ខាងក្រោមនេះ ជាសេចក្ដីថ្លែងការណ៍ ដែលចេញផ្សាយនៅថ្ងៃច័ន្ទទី១៥តុលានេះ នៅទីក្រុងញ៉ូយក ដោយអ្នកនាំពាក្យ​របស់ លោក បាន គីមមូន អគ្គលេខាធិការនៃអង្គការសហប្រជាជាតិ ៖

អតីតព្រះមហាក្សត្រ ធ្វើសេចក្ដីថ្លែង នៅអង្គការសហប្រជាជាតិ កាលពីឆ្នាំ១៩៧៩។

លោកអគ្គលេខាធិការនៃអង្គការសហប្រជាជាតិ សូមសំដែងនូវមរណទុក្ខយ៉ាងក្រៀមក្រំ ទៅដល់ព្រះញាតិវង្ស ទៅដល់​រដ្ឋាភិបាល និងជូនដល់ប្រជាជនកម្ពុជា បន្ទាប់ពីការសោយទីវង្គត របស់អតីតព្រះមហាក្សត្រ ព្រះបាទនរោត្ដម សីហនុ។ លោកអគ្គលេខាធិការ នៅចងចាំមិនភ្លេច ពីរាជកិច្ចយ៉ាងធំមួយ របស់អតីតព្រះមហាក្សត្រ ដើម្បីជាប្រយោជន៍ដល់ ប្រទេសជាតិ​របស់ទ្រង់ និងមរតក ដែលព្រះអង្គបានបន្សល់ទុកអោយ ក្នុងនាមជាថ្នាក់ដឹកនាំតែមួយ ដែលមានការ ស្រឡាញ់ចូលចិត្ត ពីសំណាក់ប្រជារាស្ត្រកម្ពុជា និងការគោរព ពីសំណាក់សហគមន៍អន្តរជាតិ។

លោកអគ្គលេខាធិការសង្ឃឹមយ៉ាងមុតមាំថា មរតកដែលបន្សល់ទុកដោយអតីតព្រះរាជា នឹងអនុញ្ញាតិអោយប្រទេសកម្ពុជា បន្តទៅមុខ នូវដំណើរការផ្សះផ្សារជាតិ ជាពិសេសទៅលើកត្តពកិច្ចបន្ត ជាប្រយោជន៍ដល់យុត្តិធម៌៕

-----------------------------------------------------
ដោយ ៖ កេសរកូល - ភ្នំពេញ ថ្ងៃទី១៦ ខែតុលា ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ