«ហេតុអ្វី?» ជា​ភាពយន្ត​ឆ្លុះ​បញ្ចាំង​ពី​តថភាព​ពិត​ក្នុង​សង្គម​ខ្មែរ

«ហេតុអ្វី?» គឺជាខ្សែរភាពយន្តមួយ ត្រូវបានអ្នកដឹកនាំសម្ដែង នៃផលិតកម្មរ៉ុកលើកឡើងថា បានឆ្លុះ​បញ្ចាំង​ពី​តថភាព​រស់​នៅ​ពិត របស់មនុស្សក្នុងសង្គមបច្ចុប្បន្ន ដែលបង្ហាញពីភាពលោភលន់របស់មនុស្ស ហ៊ាន​ធ្វើ​អ្វីៗគ្រប់បែបយ៉ាង ដើម្បី​តែ​បំពេញ​ចំណង់​មហិច្ឆតា​របស់ខ្លួន។
Loading...
  • ដោយ: ប្រាថ្នា ដោយ ចាន់នីតា (ទាក់ទង៖ [email protected] ) - ភ្នំពេញថ្ងៃទី០៤ កញ្ញា ២០១៤
  • កែប្រែចុងក្រោយ: September 14, 2014
  • ប្រធានបទ: នៅលើផ្ទាំងសំពត់ស
  • អត្ថបទ: មានបញ្ហា?
  • មតិ-យោបល់

ភាពយន្តខ្មែរ រឿង«ហេតុអ្វី?» ជាវណ្ណកម្មថ្មីមួយទៀត របស់ផលិតកម្មរ៉ក់ កំពុងតែឈានជើង​ចូលក្នុង​ទីផ្សារ​ភាពយន្ត ក្នុងប្រទេសកម្ពុជា ដែលនិពន្ធឡើងលោក ហួត ស៊ីថន និងដឹកនាំសម្ដែងលោក មាស បូព៌ា។ រឿង​នេះដែរ មានការចូលរួមសម្ដែងដោយលោក សូត្រ វិទូ ជាតួឯកប្រុស និងកញ្ញា ឌី សុនីតា ជាតួឯកស្រី និងរួម​ទាំងតារាល្បីៗមួយចំនួនទៀតនៅក្នុងប្រទេសកម្ពុជា។ ខ្សែភាពយន្តនេះបានបង្ហាញឱ្យដឹង ពីស្រ្តីម្នាក់ មាន​រូបសម្រស់ស្រស់ស្អាត ចរិតស្លូតបូត ប៉ុន្តែក្រោយមកបានក្លាយ ទៅជាមនុស្សរឹងរុស មានៈ រហូតក្លាយទៅ​ជា​ឃាតកទាំងវ័យក្មេង ។

ថ្លែងនៅក្នុងពិធីបើកសម្ពោធ កាលពីល្ងាចថ្ងៃទី០៣ ខែកញ្ញា ឆ្នាំ២០១៤ នៅរោងភាពយន្ត លំដាប់អន្តរជាតិ Platimun Cineplex ផ្សារទំនើបសូរិយា លោក យឹម សុសត្យាជាប្រធានគ្រប់គ្រង ផលិកម្មរ៉ក់ បានបញ្ជាក់ថា ខ្សែភាពយន្តនេះ បានចំណាយទុនថត ប្រមាណពី៥ទៅ៦ម៉ឺនដុល្លារ ដើម្បីប្រកួត​ប្រជែង ទីផ្សារភាពយន្ត​ក្នុង​ស្រុក ដែលកំពុងតែរីកលូតលាស់។

លោកថា ភាពយន្ដនេះផលិតឡើង តាមបែបស្ដង់ដារក្នុងស្រុក តម្រូវតាមទីផ្សារក្នុងប្រទេសកម្ពុជា។ ប្រធាន​គ្រប់គ្រងរូបនេះបន្តថា បន្ទាប់ពីផលិតកម្មរ៉ក់ទទួលបានជោគជ័យ ក្នុងការថតរឿង និងដាក់បញ្ចាំងនៅលើ​កញ្ចក់ទូរទស្សន៍ និងនៅតាមបណ្តារោងភាពយន្ត ជាបន្តបន្ទាប់មក ភាពយន្តថ្មីដែលផលិកម្មរ៉ក់ បានបើក​សម្ពោធនេះ ដែលជាស្នាដៃថ្មីមួយ រួមចំណែកលើកស្ទួយទីផ្សារភាពយន្តខ្មែរ និងជាប្រភេទរឿងពិត ក្រោម​ការផ្ដួចផ្ដើមថត របស់លោកឧកញ៉ា គិត ធាង។

រឿង"ហេតុអ្វី?" ឬ "Why?" ត្រូវបានចាក់បញ្ចាំង នៅរោងភាពយន្តជាច្រើន ដូចជាម៉ាជើ ស៊ីណេផ្លិច (Major Cineplex) ផ្លាទីនៀមស៊ីណេផ្លិច (Platimun Cineplex) លេជេនស៊ីនីម៉ា (Legend Cinema) និងរោង​ភាពយន្ត​លុច្ស ចាប់ពីថ្ងៃទី០៥ ខែកញ្ញា ឆ្នាំ២០១៤ កន្លងមកនេះ៕

វីដេអូផ្សាយពាណិជ្ជកម្ម របស់ភាពយន្ដនេះ៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...