ប្រទេស៤៥​ជំរុញ​កម្ពុជា ឲ្យ​បើក​មាន​បក្ស​ប្រឆាំង​ឡើង​វិញ

ប្រទេសចំនួន៤៥ ដែលជាសមាជិក នៃក្រុមប្រឹក្សាសិទ្ធិមនុស្ស របស់អង្គការសហប្រជាជាតិ បានចេញសេចក្ដីថ្លែងការណ៍រួម កាលពីថ្ងៃពុធទី២១ ខែមីនា អំពាវនាវទៅប្រទេសកម្ពុជា គប្បីអនុញ្ញាតឲ្យមានឡើងវិញ នូវគណបក្សប្រឆាំងដ៏សំខាន់ជាងគេ ដោះលែងប្រធានគណបក្សប្រឆាំង លោក កឹម សុខា ដែលត្រូវបានចាប់ដាក់ឃុំ និងធានាឲ្យបាន នូវការបោះឆ្នោតជាតិមួយ សេរី និងត្រឹមត្រូវ ក្នុងខែកក្កដាខាងមុខ។
ប្រទេស៤៥​ជំរុញ​កម្ពុជា ឲ្យ​បើក​មាន​បក្ស​ប្រឆាំង​ឡើង​វិញ
កិច្ចប្រជុំ នៃក្រុមប្រឹក្សាសិទ្ធិមនុស្ស របស់អង្គការសហប្រជាជាតិ ក្នុងទីក្រុងហ្សឺណែវ ប្រទេសស្វីស។ (រូបថត UN)
Loading...
  • ដោយ: មនោរម្យ.អាំងហ្វូ ([email protected]) - ភ្នំពេញ ថ្ងៃទី២២ មីនា ២០១៨
  • កែប្រែចុងក្រោយ: March 23, 2018
  • ប្រធានបទ: នយោបាយខ្មែរ
  • អត្ថបទ: មានបញ្ហា?
  • មតិ-យោបល់

សេចក្ដីថ្លែងការណ៍រួមនោះ ត្រូវបានអានដោយតំណាងរដ្ឋាភិបាល នៃប្រទេសញូហ្សេឡេន នាឱកាសនៃកិច្ចប្រជុំក្រុមប្រឹក្សាសិទ្ធិមនុស្ស របស់​អង្គការសហប្រជាជាតិ កាលពីថ្ងៃពុធ ទី២១ ខែមីនា ក្នុងក្រុងហ្សឺណែវ ប្រទេសស្វីស។ តំណាងរដ្ឋាភិបាលកម្ពុជា ក៏មានមុខ នៅក្នុងអង្គប្រជុំនោះដែរ។

បណ្ដាប្រទេសទាំង៤៥នោះ ដោយរួមមានប្រទេសធំៗ ដូចជាអាមេរិក អង់គ្លេស បារាំង អាល្លឺម៉ង កាណាដា និងប្រទេសអូស្ត្រាលី​ជាដើមនោះ បានសំដែងការខ្វាយខ្វល់ យ៉ាងជ្រាលជ្រៅ នៅចំពោះការធាក់ថយក្រោយ នៃសិទ្ធិពលរដ្ឋ និងសិទ្ធិនយោបាយ នៅកម្ពុជា។ សេចក្ដីថ្លែងការណ៍នោះ មានដាក់ជូនអានទាំងស្រុង ជាខេមរភាសា នៅខាងក្រោមអត្ថបទ។

ការអំពាវនាវ របស់ប្រទេសទាំង៤៥ ត្រូវបានលោក ផៃ ស៊ីផាន រដ្ឋលេខាធិការ និងអ្នកនាំពាក្យទីស្ដីការគណៈរដ្ឋមន្ត្រី ប្រតិកម្មតបវិញ ដោយអះអាងថា កម្ពុជា ជារដ្ឋឯករាជ្យមួយ និងមិនអាចធ្វើតាម ការចង់បានរបស់បរទេស ឬប្រទេសណាមួយឡើយ។

ចំពោះលោក​ ​ណី សំអុល​ ​ឯក​អគ្គ​រាជ​ទូត នៃស្ថាន​តំណាង​អចិន្ត្រៃយ៍​របស់​កម្ពុជា ប្រចាំនៅអង្គការសហប្រជាជាតិ ក្នុង​ទី​ក្រុង​ហ្សឺណែវ​ ធ្លាប់បានប្រកាសទាត់ចោល រួចជាមុនហើយ កាលពីសប្ដាហ៍កន្លងមក នូវសេចក្ដីថ្លែងការណ៍ទាំងឡាយណា ដែលលោកហៅថា ធ្វើឡើងដើម្បីប្រឆាំងរដ្ឋាភិបាលកម្ពុជា និងមានបំណងនយោបាយ ចង់បង្កើតឲ្យមានបដិវត្តន៍ពណ៌ ដើម្បីឈានទៅ​ប្ដូររបបដឹកនាំ នៅក្នុងប្រទេសអធិបតេយ្យមួយ៕

» ខាងក្រោមនេះ ជាសេចក្ដីថ្លែងការណ៍រួមនោះទាំងស្រុង ដែលត្រូវបានបកប្រែ ក្រៅផ្លូវការ៖

 

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...