យន្ដហោះ​បាត់​ខ្លួន បាន​បញ្ចប់​ជីវិត​នៅ​សមុទ្រ​ឥណ្ឌា​ខាង​ត្បូង

យន្ដហោះម៉ាឡេស៊ី អ៊ែរឡាញ ដែលបានបាត់ខ្លួនតាំងពីជាងពីរសប្ដាហ៍មកហើយ បានធ្លាក់នៅមហាសមុទ្រ​ឥណ្ឌា​ខាងត្បូង។ នេះជាការប្រកាស របស់នាយករដ្ឋមន្ត្រីម៉ាឡេស៊ី នៅក្នុងសន្និសីទសារព័ត៌មាន នៅយប់ថ្ងៃទី២៤ ខែមីនា​នេះ ដោយយោងទៅតាមទិន្នន័យរបស់ប្រព័ន្ធផ្កាយរណប និងការស្រាវជ្រាវថ្មីៗ។
Loading...
  • ដោយ: សេក មនោរកុមារ
  • កែប្រែចុងក្រោយ: March 24, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

យន្ដហោះម៉ាឡេស៊ី អ៊ែរឡាញ ដែលបានបាត់ខ្លួនតាំងពីជាងពីរសប្ដាហ៍មកហើយ បានធ្លាក់នៅមហាសមុទ្រ​ឥណ្ឌា​ខាងត្បូង។ នេះជាការប្រកាស របស់នាយករដ្ឋមន្ត្រីម៉ាឡេស៊ី នៅក្នុងសន្និសីទសារព័ត៌មាន នៅយប់ថ្ងៃទី២៤ ខែមីនា​នេះ ដោយយោងទៅតាមទិន្នន័យរបស់ប្រព័ន្ធផ្កាយរណប និងការស្រាវជ្រាវថ្មីៗ។


យន្ដហោះប៊ូអ៊ីង ៧៧៧ របស់ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ។ (រូបថតក្រុមហ៊ុន)

បាត់យន្ដហោះ - «ជាមួយនឹងការសោកស្ដាយយ៉ាងធំធេង និងទុក្ខក្រៀមក្រំ ដែលខ្ញុំត្រូវប្រកាសប្រាប់អ្នក​ទាំងអស់​ថា បើតាមទិន្នន័យទទួលបានថ្មីៗនេះ យន្ដហោះ MH370 បានបញ្ចប់ជីវិតរបស់វា នៅលើលំហរខាងត្បូងនៃ​មហា​សមុទ្រឥណ្ឌា» នេះជាការប្រកាសរបស់នាយករដ្ឋមន្ត្រីម៉ាឡេស៊ី លោក ណាជីព រ៉ាចា (Najib Razak)។

ការិយាល័យគ្រប់គ្រងប្រព័ន្ធផ្កាយរណប អ៊ីម៉ាសាត់ (Inmarsat) និង ការិយាល័យស៊ើបអង្កេតគ្រោះថ្នាក់ផ្លូវអាកាស របស់អង់គ្លេស ហៅកាត់ថា អេអេអាយប៊ី (AAIB) បានសេចក្ដីសន្និដ្ឋានថា យន្ដហោះដែលភ្ជាប់ជើងហោះហើរ MH370 ពីរដ្ឋធានីកូឡាឡំពួរ ឆ្ពោះទៅកាន់រដ្ឋធានីប៉េកាំង បានងាកចេញពីផ្លូវដើមរបស់វា ហើយ​ចេញដំណើរ​ទៅ​កាន់ភាគខាងត្បូង នៃមហាសមុទ្រឥណ្ឌា។ ការិយាល័យបានចេញសេចក្ដីប្រកាសព័ត៌មានថា «ចំនុចចុងក្រោយ ដែលយន្ដហោះបានស្ថិតនៅ ត្រូវបានរកឃើញ នៅកណ្ដាលមហាសមុទ្រឥណ្ឌា»។

ចំណែកក្រុមហ៊ុនអាកាសចរណ៍ ម៉ាឡេស៊ីអ៊ែឡាញ វិញ ក៏បានចេញចេញប្រកាសព័ត៌មានដែរ ទាក់ទងនឹង​សេចក្ដី​សន្និដ្ឋានចុងក្រោយនេះ។ សេចក្ដីប្រកាសនោះ បានបន្ថែមថា «ការបន់ស្រន់របស់យើង នឹងឧទ្ទិសទៅដល់អ្នក​ដំណើរទាំង២២៦នាក់  និងសមាជិកបម្រើការនៅលើយន្ដហោះទាំង១៣នាក់ ដែលបានស្ថិតនៅដោយផ្ទាល់ ក្នុង​ហេតុការណ៍​ដ៏រន្ធត់នេះ»។

នៅក្នុងសេចក្ដីប្រកាសព័ត៌មានដដែល បានបញ្ជាក់ពីការគណនា បង្ហាញពីចំនុចរកឃើញចុងក្រោយ ដែលស្ថិត​នៅផ្នែកខាងលិចនៃទីក្រុងឆ្នេរសមុទ្រ ភើធ (Perth) របស់ប្រទេសអូស្ត្រាលី។

បណ្ដាញទូរទស្សន៍ប៊ីប៊ីស៊ី (BBC) បានផ្សាយថា ក្រុមគ្រួសារជនរងគ្រោះ ត្រូវបានជូនដំណឹងដោយក្រុមហ៊ុន​អាកាសចរណ៍ តាមរយៈទូរសាខ្លី (SMS) ក្នុងទូរស័ព្ទដៃ ដោយមានសេចក្ដីជាអាថ៌ថា «យន្ដហោះបានបាត់ ហើយគ្មាននរណាម្នាក់ នៅរស់រានមានជីវិត​ឡើយ»៕

------------------------------------
ដោយ សេក មនោរកុមារ (ទំនាក់ទំនង៖ [email protected]) - ប៉ារីស​ ថ្ងៃទី២៤ មីនា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...