មានម៉ូដអ្វីខ្លះ នឹងត្រូវបង្ហាញនៅក្នុងរដូវក្ដៅឆ្នាំនេះ ជាមួយនឹងស្ត្រីៗដែលមិនពាក់អាវ ឬព្រលែងល្វែងខាងលើចំហរ នៅទីក្រុងញ៉ូយក? តើនាងៗ ដែលរស់នៅក្នុងទីក្រុងដ៏ល្បី នៃពិភពស៊ីវីល័យមួយនេះ បានត្រៀមខ្លួនរួចហើយឬ?

នាងៗ ចំហរល្វែងខាងលើ ហើយបង្ហាញកាយ នៅក្នុងសួនឧទ្យានដ៏ធំ កណ្ដាលទីក្រុងញ៉ូយក។

ពីនេះពីនោះ - តាំងពីឆ្នាំទៅម៉ិញ ស្ត្រីៗដែលរស់នៅក្នុងទីក្រុងញ៉ូយក ត្រូវបានអនុញ្ញាតឲ្យចេញដើរ ដោយចំហរទ្រូង​ដូចបុរសដែរ តាមផ្លូវ​សាធារណៈ ដោយអនុលោមទៅតាមច្បាប់មួយ ដែលចង់បង្កឲ្យមានសមភាពយេនដ័រ រវាងបុរស​និងស្ត្រី នៅពេលដែលមានធាតុអាកាសក្ដៅ។

ជាការពិតហើយ ការដើរចេញមកតាមផ្លូវសាធរណៈ ដោយព្រលែងដើមទ្រូងចោលទទេ ប្រាកដជាធ្វើឲ្យមនុស្ស​ជា​ច្រើនគិតក្នុងភាពអគតិ។ តែសកម្មនារីមួយរូប ពីបណ្ដាញសេរីភាពចម្រុះនៅទីក្រុងញ៉ូយក បានថ្លែងថា «វាគួរឲ្យ​សប្បាយ​ចិត្តណាស់ នៅពេលដែលឃើញនគរបាល បានធ្វើចំណាត់ការទៅលើ ជនអគតិទាំងនោះ ដែលគិត​តែពី​រឿងអាក្រក់ៗ និងអាណាចារ»។

សកម្មនារីរូបនេះ បាននិយាយឲ្យដឹងទៀតថា ជាទូទៅ គ្មាននរណាចាប់អារម្មណ៍ទេ បើមានមនុស្សប្រុសណាម្នាក់ ដើរចំហរទ្រូង។ តែបើគេឃើញសុដន្ដមនុស្សស្រី ត្រូវបានបង្ហាញនៅទីសាធារណៈនោះ វាហាក់ដូចជាឈុតឆាកចម្លែក​សម្បើមណាស់។

យ៉ាងណាក៏ដោយ នគរបាលក្រុងញ៉ូយក ច្រើនពាន់នាក់ត្រូវបានដាក់ពង្រាយ ប៉ុន្តែមិនមែនដើម្បីចាប់ ឬធ្វើការ​ផាក​ពិន័យទៅលើ ស្ត្រីដែលចេញដើរតាមផ្លូវ ដោយចំហរទ្រូងនោះទេ។ កងកម្លាំងនគរបាលទាំងនោះ បែរជាទទួល​បញ្ជា​សម្រាប់​ទប់ស្កាត់ទៅវិញ នូវអំពើជ្រុលជ្រោះណាមួយ ដែលអាចកើតឡើងជាយថាហេតុ និងជាពិសេស​បណ្ដាលមក​ពីជនអគតិ ដែលចង់ធ្វើអំពើបំពារបំពាន ខុសទំនង។

សូមទស្សនាវីដេអូទាំងពីរខាងក្រោម ដែលបកស្រាយពីករណីនេះ៖