បុក​គ្នា​បាក់​ក្បាំង​ម៉ូតូ​ម្ខាង​ តែ​គម្រាម​សម្លាប់​ជីវិត! (vdo)

ប៉ះគ្នាបាក់ក្បាំងម៉ូតូម្ខាងសោះ ស្រាប់តែភាគីម្ខាង ទូរស័ព្ទហៅមិត្តភក្កមកគម្រាមសម្លាប់ភាគីម្ខាងទៀត និងប្រើ​សម្តី​មិន​សមរម្យ ទៅកាន់អ្នកជុំវិញខ្លួន ដោយមិនលើកលែងសូម្បីអ្នកយកព័ត៏មាន។
ម៉ូតូនិច ដែលបង្កឲ្យមានគ្រោះថ្នាក់។ (រូបថត monoROOM.info/ H. Vuthy)
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - រាយការណ៍៖ ហេង វុទ្ធី - ភ្នំពេញ ថ្ងៃទី១៩ ធ្នូ ២០១៤
  • កែប្រែចុងក្រោយ: December 19, 2014
  • ប្រធានបទ: គ្រោះថ្នាក់
  • អត្ថបទ: មានបញ្ហា?
  • មតិ-យោបល់

នៅម៉ោងប្រមាណជា៥និង៣០នាទី ល្ងាច​ថ្ងៃ​ទី​១៨​ខែ​ធ្នូ ឆ្នាំ​២០១៤​កន្លង​ទៅ​នេះ មាន​ករណី​គ្រោះ​ថ្នាក់​ចរាចរណ៍​មួយ បាន​កើត​ឡើង​នៅ សង្កាត់​ទឹក​ថ្លា ខណ្ឌ​សែន​សុខ​រាជធានី​ភ្នំពេញ ស្ថិត​លើ​ផ្លូវ សឡា ត្រង់​ចំណុច​មុខ​ហាង​ជួសជុល​ម៉ូតូ ហុង សីហា។ សាក្សី​នៅ​នឹង​កន្លែង​កើត​ហេតុ​បាន​ឲ្យ​ដឹង​ថា ម៉ូតូ​ដែល​បង្ក​ឲ្យ​មាន​គ្រោះ​ថ្នាក់​នេះ ធុន​និច​ពណ៌​ព្រីង​ទុំ ពាក់​ស្លាក​លេខ ភ្នំពេញ1CM-2362 បាន​ប៉ះ​គ្នា​ជា​មួយ​ម៉ូតូ​ធុន វេវ​ពណ៌​​ខ្មៅ​ពាក់​ស្លាក​លេខ ភ្នំពេញ 1P-8064 បណ្តាល​ឲ្យ​ម៉ូតូ​វេវ​បាក់​ក្បាំង​ខាង​ស្តាំ តែ​ម្ចាស់​ទាំង​សង​ខាង​មិន​មាន​គ្រោះ​ថ្នាក់​អ្វី​នោះទេ។

ករណីនេះ បាន​បញ្ចប់​នៅ​នឹង​កន្លែង នេះ​បើ​តាម​សម្តី​របស់​ម្តាយ​ម្ចាស់​ម៉ូតូ និច​ព្រីង​ទុំ អ្នកស្រី សោភា ដោយ​អ្នក​ស្រី​និង​កូន​ ដឹង​ពី​កំហុស​ខ្លួន និង​យល់​ព្រម​សង​ថ្លៃ​ខូច​ខាត​ទៅ​បុរស​រង​គ្រោះ​ទាំង​អស់។ ប៉ុន្តែ​បុរស​រង​គ្រោះ​វិញ បន្ទាប់​ពី​បាន​ទៅ​ដល់​ហាង​ជួសជុល​ម៉ូតូ​រួច​រាល់​ហើយ មិន​សុខ​ចិត្ត ក៏​ទូរសព័្ទ​ហៅ​មិត្តភក្កិ របស់​ខ្លួន​មក​ម្នាក់​ទៀត។ ​មិត្តភក្កិ​នោះមកដល់ ស្រាប់​តែ​បាន​និយាយ​គម្រាម​ទៅ​ភាគី​ខាង​ជន​បង្ក​ថា ម៉េច​ចង់​«ស្លាប់»​ឬ?

បន្ទាប់ពីលឺពាក្យនេះ ស្រី្តជាម្ដាយម្ចាស់ម៉ូតូ និច បានបញ្ចេញប្រត្តិកម្មថា ក្រែងនិយាយព្រមព្រៀងគ្នា សងគ្រប់​ចំនួនរួចរាល់ហើយ ឥឡូវជួសជុលហើយ ម៉េចបានចង់ធ្វើបែបនេះ? អ្នកស្រី សោភា បាននិយាយថា៖ «ថាឲ្យ​សងថ្លៃខួចខាត ឥឡូវសងរួចហើយ បែរជាហៅមិត្តភក្កិមកគម្រាមសម្លាប់កូនខ្ញុំទៅវិញ»។

មិត្តភ័ក្រ ដែលមកគម្រាមនោះ បានគេចខ្លូនទៅបាត់ បន្ទាប់ពីមកបង្ហើសំដីរួច។ ចំណែកបុរស​រងគ្រោះ​ខាងលើ (មិនប្រាប់ឈ្មោះ) បាននិយាយទាំងសម្តីខ្លាំងៗ ទំនងជាស្រវឹង ថាគាត់មិនបានគម្រាមសម្លាប់ទេ គឺ​មិត្តភក្កិ​គាត់ជាអ្នកនិយាយទេ។ បុរសនោះ បាននិយាយថា៖ «បើខ្លាំងទៅតាមមិត្តភក្កិខ្ញុំមោហ៎» និងព្រម​ទាំង​បានប្រើ​ពាក្យសម្តីមិនសមរម្យ ទៅកាន់អ្នកជុំវិញខ្លូននៅកន្លែងកើតហេតុទាំងអស់ សូម្បីតែអ្នកយកព័ត៏មាន ក៏មិន​ចង់​ឲ្យនៅជិតផង។

សក្សីនៅនឹងកន្លែងលោក សីហា ជាជាងជួសជុលម៉ូតូនៅទីនោះ បានប្រាប់ឲ្យទស្សនាវដ្តី​មនោរម្យ.អាំងហ្វូ​ដឹង​ថា៖ បុរសចំណាស់ខាងលើ ពិតជាបាននិយាយខ្លាំងៗមែន ទាំងជាមួយអ្នកកាសែតទាំងជាមួយភាគីម្ខាង​ទៀត ទំនងដូចជាស្រវឹង។ លោកបន្ថែមថា តាមដែលលោកដឹង បុរសម្នាក់នេះមានមុខងារ ជាសន្តិសុខយាម​ផ្ទះ​ឲ្យ​គេ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...