«កូន​ខ្ញុំ​ចម្លែក»​មិន​ទាន់​ដាក់​បញ្ចាំង ប៉ុន្តែ​ល្បី​ថា​ទំនង​ល្អ​មើល (vdo)

«គួរឱ្យចង់មើលណាស់ មានបញ្ចាំងនៅរោងណាដែរ?» នេះជាការលាន់មាត់ របស់ទស្សនិកជនមួយរូប បន្ទាប់​ពី​បាន​ទស្សនា ស្ពតខ្លីផ្សាយពាណិជ្ជកម្ម របស់រឿង«កូនខ្ញុំចម្លែក» ដែលជារឿងថ្មី គ្រោងនឹងចាក់បញ្ចាំង នៅតាមរោង​ភាពយន្ត​នានា នៅ​ក្នុង​រាជធានី​ភ្នំពេញ។
ព្រាយអសុរកាយ ក្នុង«កូនខ្ញុំចម្លែក»។ (រូបថតផ្តិតពីវីដេអូ)
Loading...
  • ដោយ: ប្រាថ្នា ដោយ ប្រាថ្នា (ទាក់ទង៖ [email protected] ) - ភ្នំពេញ ថ្ងៃទី០៨ តុលា ២០១៤
  • កែប្រែចុងក្រោយ: October 09, 2014
  • ប្រធានបទ: ភាពយន្ដ
  • អត្ថបទ: មានបញ្ហា?
  • មតិ-យោបល់

«កូនខ្ញុំចម្លែក» គឺជា​ខ្សែ​ភាពយន្ត​ដំបូង របស់​ផលិតកម្ម​ថ្មី​មួយ ទើប​តែ​ដុះ​ពន្លក ក្នុង​ពិភព​សិល្បៈ ផ្នែក​ថត​ខ្សែ​ភាពយន្ត មាន​ឈ្មោះ​ថា Eye Love Film។ ខ្សែ​ភាពយន្ដ​ខ្នាត​ធំ​មួយ​នេះ ទើប​នឹង​បាន​ចេញ​វីដេអូ ស្ពតខ្លី​ផ្សាយ​ពាណិជ្ជកម្ម នៅ​លើ​បណ្តាញ​សង្គម​ហ្វេសប៊ុក និង​យូធូប នា​ពេល​ថ្មី ដើម្បី​ទាក់ទាញ​ចំណាប់​អារម្មណ៍​របស់​ទស្សនិកជន។

«កូនខ្ញុំចម្លែក» គឺ​ជា​ភាពយន្ត​ខ្នាត​ធំ​ប្រចាំ​ឆ្នាំ​២០១៤ ដែល​លាយ​ទៅ​ដោយ​ព្រឹត្តិការណ៍​ពី​សម័យ​បុរាណ ព្រម​ជា​មួយ​សម័យ​ទំនើប និង​បង្កប់​ទៅ​ដោយ​ឈុត ភ័យ​រន្ធត់ កម្សត់ កំប្លែង និង​ស្នេហា​បែប​យុវវ័យ។ ភាពយន្ត​ខា្នត​ធំ​បែប​ព្រឺព្រួច​មួយ​នេះ នឹង​ចាក់​បញ្ចាំ​ឆាប់ៗ​ក្នុង​ខែ​តុលា​នេះ នៅ​តាម​រោង​ភាពយន្ត​ល្បីៗ​មួយ​ចំនួន។

ស្ពតខ្លីផ្សាយពាណិជ្ជកម្ម របស់ភាពយន្ដនេះ ដែលបានបង្ហោះនៅលើបណ្តាញសង្គមហ្វេសប៊ុក និងយូធូប បាន​ទទួលការចាប់អារម្មណ៍ ពីទស្សនិកជនច្រើនគួរសម ជាពិសេសយុវវ័យ។ ពួកគេបានលើកឡើងថា ខ្សែភាពយន្ត​មួយមើលទៅដូចជាទំនងល្អមើល ព្រោះមានទាំងឈុតឆាករន្ធត់ព្រឺព្រួច និងស្នេហាផ្អែមល្ហែម​ជា​ដើម។

ម្ចាស់ចាងហ្វាងផលិតកម្ម Eye Love Film លោក គល់ ដារ៉ាចាន់ដាំ បានថ្លែងក្នុងពិធីក្រុងពាលី កាលពីថ្ងៃទី១ ខែមិថុនា ឆ្នាំ២០១៤ ថាខ្សែភាពយន្តនេះ នឹងមិនធ្វើឱ្យអ្នកទស្សនា ខកបំណងឡើយ។ លោកបន្តថា ថ្វីត្បិត​តែ​ភាពយន្តនេះ ជារឿងទី១ សម្រាប់ផលិតកម្មរបស់លោក ប៉ុន្តែលោករំពឹងថា នឹងទទួលបានជោគជ័យ និង​ការ​គាំទ្រ​ច្រើនពីទស្សនិកជន ដោយលោកអះអាងថា តារាសម្ដែងក្នុងរឿងនេះ សុទ្ធតែជាតារាល្បីៗ មានបទ​ពិសោធន៍ច្រើនឆ្នាំ។ រីឯឧបករណ៍ថត សុទ្ធតែទំនើបៗ ដែលនាំចូលមក ពីក្រៅប្រទេស ថតជាប្រភេទ 3G ខ្នាតធំ និងបច្ចេកទេសថ្មី។

ទស្សនាខ្សែភាពយន្តដំបូងរបស់ផលិត Eye Love Filmទាំងអស់គ្នាថា វាគួរឱ្យចាប់អារម្មណ៍កម្រិតណាដែរ?

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...