កូរ៉េខាងត្បូង បន្តសកម្មភាពយោធា ក្រោម​ក្រសែរ​ភ្នែក​របស់​ព្យុងយ៉ាង

Loading...
  • ដោយ: តុងស៊័រ
  • កែប្រែចុងក្រោយ: February 23, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

យោងតាមកាសែតប្រចាំថ្ងៃ របស់បារាំង RFI.fr ដែល ផ្សាយនៅលើ internet ថ្ងៃ  ២០ កុម្ភះ ២០១២ បាននិយាយពី ភាពតានតឹងបានកើតមានឡើងវិញ នៅឧបទ្វីបកូរ៉េ ខណៈដែលកូរ៉េខាងត្បូង និងសម្ព័ន្ធមិត្តអាមេរិក បានសម្រេចចិត្តបន្ត​ ធ្វើសកម្មភាពយោធា នៅក្នុងសមុទ្រលឿង បង្កអោយព្យុងយ៉ាង ក្ដៅក្រេបក្រោប ហើយសន្យាថានឹងតបតរ​ ដោយគ្មានអាសូរ ។

កាលពីព្រឹកថ្ងៃ ច័ន្ទ វិទ្យុជាតិ របស់កូរ៉េខាងជើង បានផ្សព្វផ្សាយ ជាមួយនឹងពាក្យជេរប្រទេច និង ការគំរាមកំហែង ជាចំលើយឆ្លើយតប ដល់ការធ្វើសមយុទ្ធ​នេះ ដែលកូរ៉េខាងជើង ចាត់ទុកថា ជាការ ប្រកាសសង្គ្រាម ។ ប៉ុន្តែ មេបញ្ជាការកងទ័ព របស់កូរ៉េខាងត្បូង បានរក្សាភាពនឹងនរ ដោយសហការជាមួយ យោធាអាមេរិករ នូវគំរោងការសមយុទ្ធ ប្រឆាំង ប្រព័ន្ធ នាវាមុជទឹក ។

ការហ្វឹកហាត់ទាំងនេះ រួមបញ្ចូល ការបាញ់គ្រាប់ពិតៗ នៅក្នុងសមុទ្រលឿង ជិតព្រំដែនជំលោះ ដែលទាមទារដោយព្យុងយ៉ាង ។ គឺនៅទីនោះហើយដែល នៅខែ វិច្ឆិការ ឆ្នាំ ២០១០ កូរ៉េខាងជើង បានទំលាក់គ្រាប់បែក លើកោះរបស់កូរ៉េខាងត្បូង ដែល បានធ្វើអោយមនុស្សស្លាប់បួននាក់ ក្នុងនោះពីរនាក់ជា ប្រជាជនសមញ្ញ។  ដូច្នេះហើយ ព្រឹកនេះ ដោយបង្ការទុកជាមុន ប្រជាជនកូរ៉េខាងត្បូង ចំនួន ៩០០០នាក់ រស់នៅលើកោះ នៃតំបន់នោះ បានត្រូវបញ្ជាអោយរៀបចំ ភៀសខ្លួន ទៅក្នុងជម្រកសុវត្តិភាព ។

សេអ៊ូល បាននិយាយទុកមុនថា «ខ្លួន មិនត្រូវភ្លេច​ មេរៀន នៃការប្រយុទ្ធ ជាថ្មី​  និងជាលើកដំបូងនេះទេ ចាប់តាំងពីការ បញ្ចប់សង្គ្រាមកូរ៉េ ក្នុងឆ្នាំ១៩៥៣ មក ដែលសង្គ្រាមនេះបាន ធ្វើអោយមានការ បែកចែកប្រទេសកូរ៉េ ជាពីរ» ។ ចំណែកឯកូរ៉េខាងជើងវិញ ក៏និយាយដែរថា « ប្រសិនបើ មានការបាញ់បោះ គ្មានការទទួលខុសត្រូវ ដោយពួកមនុស្សចោរម្សៀត​ ទាំងនេះ ខុសពីការព្រមានរបស់យើង ពូកគេទំាងនោះនឹងរងការតបតរ រាប់ពាន់ម៉ឺនដង ខ្លាំងជាង ការទម្លាក់គ្រាប់បែក នៅកោះ Yeonpyeong ទៅទៀត » ។ ពត៌មាននេះ អៈអាងដោយ ទីភ្ញាក់ងារេបស់ ប្រទេសកូរ៉េខាងជើង សំរាប់ គណៈកម្មការ នៃការរួមរួបប្រទេសកូរ៉េទាំងពីរ ។

ទោះជាយ៉ាងណាក៏ដោយ ក៏ក្រសួងសំរាប់ការរួមរួបប្រទេសកូរ៉េទាំងពីរ របស់កូរ៉េខាងត្បូង បានអៈអាងថាការហ្វឹកហាត់នេះ បំរើអោយសន្តិសុខជាតិតែប៉ុណ្ណោះ និង មិនប៉ះពាល់សោះឡើយ ទៅនឹងទំនាក់ទំនងរបស់កូរ៉េទាំងពីរ ។

កិច្ចប្រតិបត្តិការសមយុទ្ធ នៅថ្ងៃច័ន្ទទី ២០ ខែកុម្ភៈនេះ បានបញ្ចប់ទៅធម្មតា ទោះបើមានការគំរៀមកំហែង របស់កូរ៉េខាងជើង ក៏ដោយ ។ ប៉ុន្តែការប្រកាសរបស់ សេអ៊ូល អំពី​ ការជល្លៀស ប្រជាពលរដ្ឋស្លួតត្រង់ គឺជាការប្រកាសពិតប្រាកដ មួយ ដោយមូលហេតុ មកពីភាពតានតឹង រវាងកូរ៉េទាំងពីរ នៅតែមាន ហើយប្រទេសកូរ៉េខាងជើង នៅតែចង់បង្ហាញពី អាកប្បកិរិយាមិនផ្លាស់ប្តូរ របស់របបសឹក ថ្វីបើ នៃមេដឹកនាំរបស់ខ្លួន លោក Kim Jong-il បានស្លាប់ កាលពីចុងខែធ្នូ ហើយកូនប្រុស Kim Jong-un ដែលមានអាយុ មិនដល់៣០ឆ្នាំផងនោះ បានស្នងតំណែង ក៏ដោយ ។

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...