ភូមិដ្ឋានធ្វើពី«ប្រអប់ក្រដាស» នៅក្រុងម៉ាសីយ៍ប្រទេសបារាំង (Pic & VDO)
ភូមិដ្ឋានដែលបង្កើតឡើងក្នុងរយៈពេលខ្លីមួយ ត្រូវបានសាងសង់ឡើងនៅលើទីលាន បាហ្សឺម៉ុង (Bargemon) កណ្ដាលទីក្រុង ម៉ាសីយ៍ (Marseille) ដើម្បីចូលរួមក្នុងកម្មវិធីមួយប្រចាំតំបន់ នៅឆ្នាំ២០១៣។ អ្វីដែលអស្ចារ្យនោះ គឹភូមិដ្ឋាននោះ បានសាងសង់ឡើងពីប្រអប់ក្រដាសទាំងអស់ ហើយអ្នកសាងសង់សុទ្ធតែកុមារ និងអ្នកស្ម័គ្រចិត្តជាយុវជនក្មេងៗ។
ភូមិដ្ឋានធ្វើពីប្រអប់ក្រដាស់ នៅទីក្រុងម៉ាសីយ៍ប្រទេសបារាំង។ (រូបថត FR/metronews)
ទីក្រុងប៉ារីស - កម្មវិធីដែលបានពេញនិយមជារៀងរាល់ឆ្នាំ មានឈ្មោះថា ម៉ាសីយ៍ ប្រូវ៉ស្ស៍ ២០១៣ (Marseille Provence 2013)។ នៅឆ្នាំនេះ គេបានឧទ្ទិសទៅសិល្បៈឆ្នៃប្រឌិតនៅតាមដងផ្លូវ ដោយបានសង់ជា«ភូមិដ្ឋានមួយ ដែលសង់នៅលើទីលាន បាហ្សឺម៉ុង ក្នុងសង្កាត់ទី១នៃទីក្រុងស្ថិតនៅប៉ែកខាងត្បូង នៃប្រទេសបារាំង។
ប្រធានការដ្ឋានសាងសង់ លោក អូលីវីយ៉េ ហ្គ្រូសតែត (Olivier Grossetête) ដែលជាវិចិត្រករសូន្យរូបម្នាក់នោះ បានចាត់ចែងធ្វើស្នាដៃនេះដោយស្ម័គ្រចិត្ត ជាមួយកុមារៗ យុវជន យុវនារី និងអ្នកដំណើរនៅតាមផ្លូវជាច្រើន។ ពួកគេបានប្រើស្កុតបិតភ្ជាប់ពីប្រអប់មួយទៅប្រអប់មួយ ដើម្បីបង្កើតទៅជាអាគារភូមិករធំៗជាច្រើន។
ជាល្បែងមួយ ដែលកុមារគ្រប់រូបនរណាមួយមិនស្រម័យចង់បាន និងចង់ចូលរួមធ្វើនោះ? សូមទស្សនារូបភាព និងវីដេអូខាងក្រោមដូចតទៅ៖
វីដេអូ៖
--------------------------------------------------
ដោយ ឈូករ័ត្ន - ថ្ងៃទី០៤ ខែតុលា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ
សដថ