អ៊ីណែស្តា៖ ណីម៉ា គ្មាន​បញ្ហា​ទេ ទោះ​​ភ័យ​ខ្លាច​ជម្ងឺ​ឈាម​ស​ស៊ី​ឈាម​ក្រហម​ក៏​ដោយ

ខ្សែប្រយុទ្ធក្រុមបាសេឡូណា (Barcelona) ណីម៉ា (Neymar) មានសុខភាពល្អធម្មតាទេ ហើយគាត់កំពុងតែហ្វឹកហាត់​ជា​មួយក្រុម ទោះបីជាមានសេចក្តីរាយការណ៏ខ្លះថា គាត់មានសភាពស្លេកស្លាំង ដោយសារមានជម្ងឺឈាមស​ស៊ីឈាមក្រហម​ក៏ដោយ។ នេះជាសម្តីរបស់ខ្សែបម្រើឆ្នើមបាសេឡូណា អេនដ្រេស អ៊ីណែស្តា (Andres Iniesta) បាននិយាយកាលពី​ថ្ងៃ​ច័ន្ទនៅក្នុងទីក្រុងបាងកក។
Loading...
  • ដោយ: វិន ជីវ័ន្ត
  • កែប្រែចុងក្រោយ: August 06, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ខ្សែប្រយុទ្ធក្រុមបាសេឡូណា (Barcelona) ណីម៉ា (Neymar) មានសុខភាពល្អធម្មតាទេ ហើយគាត់កំពុងតែហ្វឹកហាត់​ជា​មួយក្រុម ទោះបីជាមានសេចក្តីរាយការណ៏ខ្លះថា គាត់មានសភាពស្លេកស្លាំង ដោយសារមានជម្ងឺឈាមស​ស៊ីឈាមក្រហម​ក៏ដោយ។ នេះជាសម្តីរបស់ខ្សែបម្រើឆ្នើមបាសេឡូណា អេនដ្រេស អ៊ីណែស្តា (Andres Iniesta) បាននិយាយកាលពី​ថ្ងៃ​ច័ន្ទនៅក្នុងទីក្រុងបាងកក។


កីឡាករ ណីម៉ា ជាមួយនឹងទង់របស់ក្រុមបាល់ទាត់ បាសឺឡូណា។ (រូបថត wall-height.com)

កីឡាករចំណូលថ្មី របស់ក្រុមបាសា ត្រូវបានគេរាយការណ៏ថា ក្រុមគ្រូពេទ្យប្រចាំក្លិប កំពុងតែយកចិត្តទុកដាក់ខ្លាំង ទៅ​លើរបបអាហាររបស់គាត់ ក្នុងករណីដែលគាត់មានសភាពស្លេកស្លាំងខុសពីធម្មតា ដែលបណ្តាលមកពីមានជម្ងឺ​ឈាមស៊ី​ឈាម បន្ទាប់ពីបង្ហាញខ្លួនលេងឲ្យក្លិបជាលើកដំបូងរួចមក។ កាសែតអេស្ប៉ាញ អេល ប៉ែស (El Pais) បានរាយការណ៏។

ប៉ុន្តែទោះជាយ៉ាងណា ខ្សែបម្រើ អ៊ីណែស្តា បានចេញមកបង្ហើបប្រាប់ដល់អ្នកគាំទ្ររបស់ក្លិបទាំងអស់ថា តារាឆ្នើម​របស់​ពួកគេ ដែលក្លិបទើបតែទិញចូលនៅក្នុងរដូវក្តៅនេះ នឹងត្រៀមខ្លួនរួចរាល់សម្រាប់ ការប្រកួតចាប់ផ្តើមរដូវកាល​ថ្មី​ខាង​មុខ។

អ៊ីណែស្តា បាននិយាយនៅក្នុងទីក្រុងបាងកក ខណៈដែលក្រុមបាសេឡូណា ធ្វើដំណើរមកប្រកួតជាមួយក្រុមថៃថា៖ «ការ​ពិនិត្យធ្វើតេស្តឈាម គ្មានបញ្ហាអ្វីនោះទេ គាត់អាចហ្វឹកហាត់បានធម្មតា ហើយខ្ញុំមើលទៅដូចជាគ្មានបញ្ហាអ្វីទាំង​អស់។»

កីឡាករអន្តរជាតិប្រេស៊ីល ណីម៉ា បានផ្ទេរមកចូលរួមជាមួយនឹងក្លិបយក្សរបស់អេស្ប៉ាញ កាលពីខែមិថុនា ក្នុងតម្លៃ​៥៧​លានអ៊ឺរ៉ូ (៧៥.៧លានដុល្លា, ៤៩.៥លានផោន) ហើយគាត់បានបង្ហាញខ្លួន លេងឲ្យក្លិបជាលើកដំបូង កាលពីសប្តាហ៏មុន ខណៈដែល ក្រុមបាសេឡូណា ធ្វើបានត្រឹម ២-២ ស្មើជាមួយក្រុម ឡេជៀ ជីដាសាំង (Lechia Gdasnk) ក្នុងការប្រកួត​មិត្តភាព នៅប្រទេសប៉ូឡូញ។

អ៊ីណែស្តា បានបន្ថែមថា៖ «គាត់អាចនឹងត្រូវការពេលវេលា ដើម្បីលេងឲ្យត្រូវជាមួយនឹងមិត្តរួមក្រុមថ្មី។ ខ្ញុំគិតថា ណីម៉ា ហាក់ដូចជាមានភាពជិតស្និទខ្លាំងណាស់ជាមួយនឹង ដានី អាល់វែស (Dani Alves ៖ ខ្សែការពារបាសេឡូណា​សញ្ជាតិ​ប្រេស៊ីល)។ គាត់ជាកីឡាករ ដែលមានភាពប៉ិនប្រសព្វ ហើយគាត់អាចលេងជាមួយនឹងកីឡាករទាំងអស់បានយ៉ាងល្អ។ វាគួរតែគ្មានបញ្ហាចោទនោះទេ។»

គួរបញ្ជាក់ថា ណីម៉ា ក៏បានធ្វើដំណើរមកកាន់ប្រទេសថៃដែរ កាលពីថ្ងៃច័ន្ទ ហើយតារាឆ្នើមៗជាច្រើនរូប ក៏បានធ្វើដំណើរ​មកដូចគ្នា។ ក្រុមអ្នកមានបុណ្យ បាសេឡូណា នឹងត្រូវប្រកួតមិត្តភាព ជាមួយនឹងក្រុមជម្រើសជាតិថៃ នៅក្នុងកីឡាដ្ឋាន​ជាតិ រ៉ាចាម៉ាំងហ្គាឡា (Rajamangala) នាយប់ថ្ងៃពុធ (ប្រទេសថៃ) ហើយណីម៉ា ក៏នឹងបង្ហាញខ្លួនផងដែរ នៅក្នុង​រាត្រី​នោះ៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី០៦ ខែសីហា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...