អាហារ៥ប្រភេទ ជួយធ្វើឲ្យមានរូបរាង លោមឆោមស្អាត
រាងកាយឆោមស្អាតជាក្តីស្រមៃរបស់មនុស្សគ្រប់គ្នាទាំងបុរសនិងស្រ្តី។ ដើម្បីបានរាងកាយស្រស់ស្អាតនេះ អ្នកត្រូវតែលះបង់ពេលវេលា និងធ្វើសកម្មភាពមួយចំនួន ក្នុងនោះមានដូចជា ការហាត់ប្រាណ ការគេងឲ្យបានល្អ និងការសម្រាកឲ្យបានល្អ រក្សាចិត្តឲ្យតែស្រស់ថ្លាជាដើម។ ក្នុងចំណោមចំណុចសំខាន់ទាំងអស់ អាហារជាផ្នែកមួយយ៉ាងសំខាន់ ក្នុងការធ្វើឲ្យរាងកាយមាំមួន និងរាងសមសួនផងដែរ។
ផ្លែឈើលើកសម្រស់ និងទ្រទ្រង់ជីវិត។ (រូបថត MONOROOM.info/ T.T)
សុខភាព - ការញុំាបន្ថែ និងផ្លែឈើច្រើន នឹងធ្វើឲ្យអ្នកកាន់តែមានអារម្មណ៏ល្អ រាងកាយមាំមួន និងកាន់តែមានឆោមស្រស់ស្អាត។ ទស្សនាវដ្ដីមនោរម្យ.អាំងហ្វូ សូមលើកអាហារចំនួនប្រាំប្រភេទដែលបរិភោគហើយ ជួយដល់រាងកាយមានភាពស្រស់ ព្រោះសារអាហារទាំងនោះ នឹងជួយឲ្យអ្នកមិនឆាប់ឃ្លាន និងជួយបញ្ចុះទម្ងង់ក្នុងរាងកាយ។
អាហារទាំងនោះមានដូចជា៖
១. ក្រូចថ្លុង
ក្រូចថ្លុងមានជាតិកាឡូរីតិច និងមានអង់ស៊ីមខ្ពស់ និងសារធាតុ កាបូអ៊ីដ្រាត(ជាតិស្ករ)ជួយជំនួយមិនឲ្យ ឆាប់ឃ្លាន ងាយស្រួលធ្វើឲ្យទម្ងន់ធ្លាក់ចុះ។ ការយកក្រូចថ្លុងបន្ទាប់ពីអាហារពេលព្រឹក នឹងធ្វើឲ្យអ្នកមានអារម្មណ៏ប្លែកមិនសូវឆាប់ឃ្លានអាហារដូចពេលមុន។
២. ត្រសក់
ក្នុងត្រសក់សម្បូរទៅដោយជាតិទឹកប្រហែល៩០ភាគរយ និងមានជាតិកាឡូរីតិចជួយការពារប្រព័ន្ធធាតុស្មុំារបស់អ្នក។ ការលាយត្រសក់ជាមួយទឹកក្រូចឆ្មា រួចជាមួយជាតិវីតាមីនឬសារធាតុបន្លែផ្សេងៗ ទៀត សម្រាប់ជាអាហារសម្រន់ នោះប្រាកដជាអាចជូយគ្រប់គ្រងទម្ងន់បានល្អជាមិនខាន។
៣. ផ្លែគីវី (KIWI)
ផ្លែគីវីផ្ទុកច្រើនទៅដោយជាតិរ៉ែ វីតាមីនស៊ី និងជាតិវីតាមីនផ្សេងៗទៀត ដែលជួយសម្រួលដល់ប្រព័ន្ធរំលាយអាហារឲ្យកាន់តែមានប្រសើរឡើង និងសម្រួលដល់ការបន្ទោរបង់ធំ។ សម្រាប់អ្នកដែលចង់បានរាងស្អាតគួរតែបរិភោគផ្លៃនេះនាពេលល្ងាច។
៤. ខាត់ណា
ខាត់ណាជាអាហារបៃតង សម្បូរទៅដោយជាតិសរសៃ មានផ្ទុកដោយសារធាតុកាល់ស្យូម និងសារធាតុចិញ្ចឹមផ្សេងៗទៀត។ ការចំរាញ់យកសារជាតិទឹកចេញពីខាត់ណារួចលាយជាមួយបន្លែ ឬផ្លែឈើផ្សេងៗទៀតកិនជាទឹកក្រឡុក សម្រាប់ជាភេសជ្ជៈឬអាហារសម្រន់នឹងធ្វើឲ្យរាងកាយកាន់តែ ប្រសើរឡើង ព្រមទាំងជួយសំរូលជាតិខ្លាញ់បានស្រួលផងដែរ។
៥. គ្រាប់ជី
គ្រាប់ជីជាអាហារសម្រន់និងជាបង្អែមដែលល្អមួយសម្រាប់ជួយសម្រកទម្ងន់ និងជួយទប់មិនឲ្យឃ្លាន។ យើងអាចលាយគ្រាប់ជីជាមួយនឹងភេសជ្ជៈមួយចំនួនទៀតដូចជាទឹកដោះគោ ឬកាវកាវជាដើម ដោយ ពិសាររាល់ថ្ងៃនឹងធ្វើឲ្យអ្នកបានឃើញប្រសិទ្ធភាពក្នុងពេលយ៉ាងឆាប់៕
--------------------------------------
ដោយ ក. សេងហុង (ទំនាក់ទំនង៖ [email protected]) - ភ្នំពេញ ថ្ងៃ១០ ខែកុម្ភៈ ឆ្នាំ ២០១៤