ថ្នាក់​​រវាង​ម៉ូតូ និង​ម៉ូតូ បង្ក​ឡើង​ដោយ​ម៉ូតូ​ដឹក​រម៉ក​អេត​ចាយ​មួយ​គ្រឿង មិន​មាន​ផ្លាក​លេខ បុក​ជា​មួយ​ម៉ូតូ ធុន​សង់​ពាក់​ផ្លាក​លេខ 1O-8414 ភ្នំពេញ ដែល​បើក​បរ​ក្នុង​ទិស​ដៅ​បញ្ច្រស​គ្នា។

ប្រភពព័ត៍មាន​នៅ​កន្លែង​កើត​ហេតុ បាន​ឲ្យ​ដឹង​ថា មុន​ពេល​កើត​ហេតុ គេ​ឃើញ​ម្ចាស់​រម៉ក​អេតចាយ បើក​ម៉ូតូ​យ៉ាង​លឿន​ក្នុង​ទិសដៅ​បញ្ច្រាស់​ពី​គេ ចំណែក​ឯ​ម៉ូតូ​ជន​រង​គ្រោះ បើក​ពី​កើត​ទៅ​លិច ដោយ​បុរស​ម្នាក់ ដែល​គេ​ស្គាល់​ថា ជា​ឪពុក​ក្មេក​មេធាវី។ មក​ដល់​ចំណុច​គ្រោះ​ថ្នាក់​ខាង​លើ ក៏​ស្រាប់​តែ​បាន​បុក​គ្នា ធ្វើ​ឲ្យ​ជាប់​គាំង​នៅ​កណ្តាល​ទ្រូង​ផ្លូវ។

ឪពុកក្មេកមេធាវីលោក ស៊ីម សាវី ដែលជាជនរងគ្រោះ បាននិយាយថា ម៉ូតូនោះបើកបញ្ច្រាស់ទិស ហើយ​ជិះ​លឿនទៀត។ ដូចនេះ រកតែគាត់គេចទៅណាក៏មិនបាន។ ណាមួយ ខ្លាចមានគ្រោះថ្នាក់ជាមួយ​រថយន្តដ៏ទៃ​ទៀតផង។ តម្លៃនៃការខូតខាត ត្រូវបានលោកឪពុកក្មេកមេធាវីរូបនេះ ទាមទារឲ្យជនបង្កសងថ្លៃខូចខាតម៉ូតូ​របស់​លោក ចំនួន១០០ដុល្លា ។

ម្តាយជនបង្ក អ្នកស្រី ជុំ សុផល បានមកដល់កន្លែងកើតហេតុ បន្ទាប់ពីមានការប្រកែកគា្ន មួយសន្ទុះធំ។ ស្ត្រី​វ័យចំណាស់ខាងលើ បានប្រាប់អ្នកសាព័ត៍មានថា កូនគាត់ពិតជាបើកបរខុសមែន បានជាគាត់ព្រមទទួល ព្រោះពីមុនមកកូនេបស់គាត់ មិនសូវស្ដាប់បង្គាប់គាត់ប៉ុន្មានទេ ច្រើនតែប្រកែកយកឈ្នះអ្នកដ៏ទៃ។ ដូច​ជា​រាល់​ថ្ងៃ អ្នកស្រីមិនឲ្យរកទិញអេតចាយពេលយប់ទេ ព្រោះខ្លាចមានគ្រោះថ្នាក់ តែកូនគាត់មិនស្ដាប់។

ស្ត្រីដែលមានកូនប្រាំនាក់ក្នុងរង្វង់គ្រួសាររូបនេះ បានសុំអង្វរទៅភាគីរងគ្រោះ នៅពេលដែលសមត្ថកិច្ច​ចុះ​មក​អន្តរាគមន៍ វាសវែងបម្រុងយកម៉ូតូទាំងពីរ ទៅកាន់ប៉ុស្ត៏ផ្សារដើមគរ ថាអ្នកស្រីមិនមានប្រាក់គ្រប់១០០ដុល្លា​នោះទេ មានតែ៣០ដុល្លាប៉ុណ្ណោះ។ មេគ្រួសារដែលរកមួយថ្ងៃរស់មួយថ្ងៃនេះ បានបន្តែមថា លុយនោះអ្នកស្រី​ចងការ (ខ្ចី) គេទេ ដោយគេយកតម្លៃ១០០០០០រៀល ការ២០០០០ក្នុងមួយថ្ងៃ។

ដោយសារការរៀបរាប់ខាងលើនេះ ធ្វើឲ្យភាគីជនរងគ្រោះទន់ចិត្ត ហើយបានយល់ព្រមទទួលសំណង​ត្រឹម​៣០ដុល្លា ពីម្តាយជនបង្ក និងបានបញ្ចប់រឿងនៅកន្លែងទៅហោង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...