នៅ​តូក្យូ គេ​អាច​បណ្ដើរ​«ខ្លាឃ្មុំ​ ស» បាន​តាម​ផ្លូវ​សាធារណៈ?

ស្ត្រីច្រមុះស្រួចមួយរូប បានដើរកំសាន្ដ ពាសពេញសង្កាត់មួយ នៃរាជធានី តូក្យូ ប្រទេសជប៉ុន ជាមួយនឹងសត្វ«ខ្លាឃ្មុំសម្បុរស»មួយក្បាល ធ្វើធម្មតា ដូចជាគេកំពុងបណ្ដើរ«សត្វឆ្កែ»មួយក្បាលយ៉ាងដូច្នោះ។
Loading...
  • ដោយ: កេសរ កូល ដោយ កេសរកូល (ទាក់ទង៖ [email protected]) - ភ្នំពេញ ថ្ងៃទី១២ តុលា ២០១៤
  • កែប្រែចុងក្រោយ: October 12, 2014
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

អាកាសធាតុ និង​សីតុណ្ហភាព​នៅ​រាជធានី តូក្យូ ពិត​ជា​មាន​សភាព​ល្អ​ត្រចះ​ត្រចង់​ណាស់ នៅ​សប្ដាហ៍​កន្លង​ទៅ ជា​ពិសេស​នៅ​យប់​ថ្ងៃ​ពុធ ទី៨ ខែតុ​លាកន្លង​ទៅ​នេះ។ អញ្ចឹង​ហើយ​ទើប​ស្ត្រី​ស្បែកស ច្រមុះ​ស្រួច​មួយ​រូប បាន​ចុះ​ចេញ​ដើរ​នៅ​តាម​ដងផ្លូវ ដូច​អ្នក​រស់នៅ​ក្នុង​រាជធានី​នេះឯ​ទៀត​ដែរ។ ប៉ុន្តែ​រឿង​មួយ​ដែល​បាន​បង្ក​ការ​ភ្ញាក់​ផ្អើល​នោះ គឺ​ស្ត្រី​រូប​នេះ បាន​បណ្ដើរ​មក​ជា​មួយ នូវ​សត្វ​«ខ្លាឃ្មុំ​សម្បុរ​ស»មួយ​ក្បាល។

ផ្ទុយ​ពី​ធម្មជាតិ​របស់​ខ្លា​ឃ្មុំ ដែល​គេ​តែង​គិត​ថា ជា​សត្វ​សាហាវ​នោះ សត្វ​ខ្លា​ឃ្មុំ​សម្បុរ​ស​របស់​ស្ត្រី​សក់​មាស បាន​បង្ហាញ​ពី​ចរិក​រួសរាយ ស្លូតបូត​ប្រៀប​បាន​នឹង​ឆ្កែ​មួយ​ក្បាល ដែល​គេ​ចិញ្ចឹម​ក្នុង​ផ្ទះ​យ៉ាង​ដូច្នោះ។ អ្នក​ដំណើរ​ជា​ច្រើន​តាម​ផ្លូវ បាន​ចាប់​អារម្មណ៍​ចោម​រោម​សត្វ​ខ្លាឃ្មុំ និង​ពី​ក្នុង​ចំណោម​នោះ មាន​អ្នក​ដំណើរ​មួយ​ចំនួន បាន​សាក​ល្បង​លូក​ទៅ​ស្ទាប​អង្អែល​វា​ទៀត​ផង។

ប៉ុន្តែអាការៈស្លូតបូតរបស់សត្វ«ខ្លាឃ្មុំ»បែបនេះ បានធ្វើឲ្យមនុស្សជាច្រើនទៀត ចោទជាសំណួរ ជាពិសេស​អ្នកជំនាញពីសមាគមការពារសត្វ។ តាមពិតទៅ សត្វខ្លាឃ្មុំនេះ ជាមនុស្សរៀបចំពាក់ស្បែកជាសត្វ ដែលត្រូវ​បានរៀបចំធ្វើ ដើម្បីយុទ្ធនាការផ្សព្វផ្សាយ របស់យីហោដ៏ធំមួយរបស់ប្រទេសរ៉ូស្សី ដែលនៅមិនទាន់បញ្ចេញ​ឲ្យស្គាល់នៅឡើយ។ គេហទំព័រមួយ បានសរសេរបញ្ជាក់ថា អ្នករៀបចំយុទ្ធនាការ«ខ្លាឃ្មុំ» អាចជាសមាជិក​របស់​ក្រុមមួយ ដែលគេហៅថា «Lalsh»។

យ៉ាងណាក៏ដោយ ក៏យុទ្ធនាការផ្សព្វផ្សាយនេះ បានទាក់ទាញឲ្យមនុស្សជាច្រើនចូលចិត្ត ហើយនរណាៗ​ក៏​ចង់ត្រឡប់ ទៅកាន់សង្កាត់នោះវិញ ដើម្បីចង់ដឹងថា តើអ្វីទៅ ដែលនៅពីក្រោយសត្វ«ខ្លាឃ្មុំ»ដ៏ចម្លែកនេះ?

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...