ប៉ះ​គ្នា​បី​ភាគី អ្នក​បង្ក​​រត់​គេច ទុក​ឲ្យ​ជន​រង​គ្រោះ​ចេញ​សំណង

ក្នុងហេតុការណ៍បុកបន្តគ្នា នៅទួលសង្កែ អ្នកបង្ករគ្រោះថ្នាក់បានរត់គេចខ្លួនបាត់ ទុកឲ្យជរងគ្រោះទីមួយ ចេញថ្លៃខូចខាតទៅជនរងគ្រោះទីពីរ។ មិនមានគ្រោះថ្នាក់ដល់ជីវិតទេ ក្នុងហេតុការណ៍នេះ។
Loading...
  • ដោយ: ក. សោភណ្ឌ អត្ថបទ៖ ក. សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញ ថ្ងៃទី០៤ ធ្នូ ២០១៤
  • កែប្រែចុងក្រោយ: December 04, 2014
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

នៅម៉ោង៥និង៤៥នាទី ល្ងាច​ថ្ងៃ​ទី​០៣ ខែ​ធ្នូ ឆ្នាំ​២០១៤​នេះ គ្រោះថ្នាក់​ចររាចរណ៍​មួយ​បាន​កើត​ឡើង នៅ​ផ្លូវ​៩០៧​កែង​នឹង​វត្ត​ទួល​សង្កែរ ត្រង់​ចំណុច​ទល់​មុខ​ឃ្លាំង​ដាក់​សំភារៈ​មួយ។ ហេតុការណ៍​បាន​កើត​ឡើង ដោយ​សារ​អ្នក​បើក​រថយន្ដ​មួយ​រូប បាន​បើក​យាន​របស់​ខ្លួន​បញ្ចា្រស​ទិស ហើយ​បាន​បុក​ជា​មួយ​ម៉ូតូ​មួយ​គ្រឿង ធ្វើ​ឲ្យ​ម៉ូតូ​នោះ​ខ្ទាត​ទៅ​ប៉ះ​ឡាន​មួយ​ទៀត បណ្តាល​ឲ្យ​រង​ការ​ខូច​ខាត​ទាំង​សង​ខាង។ ម្ចាស់​ឡាន ដែល​បង្ក​គ្រោះ​ថ្នាក់ បាន​ចុះ​មក​ប្រកែក​ដោះ​សារ រួច​ក៏​បើក​ឡាន​គេច​ខ្លួន​បាត់​ស្រមោល ទុក​ឲ្យ​ម្ចាស់​ម៉ូតូ​រង​គ្រោះ ជា​អ្នក​ចេញ​ថ្លៃ​ខូច​ខាត​ឲ្យ​រថយន្ដ​ទី​ពីរ​ទាំង​ស្រុង។

សាក្សីនៅកន្លែងកើតហេតុ បានឲ្យដឹងថា រថយន្ដ​ដែល​បង្ក​គ្រោះ​ថ្នាក់​ម៉ាក កាមារីឆ្លាមពណ៍ស ពាក់ផ្លាកលេខ​ភ្នំពេញ 2AB-1985 ដែលបើកបរក្នុងទិដៅ​ពី​ត្បូង​ទៅ​ជើង (បញ្ច្រស​ទិស) ពេលនោះ បានបុកម៉ូតូនារី​រង​គ្រោះ ដែល​ពាក់​ផ្លាក​ ភ្នំពេញ 1AB-3697 រំពេច​នោះ​ម៉ូតូ​បាន​ជ្រុល​ដួល ទៅប៉ះរថយន្ដមួយទៀត ដែលមានពណ៍លឿង​ពាក់ផ្លាកលេខ​ ភ្នំពេញ 2U-9148។ រថយន្ដ​ទី​ពីរ​នេះ បើក​បរ​ស្រប​ទិសដៅជាមួយម៉ូតូរងគ្រោះដែរ។ ភ្លាមៗនោះ ម្ចាស់ឡាន ដែលបង្ករហេតុខាងលើ បាន​ចុះ​មក​និយាយ​ដោះ​សារ​ថា ម៉ូតូខាងលើជាអ្នកផ្តួលដោយខ្លួនឯង។ សាក្សីបានស្រង់សម្ដីម្ចាស់រថយន្ដ​ទី​មួយ​មក​និយាយ​ថា៖ «ខ្ញុំ​មិន​ខុស​ទេ នាង​ជា​អ្នក​ខុស» រួចហើយ​បានឡើង​រថយន្ដ បើកគេចខ្លួនបាត់ដោយ​សុវត្ថិភាព។

ដោយឡែកនារីម្ចាស់ម៉ូតូរងគ្រោះ ឈ្មោះ ម៉ា រ៉ា បានប្រាប់ទស្សនាវដ្តីមនោរម្យ.អាំងហ្វូថា បន្ទាប់ពីរថយន្ដ​ទី​មួយ បានបុកនាងពីក្រោយ ទើបនាងក្រឡាស់ខ្លួនចេញពីម៉ូតូ ពេលនោះម៉ូតូនាងដួលទៅក៏ ប៉ះនឹងឡាន​មួយ​ទៀត បណ្តាលឲ្យខូចខាតមួយចំនួន។ នាងបានបានបដិសេធន៍ ចំពោះការទាមទារសំណងនោះ ដោយ​និយាយ​ថា បើចង់បានថ្លៃខូចខាតនេះ ទៅទាមទារពីអ្នកបើកឡានគេចនោះទៅ។

ស្ត្រីម្ចាស់ម៉ូតូ បាននិយាយ​តវ៉ាថា៖ «ខ្ញុំក៏ជាជនរងគ្រោះដែរ ម៉េចបានឲ្យខ្ញុំចេញសងទៅវិញ»។

ភ្លាមនោះម្ចាស់ឡានដែលខួចខាត ជា​ជន​ជាតិចិនកាត់ខ្មែរដែលមិនប្រាប់ឈ្មោះ នៅតែតវ៉ាយកសំណង ពីនាង​ដដែល។ ភាគីម្ចាស់ម៉ូតូ ម៉ា រ៉ា បានសម្រចបញ្ចប់ជម្លោះ ដោយនាងចេញថ្លៃខូចខាត១០ដុល្លា ទៅឲ្យជន​ជាតិ​ចិន​នោះ ទាំងមិនអស់ចិត្ត។

ចំពោះហេតុការណ៍នេះ អ្នកធ្វើដំណើនៅលើផ្លូវ ជិតវត្តទួលសង្កែនេះទាំងអស់គ្នា បានររិះគន់យ៉ាងចាស់ដៃ ទៅ​លើនរគរបាលចរាចរណ៍នៅក្បែរនោះ ដែលមិនធ្វើការឃាត់រថយន្ដទីមួយ ដែលជិះបញ្ច្រាសទិសនោះ។  បុរស​ម្នាក់ ក្នុងល័ក្ខខ័ណ្ឌមិនបញ្ចេញឈ្មោះ បាននិយាយថា គាត់មិនយល់ទេ នរគរបាលមានតួនាទី​ធ្វើ​ចររាចរណ៍ ដល់ពេលផ្លូវកកស្ទះចារាចរណ៍ រហូតដល់មានគ្រោះថ្នាក់ហើយ នៅមិនចុះធ្វើអន្តរាគមន៍ទៀត ទុកឲ្យ​ភាគី​ជម្លោះ​ប្រកែកគ្នា ឈានដល់ការបញ្ចប់ជម្លោះដោយខ្លូនឯង ទាំងមិនសុខចិត្ត។ បុរសនោះនិយាយថា៖ «ប៉ូលីស​នៅទីណ្នឹងដែរ មិនព្រមឃាត់»។

ទស្សនាវដ្ដីមិនអាចសុំការបំភ្លឺពី នគរបាលប៉ុសសង្កាត់ទួលសង្កែ ខណ្ឌឬស្សីកែវ រាជធានីភ្នំពេញបានទេ នៅ​ព្រឹកថ្ងៃទី០៤ ខែធ្នូនេះ ដោយសារទូរស័ព្ទមិនអាចទាក់ទងបាន៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...