ក្លឹបហង្សក្រហម ឈប់លក់ ស្វារេស ឲ្យក្លឹបកាំភ្លើងធំ
លោក ចន វីលៀម ហ៊េនរី (John William Henry) ម្ចាស់ក្លឹបហង្សក្រហម លីវើភូល (Liverpool) បានប្រកាសជាសាធារណៈថា «កីឡាករខ្សែប្រយុទ្ធឆ្នើម ល្វីស ស្វារ៉េស (Luiz Suarez) មានតម្លៃខ្លួន ៤០លានផោន ដើម្បីជាថ្នូរនឹងការចាកចេញពីក្លឹប» ប៉ុន្ដែកាលពីពេលថ្មីៗនេះ ក្លឹបទើបតែបានបដិសេធសំណើររបស់ក្លឹបកាំភ្លើងធំ អាសឺណល (Arsenal) ក្នុងការចង់ទិញយកកីឡាកររូបនេះ។
ខ្សែប្រយុទ្ធឆ្នើមកីឡាករ ល្វីស ស្វារ៉េស របស់ក្រុមហង្ស ក្រហម។ (រូបថត brunchnews.com)
បាល់ទាត់អង់គ្លេស - ក្លឹបកាំភ្លើងធំ បានដាក់សំណើរតម្លៃខ្លួន របស់កីឡាករសញ្ជាតិអ៊ុយរ៉ាហ្គាយរូបនេះ ទៅក្លឹបហង្សក្រហម ក្នុងតម្លៃខ្លួនប្រមាណ ៤០លានផោន បូកនឹងលុយមួយផោនទៀត ដែលចាត់ទុកថាជាលុយជើងសារ ឬលុយធីបសម្រាប់ក្លឹបហង្សក្រហម បើសិនយល់ព្រមផ្ទេរកីឡាករវ័យ២៧ឆ្នាំរូបនេះ ក្នុងតម្លៃខ្លួនដែលក្លឹបបានព្រមព្រៀងជាមួយគ្នា កាលពីរដូវកាលមុន។
កិច្ចព្រមព្រៀងនេះ មានជាអាថ៌ កីឡាករឆ្នើមរូបនេះនឹងចាកចេញពីក្លឹប ហង្សក្រហម ប្រសិនបើមានក្រុមណាមួយ ចំណាយលុយយ៉ាងហោចណាស់ ៤០លានផោនលើរូបគេនោះ។ ប៉ុន្ដែនៅពេលនេះ ក្លឹបហង្សក្រហម បានបដិសេធ នូវសំណើររបស់ក្លឹបកាំភ្លើងធំ ក្រោមហេតុផលថា «កិច្ចសន្យានេះមិនបានបញ្ជាក់ឲ្យបានច្បាស់» ។
ភ្នាក់ងាចរចារបស់ក្លឹបកាំភ្លើងធំ និងស្វារ៉េស បានជួបពិភាក្សាព្រមព្រៀងលើតម្លៃខ្លួន នឹងលក្ខខ័ណ្ឌមួយចំនួនទៀតជាមួយគ្នាទៅហើយ ប៉ុន្ដែនៅមានចំនុចភ័ន្តច្រឡំគ្នាខ្លះ ទៅលើលក្ខខ័ណ្ឌដែលកំណត់ដោយក្លឹបហង្សក្រហម ។ ប៉ុន្ដែមកដល់ពេលនេះលោក ហ៊េនរី ហាក់បីដូចជាមិនពេញចិត្ត ចំពោះលក្ខខណ្ឌសំណើររបស់ដៃគូរចរចានេះ ហើយក៏សម្រេចបដិសេធមិនលក់កីឡាករ ស្វារ៉េស ឲ្យទៅកាំភ្លើធំជាដាច់ខាត ដោយហេតុថា ក្រុមកាំភ្លើងធំ គឺជាគូរប្រជែងមួយយ៉ាងសំខាន់នៅក្នុងក្របខណ្ឌ Barclays English Premier League សម្រាប់រដូវកាលនេះ។
យ៉ាងណាក៏ដោយ ក៏ពេលនេះ ក្រុមអ្នកគាំទ្ររបស់ ក្រុមកាំភ្លើងធំ កំពុងទាមទារឲ្យ ក្រុមហង្សក្រហមសងប្រាក់ទៅក្លឹបរបស់គេវិញ ប្រមាណ៤.៥ លានផោន ដោយសារក្លឹបនេះ បានបំពានកិច្ចសន្យាជាមួយក្លឹបរបស់ខ្លួន៕
--------------------------------------------------
ដោយ វ៉ន ដារ៉ា (ទំនាក់ទំនង៖ [email protected]) - ភ្នំពេញថ្ងៃទី៥ មីនា ២០១៤