កម្ពុជា​គ្មាន​សមត្ថភាព​តាម​សំណើរ​អូស្រ្តាលី យក​ជន​ភៀស​ខ្លួន​មក​នៅ?

សកម្មជនសិទ្ធិមនុស្សបានលើកឡើងថា ប្រទេសកម្ពុជាមិនមានលក្ខណៈសម្បត្តិល្អ និងសមត្ថភាពគ្រប់គ្រាន់ ដើម្បី​ទទួលយកជនភៀសខ្លួន ឲ្យមករស់នៅប្រទេសកម្ពុជា ជាអចិនន្ត្រៃយ៍បានទេ។ ការលើកឡើងរបស់មន្រ្តីសិទ្ធិមនុស្ស គឺស្របពេលដែលរដ្ឋាភិបាលកម្ពុជា កំពុងពិចារណា លើសំណើររបស់ប្រទេសអូស្រ្តាលី ឲ្យប្រទេសកម្ពុជា ទទួល​យកជនភៀសខ្លួន ចម្រុះជាតិសាសន៍ ឲ្យរស់នៅប្រទេសកម្ពុជា។
Loading...
  • ដោយ: អ៊ុំ បូរី
  • កែប្រែចុងក្រោយ: April 04, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

សកម្មជនសិទ្ធិមនុស្សបានលើកឡើងថា ប្រទេសកម្ពុជាមិនមានលក្ខណៈសម្បត្តិល្អ និងសមត្ថភាពគ្រប់គ្រាន់ ដើម្បី​ទទួលយកជនភៀសខ្លួន ឲ្យមករស់នៅប្រទេសកម្ពុជា ជាអចិនន្ត្រៃយ៍បានទេ។ ការលើកឡើងរបស់មន្រ្តីសិទ្ធិមនុស្ស គឺស្របពេលដែលរដ្ឋាភិបាលកម្ពុជា កំពុងពិចារណា លើសំណើររបស់ប្រទេសអូស្រ្តាលី ឲ្យប្រទេសកម្ពុជា ទទួល​យកជនភៀសខ្លួន ចម្រុះជាតិសាសន៍ ឲ្យរស់នៅប្រទេសកម្ពុជា។


លោកតូនី អាបុត នាយករដ្ឋមន្ត្រីអូស្ត្រាលី។ (រូបថត abc.net.au)

សិទ្ធិ - លោកតូនី អាបុត (Tony Abbott) នាយករដ្ឋមន្ត្រីអូស្ត្រាលីបានថ្លែងនៅថ្ងៃទី០៣ ខែមេសា ថា សំណើររបស់​រដ្ឋាភិបាលអូស្ត្រាលី ដែលបានស្នើឲ្យកម្ពុជា ទទួលយកជនភៀសខ្លួនដែលមានបំណងសុំសិទ្ធិជ្រកកោននៅប្រទេស អូស្ត្រាលី ជាភារៈកិច្ចរបស់កម្ពុជា ខណៈកិច្ចព្រមព្រៀងស្នើសុំរបស់អូស្រ្តាលី កំពុងស្ថិតនៅក្នុងការពិចារណា​របស់​ភាគីកម្ពុជា។

ការលើកឡើងរបស់លោក តូនី អាបុត គឺបានកើតឡើង ក្រោយពេលរដ្ឋមន្រ្តីក្រសួងការបរទេសអូស្រ្តាលី ក្នុងដំណើរ​ទស្សនកិច្ចមកកម្ពុជា កាលពីពេលថ្មីៗនេះ បានធ្វើការស្នើសុំ និងជំរុញឲ្យរដ្ឋាភិបាលកម្ពុជាទទួលយក ជនភៀស​ខ្លួន​ចម្រុះជាតិសាសន៍ ច្រើនរយនាក់ ឲ្យមករស់នៅប្រទេសកម្ពុជាជាអចិន្រ្តៃយ៍ ជាថ្នូរពីរដ្ឋាភិបាលអូស្រ្តាលី គឺការទទួល​បានប្រាក់ជំនួយច្រើនលានដុល្លារ។

ជាបន្តបន្ទាប់អង្គការសិទ្ធិមនុស្សជាតិ និងអន្តរជាតិ បានសម្តែងការព្រួយបារម្ភ និងទទូចដល់ប្រទេសកម្ពុជា គម្បី​បដិសេធសំណើរបស់រដ្ឋាភិបាលអូស្ត្រាលី ដែលបានស្នើឲ្យកម្ពុជា ទទួលយកជនភៀសខ្លួន ដែលមានបំណងសុំ​សិទ្ធិជ្រក​កោន នៅប្រទេសអូស្ត្រាលី។ ព្រោះការទទួលយក គឺជាការរំលោភសិទ្ធិសេរីភាពជនភៀសខ្លួន ខណៈកម្ពុជា នៅមិនទាន់មានសមត្ថភាព និងលក្ខណៈសម្បត្តិគ្រប់គ្រាន់ ក្នុងការឃុំគ្រងនិងផ្តល់អនាគតល្អ​ ដល់ជនភៀសខ្លួន​ទាំង​នោះនៅឡើយ។

អនុប្រធានស៊ើបអង្កេតសមាគមន៍ការពារសិទ្ធិមនុស្ស អាដហុក លោក ចាន់ សុវេត បានពន្យល់ថា ប្រទេសកម្ពុជា ត្រូវគិតឲ្យបានវែងឆ្ងាយ ដោយមិនត្រូវត្រេកត្រអាលជាមួយផលប្រយោជន៍បន្តិចបន្តួច ហើយភ្លេចសម្លឹង​មើល​ផលវិបាកធ្ងន់ធ្ងរ និងយូរអង្វែង ដែលកម្ពុជា ជាអ្នករ៉ាប់រង។ លោក ចាន់ សុវេត បញ្ជាក់ថា៖ «កម្ពុជាកំពុង​តែមាន​ហានិភ័យនឹងភាពក្រីក្រ ម៉េចនឹងទៅជួយជនភៀសខ្លួនកើត។ តែបើជនភៀសខ្លួនបណ្ណោះអាសន្ន កម្ពុជាគួរផ្តល់​ឱកាសដើម្បីរកប្រទេសទីបី។ អូស្រ្តាលីក៏គួរពិចារណា ថាកម្ពុជាមានសមត្ថភាព ទទួលជនភៀសខ្លួនទាំងនោះ ឬអត់?»

គួរកត់សម្គាល់ថា មានជនភៀសខ្លួនច្រើនពាន់នាក់ មកពីប្រទេសេរីលង្កា បង់ក្លាដេស នេប៉ាល់ និងបណ្តាប្រទេស​មួយចំនួនទៀត បានធ្វើដំណើរ និងធ្វើសកម្មភាពតាមគ្រប់រូបភាព ដើម្បីសុំសិទ្ធិជ្រកកោន រស់នៅក្នុងប្រទេស​អូស្រ្តាលី។ តែប្រទេសអូស្រ្តាលី មិនចង់ទទួលយកជនភៀសខ្លួនទាំងនោះ ឲ្យរស់នៅជាអចិន្រ្តៃយ៍នោះទេ ព្រោះ​ត្រូវបានគេដឹងថា នេះជាបន្ទុកយ៉ាងធ្ងន់ធ្ងរ ដល់អនាគតសេដ្ឋកិច្ច សង្គម របស់អូស្រ្តាលី ខណៈជនចំណាកស្រុក​ដែលមានវិបត្តិទាំងនោះ ភាគច្រើនមានបញ្ហាសុខភាពផ្លូវកាយ ចិត្ត និងកម្រិតវប្បធម៌ទាបជាដើម៕

-------------------------------------
ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី០៤ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...