ចាប់​ខ្លួន​ស្ត្រី​២​នាក់ ពី​បទ​លក់​ទារក​១​ខួប ថ្លៃ​១៥០០​ដុល្លា​នៅ​​វៀតណាម

ស្ត្រីពីរនាក់ ក្នុងនោះម្នាក់ ជានាយិការមជ្ឈមណ្ឌលកុមារកំព្រា ត្រូវបានឃាត់ខ្លួនដោយនគរបាលវៀតណាម ពីបទ​ជួញដូរទារកម្នាក់អាយុ១ឆ្នាំ។
Loading...
  • ដោយ: កេសរ កូល ដោយ កេសរកូល (ទាក់ទង៖ [email protected]) - ភ្នំពេញ ថ្ងៃទី០៧ សីហា ២០១៤
  • កែប្រែចុងក្រោយ: August 10, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ស្ត្រីពីរនាក់ ក្នុងនោះម្នាក់ ជានាយិការមជ្ឈមណ្ឌលកុមារកំព្រា ត្រូវបានឃាត់ខ្លួនដោយនគរបាលវៀតណាម ពីបទ​ជួញដូរទារកម្នាក់អាយុ១ឆ្នាំ។


ស្ត្រីសង្ស័យទាំងពីរនាក់។ (រូបថតការសែតវៀតណាម)

ជួញដូរទារក - ស្ត្រីនាយិការមជ្ឈមណ្ឌលកុមារកំព្រា ក្នុងរដ្ឋធានីហាណូយ ប្រទេសវៀតណាម ត្រូវបានជាប់សង្ស័យ​ពីបទជួញដូរ កុមារអាយុ១ឆ្នាំមួយរូប ដែលត្រូវបានយកមកខ្លួនចិញ្ចឹម។ ជាពិសេសទៅទៀត មជ្ឈមណ្ឌលកុមារកំព្រា​ដែលស្ថិតក្នុងវត្តបូឌី (Bo De) មានឈ្មោះបោះសម្លេងយ៉ាងល្បី នៅក្នុងការចិញ្ចឹមបីបាច់ កុមារដែលត្រូវបានបោះ​បង់​ចោល ក្នុងនោះមានទាំងកុមារពិការអវយវៈ កូនភឿក និងពិការភ្នែកជាដើម។

អ្នកស្រីនាយិកា ង្វៀន ធីថាញ់ ត្រឹង (Nguyen Thi Thanh Trang) អាយុ៣៦ឆ្នាំ ត្រូវបានឃាត់ខ្លួនកាលពីសប្ដាហ៍មុន បន្ទាប់ពីការស៊ើបអង្កេត​របស់​នគរបាលវៀតណាម បានធ្វើឡើងទៅលើករណីទារកអាយុ១ខួប ថាបានលក់ដោះ​ដូរ​ទៅនឹងទឹកប្រាក់ ប្រមាណ​ជា៣៥លានដុង (ប្រមាណជា ១៥០០ដុល្លារ ឬ១២០០អ៊ឺរ៉ូ)។

ស្ត្រីម្នាក់ទៀត អាយុ៣៥ឆ្នាំ ក៏ត្រូវបានឃាត់ខ្លួនដែរ ខណៈមនុស្សបីនាក់ទៀតត្រូវបានកោះហៅ ឲ្យចូលទៅ​ស្រាយ​បំភ្លឺ។ នេះបើតាមរបាយការណ៍របស់សារព័ត៌មានផ្លូវការ ផ្សាយជាភាសាវៀតណាម របស់របបកុម្មុយនីស។

ទារកកំព្រា ត្រូវបានគេយកមកផ្លុងចោលកាលពីមួយឆ្នាំមុន នៅនឹងមាត់ច្រកចូលរបស់​មជ្ឈមណ្ឌល​កុមារកំព្រា នៅ​បន្ទាប់ពីទារកដ៏កំសត់ ទើបបានកើតពីឧទរភ្លាម។ សារព័ត៌មានផ្លូវការ បានរាយការណ៍ទៀតថា ទារកតូចរូបនេះ បាន​បាត់ខ្លួននៅពេលក្រោយ​មក ដោយមិនដឹងមូលហេតុ។

ប៉ុន្តែនគរបាលវៀតណាម បានរកឃើញថាមជ្ឈមណ្ឌល បាន​បញ្ជូនទារកទៅឲ្យមនុស្សម្នាក់ទៀត ដោយប្ដូរជាមួយ​នឹងទឹកប្រាក់ ១៥០០ដុល្លា។ នៅក្នុងពេលនេះ នគរបាល​កំពុង​តាមដានរកទៀតថា តើមានករណីបែបនេះ បានកើត​មានពីមុនមកឬទេ នៅក្នុងមជ្ឈមណ្ឌលកុមារកំព្រា ដែលមាន​កុមាររស់នៅប្រមាណជា១៤៥នាក់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...