ស្ងាត់ៗ យ៉ោម បុប្ផា ភ្ជាប់ពាក្យជាមួយ រៀល ខេមរិន្រ្ទ
- ដោយ: ប្រាថ្នា អត្ថបទ និងយកការណ៍៖ ប្រាថ្នា ([email protected]) - ភ្នំពេញ ថ្ងៃទី២០ ធ្នូ ២០១៤
- កែប្រែចុងក្រោយ: December 20, 2014
- ប្រធានបទ: អីយ៉ាស!
- អត្ថបទ: មានបញ្ហា?
- មតិ-យោបល់
-
ការភ្ញាក់ផ្អើល បានកើតឡើងពេញបណ្តាញសង្គមហ្វេសប៊ុក បន្ទាប់ពីរូបថតក្នុងថ្ងៃភ្ជាប់ពាក្យ របស់លោក រៀល ខេមរិន្ទ្រ តំណាងរាស្រ្តមកពីគណបក្សសង្រ្គោះជាតិ និងសកម្មជនដីធ្លីអ្នកស្រី យ៉ោម បុប្ផា ជាច្រើនសន្លឹក ត្រូវបានយកបង្ហោះ នៅក្នុងគណនីមួយ។ មានការភ្ញាក់ផ្អើល ព្រោះគេមិនដែលដឹងថា ចំណងស្នេហារបស់សកម្មជន ល្បីខាងតវ៉ាទាំងពីរនាក់នេះ ចាប់ផ្តើមតាំងពីពេលណាមកនោះទេ ប៉ុន្តែអ្វីដែលគេភ្ញាក់ផ្អើល និងឃើញច្បាស់នៅពេលនេះ គឺថាអ្នកទាំងពីរបានរៀបពិធីភ្ជាប់ពាក្យជាផ្លូវការ នៅថ្ងៃសៅរ៍ទី២០ ខែធ្នូនេះ តែម្តង។
ពិធីភ្ជាប់ពាក្យរវាងសកម្មជនដីធ្លី មកពីសហគមន៍បឹងកក់អ្នកស្រី យ៉ោម បុប្ជា និងលោក រៀល ខេមរិន្ទ តំណាងរាស្ត្រគណបក្សសង្គ្រោះជាតិ បានធ្វើឡើងនៅក្នុងភូមិបឹងកក់ រាជធានីភ្នំពេញ ដោយមានការចូលរួមយ៉ាងច្រើន ពីក្រុមសកម្មជន បណ្ដាញសង្គម និងសកម្មជនគណបក្សសង្គ្រោះជាតិ ប្រមាណជាង១០០នាក់។ ពិធីភ្ជាប់នេះ ក៏ទទួលបានការសាទរពីអង្គការសង្គមស៊ីវិល ប្រជាពលរដ្ឋ និងអ្នកប្រើប្រាស់បណ្តាញសង្គមជាច្រើនផងដែរ។
អ្នកស្រី យ៉ោម បុប្ផា ជាសកម្មជនដែលតែងតែចេញមុខតវ៉ាដីធ្លី យ៉ាងសកម្មនៅក្នុងរាជធានីភ្នំពេញ និងធ្លាប់ជាប់ពន្ធនាគារព្រៃសរ ជាច្រើនខែ ទាក់ទងនឹងបទចោទ ញុះញ៉ង់ឲ្យប្រើអំពើហិង្សា ទៅលើអ្នករត់ម៉ូតូឌុប ក្បែរផ្ទះរបស់អ្នកស្រី។ អ្នកស្រីបានលែងលះជាមួយស្វាមីមុន ដោយបន្សល់ទុកកូនប្រុសតូចមួយ រស់នៅជាមួយអ្នកស្រី៕
