កំពាព្យ៖ ស្នេហ៍បែបសន្ទូង
(បទកាកគតិ)
១. ក្មេងស្រលាញ់ម្តង ដល់ចាស់កោងខ្នង ស្រលាញ់ម្តងទៀត
ស្នេហ៍បែបសន្ទូង មិនអំពល់ញាតិ ស្រលាញ់មិនឃ្លាត
ស្នេហ៍មួយនឹងមួយ ។
២. ស្រលាញ់ច្រើនដង ស្រលាញ់ស្នេហ៍ស្នង មិនលំបាកព្រួយ
ស្នេហ៍ស្រែស្រូវខ្មែរ ជាពន្លកត្រួយ ស្នេហ៍មួយនឹងមួយ
មិនព្រួយឆ្លងអេដស៍ ។
៣. ស្រលាញ់ថ្នាក់ថ្នមថ្នាក់ ស្នេហ៍យើងពីរនាក់ ស្នេហ៍ចេះសង្កេត
ស្នេហ៍ស្មោះនឹងគ្នា ស្នេហ៍ឃ្លាតពីអេដស៍ ស្នេហ៍ចេះសង្កេត
ពិចារណ៍ស្នេហ៍ ។
៤. មុនស្រលាញ់ណាស់ លុះដល់វ័យចាស់ ក៏មិនប្រួលប្រែ
ស្នេហ៍បែបចៅចិត្ត គំនិតបែបខ្មែរ ឃុននារីស្នេហ៍
លុះថ្ងៃអវសាន្ត ។
ទោះជាសត្វមិនមានវិចារណញ្ញាណ តែស្នេហារវាងលលកទាំងគូវនេះ
ស្មោះស្ម័គ្រជាង ស្នេហារបស់មនុស្សឆ្ងាយណាស់។
------------------------------------------------------
ដោយ លោក យី ឆេងអ៊ួ (ប៉េង) - ភ្នំពេញ ថ្ងៃទី ១២ កក្កដា ២០១២