ហ៊ុន សែន បដិសេធ​ដាច់​អហង្ការ ចំពោះ​ការ​បោះឆ្នោត​មុន​អាណត្តិ

ដោយសំអាងថាខុសរដ្ឋធម្មនុញ្ញ លោកនាយករដ្ឋមន្រ្តី ហ៊ុន សែន នៅថ្ងៃទី១០ ខែមិថុនា ឆ្នាំ២០១៤ នេះបានបដិសេធ​ដាច់អហង្ការ ចំពោះលក្ខខណ្ឌស្នូល របស់គណបក្សសង្រ្គោះជាតិ ដែលទាមទារគណបក្សប្រជាជនកម្ពុជា ឯកភាព​ការ​បោះឆ្នោតឡើងវិញមុនបញ្ចប់អាណត្តិ។
Loading...
  • ដោយ: អ៊ុំ បូរី ដោយ អ៊ុំ បូរី (ទាក់ទង៖ [email protected]) - ភ្នំពេញ ថ្ងៃទី១០ មិថុនា ២០១៤
  • កែប្រែចុងក្រោយ: June 10, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ដោយសំអាងថាខុសរដ្ឋធម្មនុញ្ញ លោកនាយករដ្ឋមន្រ្តី ហ៊ុន សែន នៅថ្ងៃទី១០ ខែមិថុនា ឆ្នាំ២០១៤ នេះបានបដិសេធ​ដាច់អហង្ការ ចំពោះលក្ខខណ្ឌស្នូល របស់គណបក្សសង្រ្គោះជាតិ ដែលទាមទារគណបក្សប្រជាជនកម្ពុជា ឯកភាព​ការ​បោះឆ្នោតឡើងវិញមុនបញ្ចប់អាណត្តិ។


លោកហ៊ុន សែន ក្រោយពេលបោះឆ្នោតរួច នៅមណ្ឌលមួយក្នុងក្រុងតាខ្មៅ ខេត្តកណ្ដាល កាលពីថ្ងៃទី២៨ខែកក្កដា។ (រូបថត Reuters)

នយោបាយ - ក្នុងពិធីសំណេះសំណាលជាមួយយោធិនពិការ លើទឹកដីស្រុកឈូក ខេត្ដកំពត លោកនាយក​រដ្ឋមន្រ្តី​ ហ៊ុន សែន បានលើកឡើងថាគណបក្សប្រជាជនកម្ពុជា ឯកភាពឲ្យដាក់ស្ថាប័នបោះឆ្នោតចូលក្នុងរដ្ឋធម្មនុញ្ញ ហើយ​ថាបើមានការស្នើសុំ គណបក្សសង្រ្គោះជាតិ ក៏អាចបង្កើតស្ថានីយទូរទស្សន៍ ក្រោមរូបភាពសហការ ជាមួយ​ក្រុមហ៊ុន​ឯកជនផងដែរ។

តែសម្រាប់ការទាមទារឲ្យមានការបោះឆ្នោតឡើងវិញ ត្រូវបានលោកនាយករដ្ឋមន្រ្តីហ៊ុន សែន ដែលមានតំណែង ជាអនុប្រធានគណបក្សប្រជាជនកម្ពុជាផងនោះ បដិសេធថា មិនអាចទៅរួចទេ ព្រោះវារំលោភរដ្ឋធម្មនុញ្ញ។ លោក ហ៊ុន សែន សង្កត់ធ្ងន់ថា៖ «មិនអនុញ្ញាត ឲ្យមានការបោះឆ្នោតឡើងវិញ មុនឆ្នាំ២០១៨ជាដាច់ខាត ដោយសារតែនេះ ខុសពីរដ្ឋធម្មនុញ្ញកម្ពុជា។»

ការដាក់ស្ថាប័នបោះឆ្នោតចូលក្នុងរដ្ឋធម្មនុញ្ញ និងការទាមទារឲ្យមានការបោះឆ្នោតឡើងវិញ មុនបញ្ចប់អាណត្តិ ត្រូវ​បានគេសង្កេតឃើញថា គឺជាលក្ខខណ្ឌដ៏រសើប និងជាឧបសគ្គចម្បង រាំងស្ទះដល់កិច្ចចរចានយោបាយ រវាង​គណបក្ស​សង្រ្គោះជាតិ និងគណបក្សប្រជាជនកម្ពុជា ។

ប្រធានគណបក្សសង្រ្គោះជាតិលោក សម រង្ស៊ី ក្នុងកិច្ចសម្ភាសជាមួយវិទ្យុបារាំងអន្តរជាតិផ្សាយជាខេមរៈភាសា នៅ​យប់ថ្ងៃទី០៩ ខែមិថុនា ឆ្នាំ២០១៤ បានអះអាងថាគណបក្សសង្រ្គោះជាតិ នៅរក្សគោលជំហរដដែល នោះគឺទាមទារ ឲ្យមានការបោះឆ្នោតឡើងវិញមុនបញ្ចប់អាណត្តិ ក្រោយការកែទម្រង់ស្ថាប័នបោះឆ្នោត។ ប្រមុខគណបក្ស​ជំទាស់​ដដែលបញ្ជាក់ថា៖ «គោលជំហរគណបក្សសង្រ្គោះជាតិដដែល គឺការគោរពឆន្ទៈប្រជារាស្រ្ត។»

តែសម្រាប់មជ្ឈដ្ឋានអ្នកតាមដានស្ថានការណ៍នយោបាយ និងអ្នកវិភាគនយោបាយឯករាជ្យកម្ពុជា បានសន្និដ្ឋានថា គណបក្សប្រជាជនកម្ពុជា និងគណបក្សសង្រ្គោះជាតិ ទំនងជាបានចរចាត្រូវរូវគ្នាជាសង្ងាត់ ស្ទើរតែទាំងស្រុងទៅ​ហើយ តែអ្វីដែលអ្នកនយោបាយរបស់គណបក្សទាំងពីរ កំពុងរំលេចឲ្យឃើញ គឺគ្រាន់តែជាឈុតឆាកនយោបាយ «ខាងក្រៅ»តែប៉ុណ្ណោះ៕

 

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...