បណ្ដាញសារព័ត៌មានជាច្រើន នៅអាមេរិក បានធ្វើរបាយការណ៍ពីករណី វាយប្រហារតាមអ៊ិនធើណែតនេះ ដែលមានឈ្មោះថា ស៊ីលីហ្គេត (celebgate) ហើយបានបញ្ជាក់ទៀតថា ការលួចយកឯកសាររូបថតទាំងនេះ បានធ្វើឡើងតាមរយៈគណនី អាយគ្លូ (iCloud)។

ពីក្នុងចំណោមជារងគ្រោះជាច្រើននោះ ក្នុងនោះគេបានឃើញតារាល្បីៗ ស្អាតៗរបស់អាមេរិក ដូចយ៉ាង​តារា​ចម្រៀង នាង អាវ្រីល ឡាវីញ (Avril Lavigne) តារាភាពយន្ដ នាង ខេត អ័បថន (Kate Upton)  និង​ពិសេស​នាង ជើនីហ្វើរ ឡរ៉េន ដែលបានសម្ដែងនៅក្នុងភាពយន្ដធំៗ ជាច្រើនរបស់ហូលីវូដ ដូចយ៉ាង X-Men និង Hunger Games នោះជាដើម។

ភ្នាក់ងារតំណាងឲ្យតារាភាពយន្ដ ជើនីហ្វែរ ឡរ៉េន បានប្រកាសពីបំណង ប្ដឹងជនល្មើសទៅទៅតុលាការ។ ភ្នាក់ងាររូបនោះ បាននិយាយថា៖ «វាជាការរំលោភយ៉ាងខ្លាំងក្លា ទៅលើជីវិតឯកជន។ អាជ្ញាធរមាន​សមត្ថភាព ត្រូវបានរាយការណ៍ ហើយនឹងចាត់វិធានការតាមនិតិវិធី ប្រឆាំងនឹងនរណាក៏ដោយ ដែល​បាន​ផ្សាយ​រូបភាព​របស់ ជើនីហ្វើរ ឡរ៉េន ទាំងនេះ»។

តារាភាពយន្ដខ្លះទៀត បានចេញសេចក្ដីប្រកាសព័ត៌មានថា រូបថតទាំងនោះ ត្រូវបានកែឆ្នៃ ដើម្បីយកខ្លួន​ទៅប្រឡាក់ប្រឡូកជាមួយ។ នាង វិចតូរៀ ចាកស្ទីស (Victoria Justice) តារាសម្ដែង និងជាអ្នករាំដ៏ល្បី នៅ​ហូលីវូដ បាននិយាយថា «រូបថតស្រាត ដែលគេគិតថា ជាខ្ញុំនោះ សុទ្ធសឹងតែជារូបកែឆ្នៃ។ ខ្ញុំសូមឲ្យបញ្ចប់​រឿងអាស្រូវនេះ វិញភ្លាម។»

តែសម្រាប់តារាមួយចំនួនទៀត បានទទួលស្គាល់ថា រូបថតទាំងនេះ ពិតជារូបរបស់ខ្លួនមែន។ នាងម៉ារី អេលីហ្សាបែត វីនស្តេត (Mary Elizabeth Winstead) បានថ្លែងតាមបណ្ដាញសង្គមវិញថា៖ «ខ្ញុំគិតថា រូប​ទាំងនេះត្រូវបានលប់ចេញតាំងពីយូរណាសមកហើយ។ (...) ជារូបថត ដែលខ្ញុំថតជាមួយប្ដីរបស់ខ្ញុំ តាំង​ពី​ច្រើនឆ្នាំហើយ នៅក្នុងផ្ទះរបស់យើង។ ខ្ញុំសង្ឃឹមថា អ្នកមានមោទនភាពណាស់ នឹងអ្វីដែលអ្នក​បាន​ធ្វើ។»៕

ខាងក្រោមនេះ ជារូបថតខ្លះរបស់នាង ជើនីហ្វែរ ដែលផ្សាយតាមបណ្ដាញសង្គម៖