ស៊ូប៊ែរឌី៖ រដ្ឋាភិបាល​ត្រូវ​​តែ​ចាប់​ខ្លួន​អ្នក​បាញ់​ប្រហារ មក​កាត់​ទោស

«ប្រសិនបើគ្មានការដាក់បញ្ជាទេ ខ្ញុំគិតថា ជនដែលបានបាញ់កាំភ្លើងនោះ ត្រូវតែនាំយកមកកាត់ទោស និងស្វែងរកយុត្តិធម៌» នេះជាការលើកឡើងរបស់ លោក សុរិយា ប្រាសាទ ស៊ូប៊ែរឌី អ្នករាយការណ៍ ពិសេសអង្គការសហប្រជាជាតិ ពីស្ថានភាពសិទ្ធិមនុស្សនៅកម្ពុជា។
Loading...
  • ដោយ: អ៊ុម វ៉ារី
  • កែប្រែចុងក្រោយ: January 16, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

«ប្រសិនបើគ្មានការដាក់បញ្ជាទេ ខ្ញុំគិតថា ជនដែលបានបាញ់កាំភ្លើងនោះ ត្រូវតែនាំយកមកកាត់ទោស និងស្វែង រកយុត្តិធម៌» នេះជាការលើកឡើងរបស់ លោក សុរិយា ប្រាសាទ ស៊ូប៊ែរឌី អ្នករាយការណ៍ ពិសេសអង្គការសហ​ប្រជាជាតិ ពីស្ថានភាពសិទ្ធិមនុស្សនៅកម្ពុជា។


លោក សុរិយា ប្រាសាទ ស៊ូប៊ែរឌី សន្និសីទសារព័ត៌មាន ថ្ងៃទី១៦ ខែមករា ឆ្នាំ២០១៣ នាការិយាល័យឧត្តមស្នងការ​អង្គការ​សហប្រជាជាតិ ទទួលបន្ទុកផ្នែកសិទ្ធិមនុស្ស ប្រចាំទីក្រុងភ្នំពេញ។ (រូបថត MONOROOM.info/ O.Vary)

នយោបាយកម្ពុជា - ក្នុងសន្និសីទសារព័ត៌មាន ថ្ងៃទី១៦ ខែមករា ឆ្នាំ២០១៣ លោក សុរិយា ប្រាសាទ ស៊ូប៊ែរឌី បាន​សម្ដែងការសោកស្តាយ និងធ្វើការថ្កោលទោសចំពោះ អ្នកបង្ករឲ្យមានអំពើហិង្សា ជាមួយនឹង ការប្រើកម្លាំង​ហួស​ប្រមាណដែលបានធ្វើឡើងក្នុងអំឡុងង្ងៃទី១៥ ដល់ថ្ងៃទី២២ ខែកញ្ញា និងថ្ងៃទី១២ ខែវិច្ឆិកា ឆ្នាំ២០១៣។ ជាពិសេស​អំពើហិង្ស ដែលបានកើតឡើងកាលពីពេលថ្មីៗនេះ នៅថ្ងៃទី២-៣-៤ ខែមករា ឆ្នាំ២០១៤ បែរជាបានបង្កឲ្យមាន​មតិ​សង្ស័យ ចំពោះ«ប្រជាធិបតេយ្យ»នៅប្រទេសកម្ពុជាទៅវិញ។

ការថ្លែងទៅកាន់ក្រុមអ្នកសារព័ត៌មាន របស់អ្នករាយការណ៍ពិសេសរូបនេះ បានធ្វើឡើងនាការិយាល័យឧត្តមស្នងការ​អង្គការសហប្រជាជាតិ ទទួលបន្ទុកផ្នែកសិទ្ធិមនុស្ស ប្រចាំទីក្រុងភ្នំពេញ នៅមុនបិទបញ្ចប់ដំណើរទស្សនកិច្ច​លើក​ទី​ដប់របស់លោក ក្នុងការអង្កេតស្ថានភាពសិទ្ធិមនុស្សនៅកម្ពុជា និងក្រោយពីបានជួបជាមួយ ថ្នាក់ដឹកនាំនៃគណបក្ស​ប្រជាជនកម្ពុជា និងគណបក្សសង្គ្រោះជាតិដោយឡែកៗពីគ្នា។

លោក សុរិយា ប្រាសាទ ស៊ូប៊ែរឌី បានបន្តរថា ការប្រើប្រាស់នូវហិង្សា និងការប្រើប្រាស់នូវកម្លាំងហួសប្រមាណ ពី​សំណាក់អាជ្ញាធរមានសមត្ថកិច្ចទាំងនោះ វាជាហេតុផលមួយ ដែលធ្វើឲ្យមានការបារម្ភខ្លាំងឡើង។  លោកបាន​ស្នើ​សុំឲ្យមានការដោះលែងឲ្យនៅក្រៅឃុំ ជនទាំង២៣រូបដែលត្រូវបានចាប់ខ្លួន ពិសេសអ្នកដែលត្រូវការការ​ព្យាបាល​ជាបន្ទាន់។ បន្ទាប់មកទៀត មន្ត្រីអ្នករាយការណ៍អង្គការសហប្រជាជាតិរូបនេះ បានស្នើឲ្យចាត់វិធានការជាបន្ទាន់ ប្រសិនជាចាំបាច់ត្រូវឃុំខ្លួនពួកគេ អាជ្ញាធរត្រូវតែធ្វើនៅក្នុងរាជធានី ឬជុំវិញក្រុងភ្នំពេញ ដើម្បីងាយស្រួលដល់​ក្រុម​គ្រួសារ ឬមេធាវីរបស់គាត់បានចូលសួរសុខទុក្ខ។ ដោយឡែកសម្រាប់អនីតិជន ក៏ត្រូវតែផ្ទេរភ្លាមទៅមណ្ឌលសម្រាប់​អានីតិជននោះដែរ។

លោកសុរិយា ប្រាសាទ ស៊ូប៊ែរឌី បានប្រឆាំងចំពោះការប្រើកម្លាំង បង្ក្រាបទៅលើការធ្វើបាតុកម្មរបស់ជនស៊ីវិល ដែល​បានកើតកន្លងមក ធ្វើឲ្យយ៉ាងហោចណាស់មានមនុស្សបួននាក់បានស្លាប់ និងរបួសជាច្រើន។ សម្រាប់ជនមួយ​ចំនួន​ទៀត ដែលនៅបាត់ខ្លួននៅឡើយ មន្ត្រីជាន់ខ្ពស់អង្គការសហប្រជាជាតិរូបនេះ បានជំរុញឲ្យរដ្ឋាភិបាល ត្រូវតែរកជន​ទាំងនោះឲ្យឃើញមកវិញ។ លោកបានថ្លែងសង្កត់ធ្ងន់ ទាក់នឹងនឹងការបាញ់ប្រហារនោះថា «ប្រសិនបើគ្មាន​ការ​ដាក់​បញ្ជាទេ ខ្ញុំគិតថា ជនដែលបានបាញ់កាំភ្លើងនោះ ត្រូវតែនាំយកមកកាត់ទោស និងស្វែងរកយុត្តិធម៌។ ត្រូវតែធ្វើការ​អង្កេតឲ្យបានម៉ត់ចត់ ថាតើអ្នកណាជាអ្នកបញ្ជា និងអ្នកណាជាអ្នកអនុវត្តឲ្យមានការបាញ់ប្រហារនេះ។»

នៅពេលភ្លាមៗនេះ ទស្សនាវដ្ដីមនោរម្យព័ងអាំងហ្វូ នៅមិនទាន់ទទួលប្រតិកម្មពីរដ្ឋាភិបាលនៅឡើយ។ តែការថ្លែង​បញ្ជាក់កន្លងមក របស់មន្ត្រីរដ្ឋាភិបាល លោក ផៃ ស៊ីផាន បាននិយាយការពារភាពស្របច្បាប់ នៃប្រតិបត្តិការ​បង្ក្រាប​របស់អាជ្ញាធរថា នោះគឺ«ដើម្បីការពារខ្លួន និងធានាឲ្យបាននូវសណ្ដាប់ធ្នាប់សាធារណៈ»៕

--------------------------------------------------
ដោយ អ៊ុម វ៉ារី (ទំនាក់ទំនង៖ [email protected]) - ភ្នំពេញថ្ងៃទី១៦ ខែមករា ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...