ទារក​អាយុ​១០​ខែ ត្រូវ​បង្ខំ​ឲ្យ​ស្រោច​ទឹក​កក​ពី​លើ ដើម្បី​ចូលរួម Ice Bucket Challenge

ជនជាតិអាមេរិកាំងមួយរូប បានបង្ហោះផ្សាយ តាំងពីប៉ុន្មានថ្ងៃហើយ នូវវីដេអូមួយ តាមបណ្ដាញសង្គមហ្វេសប៊ុក បង្ហាញថាខ្លួនកំពុងចាក់ទឹកកក មួយធុងធំ ទៅលើទារិកាដ៏តូចមួយ អាយុទើបនឹងបាន១០ខែ ដើម្បីចូលរួមក្នុងយុទ្ធនាការ «Ice Bucket Challenge» ដ៏រំជើបរំជួលរបស់ពិភពលោក ក្នុងរយៈពេលចុងក្រោយនេះ។ តែរូបភាពនេះ បានបង្កឲ្យមាន ជាសង្គ្រាមពាក្យសម្ដីឡើង។
Loading...
  • ដោយ: សុបិន្ដ ដោយ សុបិន្ត (ទាក់ទង៖ [email protected]) - ម៉ុងរ៉េអាល់ ថ្ងៃទី០៣ កញ្ញា ២០១៤
  • កែប្រែចុងក្រោយ: September 04, 2014
  • ប្រធានបទ: ចាក់ទឹកកក
  • អត្ថបទ: មានបញ្ហា?
  • មតិ-យោបល់

តើយុទ្ធនាការ «Ice Bucket Challenge» កំពុងធ្វើដំណើរទៅហួសព្រំដែនរបស់វាឬ? នៅក្នុងប្រទេសកម្ពុជា មនុស្សមួយចំនួនបានគិតថា និមិត្តរូបនៃការចាក់ទឹកនេះ អាចជាការខ្ជះខ្ជាយមួយ។ ហើយមនុស្សមួយចំនួន​ទៀត ដែលមិនសូវជា«បរទេសនិយម» ក៏បានច្រានចោលនូវយុទ្ធនាការ ដែលកំពុងបង្អើលពិភពលោក ឲ្យ​ធ្វើ​តាមគ្នាតៗនោះដែរ។

ដោយឡែក លោក រ៉ឺជី ស្តេវ៉ា (Reggie Stewart) ជនជាតិអាមេរិកាំងមកពីរដ្ឋតិចសាស បានបង្ហោះតាំងពី​ប៉ុន្មានថ្ងៃហើយ នូវវីដេអូមួយនៅលើបណ្ដាញសង្គមហ្វេសប៊ុក ដោយបានបង្ហាញឲ្យឃើញថា លោកបាន​ចាក់ទឹកកកយ៉ាងត្រជាក់ ពីក្នុងធុងដ៏ធំមួយ ស្រោចទៅលើចៅស្រីរបស់លោក ដែលទើបនឹងមានអាយុ​១០​ខែ​​ប៉ុណ្ណោះ។ បើទោះជាលោកបានអះអាងថា លោកបានធ្វើនៅក្នុងរង្វង់ នៃយុទ្ធនាការ «Ice Bucket Challenge» នេះក៏ដោយ តែទង្វើរបស់លោក បានបង្កឲ្យផ្ទុះជាសង្គ្រាមសម្ដីឡើង ពីសំណាក់​អ្នក​ប្រើប្រាស់​បណ្ដាញ​សង្គម។

លោក រ៉ឺជី ស្តេវ៉ា អាចជាសកម្មជនមិនចេះរាថយមួយ នៃយុទ្ធនាការ«ងូតទឺកកក» ដ៏ល្បីល្បាញនេះ។ ប៉ុន្តែ​អ្វី​ដែលបានពញ៉ាក់អារម្មណ៍ឲ្យមនុស្សគ្រប់គ្នា មិនសូវសប្បាយចិត្តនោះ ដោយសារតែលោកបានយក​ទារិកា​អាយុ១០ខែ មកចូលរួមជាមួយ។ លោក ស្តេវ៉ា បានចាក់ស្រោចទឹកកក ទៅលើខ្លួនលោក តែបានធ្លាក់​ស្រោច​​ទៅលើ នាងតូចឈ្មោះ អារីយ៉ា (Aria) ដែលដាក់ឲ្យអង្គុយនៅក្នុងរទេះរុញ (ឲ្យទារករៀនដើរ)។

«ខ្ញុំមានអារម្មណ៍ភ្ញាក់ផ្អើលខ្លាំងណាស់។ វាបានធ្វើឲ្យខ្ញុំស្រក់ទឹកភ្នែក ទាំងក្ដៅក្រហាយ។ នេះជា​អ្វីដែលខ្ញុំ​អាចនិយាយ។» ឪពុករបស់ទារិកា លោក ខ្លូត ដាកួរ បានប្រតិកម្មឡើងនៅតាមកញ្ចក់ទូរទស្សន៍ Fox26។ លោកបានបន្ថែមទៀតថា «វាជាទារុណកម្មមួយ ព្រោះថាកូនស្រីខ្ញុំនៅជាទារកនៅឡើយ។ នាងមិនទាន់​យល់​ពីអ្វីទេ។»

បើទោះជាវីដេអូបានបញ្ចប់ទៅ មុនប្រតិកម្មរបស់ អារីយ៉ា ក៏ដោយ តែបណ្ដាអ្នកប្រើប្រាស់បណ្ដាញសង្គម បាននាំគ្នាសម្ដែងអារម្មណ៍«រន្ធត់»ជំនួសនាងតូច ហើយរឿងនេះបានដឹងភ្លាមដល់អាជ្ញាធរ។ នគរបាលមួយ​ក្រុមបានទៅដល់ផ្ទះរបស់លោក រ៉ឺជី ស្តេវ៉ា ដើម្បីពិនិត្យមើលឲ្យច្បាស់ពីសុវត្ថិភាពរបស់ទារិកា។ ប៉ុន្តែមក​ទល់​នឹងពេលនេះ មិនមានបទចោទប្រកាន់ណាមួយ ត្រូវបានដាក់បន្ទុក ទៅលើជីតាចិត្តអាក្រក់​នេះនៅ​ឡើយ៕

វីដេអូលោក រ៉ឹជី ស្តេវ៉ា៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...