ផ្ទះបន​ពេស្យា​បម្រើសេវា​ដោយ​កូន​ក្រមុំ​ជ័រ បាន​បើក​ទ្វា​នៅ​ប៉ារីស

«ផ្ទះបនពេស្យា» មួយ ទើបនឹងត្រូវបានបើកទ្វា កាលពីពេលថ្មីៗនេះ ដើម្បីផ្ដល់សេវាផ្លូវភេទ នៃ«កូនក្រមុំជ័រ» ទៅឲ្យអតិថិជនរបស់ខ្លួន។ ប៉ុន្តែអាជីវកម្មនេះ បានបង្កឲ្យផ្ទុះការក្ដៅក្រហាយ មិនតិចទេ ពីសំណាក់សមាជិកក្រុមប្រឹក្សារដ្ឋធានី នៃប្រទេសបារាំង។
ផ្ទះបន​ពេស្យា​បម្រើសេវា​ដោយ​កូន​ក្រមុំ​ជ័រ បាន​បើក​ទ្វា​នៅ​ប៉ារីស
កូនក្រមុំជ័រ ស៊ីលីកូន រចនាជាស្ត្រី នៅបស្ចឹមលោក ដែលត្រូវបានយកធ្វើជាស្រីពេស្យា នៅក្នុង​«ហាងលេងល្បែង»មួយ កណ្ដាលរដ្ឋធានីប៉ារីស។ (រូបថតផ្តិតពីវីដេអូ)
Loading...
  • ដោយ: មនោរម្យ.អាំងហ្វូ ([email protected]) - ភ្នំពេញ ថ្ងៃទី២២ មីនា ២០១៨
  • កែប្រែចុងក្រោយ: March 23, 2018
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

ជាលើកទីមួយ ក្នុងប្រទេសបារាំង... ហើយក៏បង្ក​ឲ្យមាន​ការភ្ញាក់ផ្អើល​មិនតិចដែរ។

សមាជិកក្រុមប្រឹក្សារដ្ឋធានីប៉ារីស ជាច្រើន ជាពិសេសសមាជិក មកពីគណបក្សឆ្វេងនិយមជ្រុល របស់ប្រទេស​បារាំង បានជំទាស់នឹងការបើកទ្វា នៃផ្ទះបនពេស្យា «បែបថ្មី» មួយ ដែលផ្ដល់សេវាកម្មផ្លូវភេទ ដោយតុក្កតា ឬកូនក្រមុំ ធ្វើពីជ័រស៊ីលីកូន (Silicone)។ ផ្ទះបនមួយនេះ បានបើកទ្វា កាលពីថ្ងៃទី១ ខែកុម្ភៈកន្លងមក ដើម្បីទទួលអតិថិជនរបស់ខ្លួន ក្នុងការចូលទៅនែបនិត្យ ជាមួយនាងៗ ដែលធ្វើពីជ័រស៊ីលីកូន និងដែលមានរូបរាងស្អាតៗ ដូចមនុស្សពិតៗ។

ផ្ទះបននោះ ជាកម្មសិទ្ធិរបស់ក្រុមហ៊ុន «Xdolls» ហើយត្រូវបានបើកធ្វើអាជីវកម្ម ក្នុងអាគារដ៏ស្ងាត់កំបាំងមួយ ដែលស្ថិតនៅសង្កាត់ទី១៤ នៃរដ្ឋធានីប៉ារីស។ នៅក្នុងក្រដាសស្នាម សុំការអនុញ្ញាត​ធ្វើអាជីវកម្ម មិនបានបញ្ជាក់ថា ទីនោះគឺជា​«ផ្ទះបន»​ទេ តែគ្រាន់តែ​ជា​«ហាងលេងល្បែង (Game Room)»​មួយប៉ុណ្ណោះ។ 

សម្រាប់ក្រុមសមាជិក្រុមប្រឹក្សារដ្ឋធានី មកពីគណបក្សរណសិរ្យឆ្វេងនិយម (Front de Gauche) បានគិតថា ការបើក«ហាងលេងល្បែង»​ដ៏«ចម្លែក»នេះ «បានបង្វិលអត្ថន័យដើម នៃច្បាប់ ដើម្បីផ្ដល់សេវា ទៅឲ្យអតិថិជន នៅក្នុងទីកន្លែងមួយ ដែលមានលក្ខណៈ ជាបនពេស្យាកម្ម ជាមួយនឹងស្ត្រីពេស្យា ដែលធ្វើពីជ័រស៊ីលីកូន»។

ក្រុមអ្នកជាប់ឆ្នោតទាំងនោះ មានគម្រោងស្នើសុំ ទៅរដ្ឋបាល​នៃរដ្ឋធានីប៉ារីស ក្នុងសប្ដាហ៍នេះ ដើម្បី​«សិក្សាពីនីតិវិធី» ក្នុងជំហានទៅ​បិទ​​ហាង​លេង​ល្បែង​«ពិសេស»​នេះចោលវិញ។ លោក «Nicolas Bonnet-Oulald» ប្រធានក្រុម នៃបណ្ដាសមាជិកក្រុមប្រឹក្សារដ្ឋធានី មកពីគណបក្សខាងលើ បានថ្លែងឡើងថា៖ «កូនក្រមុំជ័រ ដែលត្រូវបានជួល គិតជាម៉ោងទាំងនោះ បានធ្វើឲ្យអាម៉ាស ដល់រូបភាពរបស់ស្ត្រី និងមានបញ្ចេញសម្លេង [ថ្ងូរ] ដែលអាចធ្វើ​ឲ្យ​កើនឡើង នូវការចាប់រំលោភ»។ 

ប៉ុន្តែអភិបាលរដ្ឋធានី អ្នកស្រី «Anne Hidalgo» ហាក់បង្ហាញជំហរ មិនសូវខ្វល់ខ្វាយ ពីករណីនេះទេ។ លោក «Eric Azière» ប្រធានក្រុម នៃបណ្ដាសមាជិក​ក្រុមប្រឹក្សា​រដ្ឋធានី ដែលមានសម្លេងភាគច្រើន បានថ្លែងបរិហារគម្រោង របស់បណ្ដាសមាជិកក្រុមប្រឹក្សា មកពីគណបក្ស​ប្រឆាំង​ខាងលើ ដោយពោលឡើងថា៖ «បំណងចង់ហាមឃាត់ ការធ្វើអាជីវកម្មមួយ ដែលទាក់ទង នឹងផ្លូវភេទ ក៏ដូចជាសេរីភាព នៃពលរដ្ឋគ្រប់អាយុ ដោយមានការព្រមព្រៀង រវាងគ្នាដូច្នេះ ជាអំពើខុសច្បាប់»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...