យុទ្ធនាការ​ចែក​ខិតប័ណ្ណ​ធ្វើ​កូដកម្ម​របស់​សហជីព រង​ការ​គម្រាម​កំហែង

«យើងឃើញថាដូចកាលពីម្សិលមិញនេះ នៅពេលដែលយើងបានចែកលិខិតអំពាវនាវ ក៏មានការប្រតាយ​ប្រតប​ទៅវិញដែរ» នេះគារលើកឡើងរបស់លោក សៀង សម្បត្តិ បន្ទាប់ពីតំណាងសហជីពរបស់លោក បានជួបបញ្ហា​មួយចំនួនក្នុងអំឡុងពេលយុទ្ធនាការ ចែកខិតបណ្ណអំពាវនាវដល់កម្មករ។
Loading...
  • ដោយ: ប្រាថ្នា
  • កែប្រែចុងក្រោយ: April 10, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

«យើងឃើញថាដូចកាលពីម្សិលមិញនេះ នៅពេលដែលយើងបានចែកលិខិតអំពាវនាវ ក៏មានការប្រតាយ​ប្រតប​ទៅវិញដែរ» នេះគារលើកឡើងរបស់លោក សៀង សម្បត្តិ បន្ទាប់ពីតំណាងសហជីពរបស់លោក បានជួបបញ្ហា​មួយចំនួនក្នុងអំឡុងពេលយុទ្ធនាការ ចែកខិតបណ្ណអំពាវនាវដល់កម្មករ។


តំណាងសហជីព ដែលរងការគម្រាមកំហែង ផ្ដល់ព័ត៌មានដល់អ្នកការសែត។ (រូបថត MONOROOM.info/ S. Tith)

វិបត្តិការងារ - សម្ព័ន្ធសហជីពទាំង១៨ បានចាប់ផ្តើមយុទ្ធនាការសារជាថ្មីក្នុងការ ចែកខិតប័ណ្ណអំពាវនាវឱ្យកម្មករ​និយោជិក មន្រ្តីរាជការ និងសិស្សនិសិត្សចូលរួមតវ៉ាចាប់ថ្ងៃទី១៧ ដល់ថ្ងៃទី២២ ខែមេសាឆ្នាំ២០១៤ ដើម្បីជំរុញឲ្យ​រដ្ឋាភិបាល និងតំណាងរោងចក្រដោះស្រាយបញ្ហានានា ដែលកម្មករកំពុងជួបប្រទះ។

បើទោះបីជាការចែកចាយនេះ បានដំណើរការទៅយ៉ាងល្អក៏ដោយ តែនៅមានសហជីពមួយចំនួន ក៏បានជួបនូវ​បញ្ហា​ប្រឈមជាច្រើន​ដែរ។ លោក សៀង សម្បត្តិ ប្រធានសហជីព័ន្ធសហជីពមិត្តភាពកម្មករ​ ដែលតំណាងសហជីព​របស់​លោកផ្ទាល់បានជួបនូវបញ្ហា បានអោយដឹងថា ប៉ុន្មានថ្ងៃកន្លងមកនេះ សហជីពរបស់លោកបានជួប​នៅបញ្ហា​ប្រឈម​ ជាមួយខាងភាគីរោងចក្រ ដូចជាការគម្រាមកំហែងកម្មករ ដោយមានពួកបងតូចបងធំ រកវាយតប់​ទៅលើតំណាង​សហជីពរបស់លោក។

លោកថ្លែងបន្តថា៖ «យើងឃើញថា ប៉ុន្មានថ្ងៃបន្ទាប់ពីយើងចែកលិខិតទៅ ដូចជារោងចក្រ ប្រាយស្កាយ នេះផ្ទាល់ បានបញ្ឈប់តំណាងសហជីពរបស់យើងបីរូប ដោយសារតែបានចែកលិខិតអំពាវនាវទាមទារប្រាក់ខែ១៦០ដុល្លា»។

លោក ណៃ វ៉ងដា អនុប្រធានផ្នែកសិទ្ធិមនុស្ស និងជំនួយការច្បាប់របស់សមាគមការពារសិទ្ធិមនុស្សអាដហុក បាន​បង្ហាញការយល់ឃើញថា ការគម្រាមកំហែងផ្សេង ការប្រើពួកបងតូចបងធំគម្រាមវាយសហជីពនិងកម្មករ និងដាក់​កងទ័ពជាដើម វាមិនមែនជារឿងត្រឹមត្រូវនោះទេ ព្រោះកម្ពុជាមិនទាន់ប្រកាសអាសន្ន ដែលត្រូវប្រើវិធី​បែប​នេះទេ។ អ្វីដែលសំខាន់គឺបញ្ហាក្រពះ និងសន្តិសុខ សន្តិភាពរោងចក្រ។

យ៉ាងណាម៉ិញ បើទោះបីជាមានបញ្ហាប្រឈមដូចការលើកឡើង របស់ប្រធានសហព័ន្ធសហជីពមិត្តភាពកម្មករ​ខាងលើក៏ដោយ សម្ព័ន្ធសហជីពទាំង១៨ នៅតែរក្សាជំហរទាមទារយុត្តិធម៌ និងការតម្លើងប្រាក់ខែជូនកម្មករ ដើម្បី​ធានានូវការរស់នៅដោយសមរម្យ។ ប្រធានសហពន្ធ័សហជីពកម្មករចំណីរអាហារ និងសេវាកម្ម​កម្ពុជា លោក សរ ម៉ូរ៉ា បានបញ្ជាក់យ៉ាងដូច្នេះដែរថា៖ «វិធីសាស្រ្តនៃការប្រើអំពើហិង្សា ការបង្រ្កាបមិនមែនជាដំណោះស្រាយនោះទេ អ្វីដែលជាដំណោះស្រាយ គឺធ្វើទៅតាមអ្វីដែលជាកង្វល់របស់កម្មករនិយោជិក។ យើងឃើញហើយ មកដល់​ពេល​នេះកម្មករនៅតែប្រឈមនឹងការសន្លប់ និងបញ្ហាសុខភាពផ្សេងៗ ដែលវាបណ្តាលមកពីកត្តាប្រាក់ឈ្នួល និង​កត្ត​ជីវភាពរស់នៅ។»។

សូមបញ្ជាក់ថា បញ្ហាដែលសម្ព័ន្ធសហជីពទាំង១៨ បានអំពាវនាវអោយកម្មករចូលរួមទាមទារតវ៉ា ៧ ចំណុច ក្នុងនោះ​រួមមាន៖
១. ស្នើឲ្យតុលាការដោះលែងអ្នកជាប់ឃុំទាំង២១នាក់ និងទម្លាក់ការចោទប្រកាន់អ្នកទាំង២៣នាក់ទាំងស្រុង
២. ស្នើឲ្យរាជរដ្ឋាភិបាលសម្របសម្រួលភាគីសហជីព និងនិយោជក ឱ្យមានចរចាដំឡើងប្រាក់ឈ្នួលគោល ១៦០​ដុល្លារ ដល់កម្មករឡើងវិញ
៣. ស្នើឲ្យតុលាការចោទប្រកាន់ជនល្មើសដែលប្រើហិង្សា និងសម្លាប់កម្មករ ព្រមទាំងផ្តល់សំណងជំងឺចិត្ត ដល់ជន​រងគ្រោះដែលបានបាត់បង់ជីវិត រងរបួស និងជាប់ឃុំ
៤. ស្នើរដ្ឋាភិបាលត្រូវដកបម្រាម ការជួបប្រជុំជាសាធារណៈរបស់ ប្រជាពលរដ្ឋចេញវិញ
៥. ស្នើនិយោជកដកបណ្តឹងប្រឆាំងថ្នាក់ដឹកនាំសហជីព និងកម្មករនិយោជកទាំងអស់
៦. ស្នើនិយោជក ត្រូវទទួលយកកម្មករដែលបានបញ្ឈប់ពីការងារឲ្យចូលធ្វើការវិញ ព្រមទាំងបង់ប្រាក់រំលឹក​ដល់​ពួកគេគ្រប់ៗគ្នា
៧. និយោជក ដែលបានកាត់ប្រាក់ឈ្នួល និងប្រាក់រង្វាន់ទៀងទាត់ក្នុងកំឡុងពេលធ្វើកូដកម្មកន្លងមក ត្រូវផ្តល់ជូន​ដល់កម្មករវិញ៕

----------------------------------------------
ដោយ ក. ចាន់នីតា (ទំនាក់ទំនង៖ [email protected]) - ភ្នំពេញ ថ្ងៃទី ០៩ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...