គណបក្ស​ប្រជាជន៖ គ្មាន​ទេ ការ​​លា​លែង​​តំណែង​របស់​លោក ហ៊ុន សែន

ពាក្យចចាមអារាមមួយ ដែលបានប្រកាសថានាយករដ្ឋមន្ត្រីកម្ពុជា លោកហ៊ុន សែនបានចាកចេញទៅបរទេស និងលាលែងចេញពីមុខតំណែងរបស់ខ្លួន ជានាយករដ្ឋមន្ត្រីថែមទៀតនោះ ត្រូវបានគណបក្សប្រជាជនកម្ពុជា បានធ្វើការបដិសេធចោលកាលពីថ្ងៃទី២៩ ខែកក្កដា។ ជាមួយគ្នានេះកាលពីល្ងាចថ្ងៃម្សិលម៉ិញនេះ គណបក្សប្រជាជនកម្ពុជាក៏បានចេញនូវសេចក្តីថ្លែងការណ៍មួយ ធ្វើការបដិសេធចំពោះពាក្យចចាមអារាមចាងលើ ។ សេចក្តីថ្លែងការណ៍របស់គណបក្សប្រជាជនកម្ពុជា នេះក៏បានប្រកាស និងផ្សព្វផ្សាយតាមតយៈបណ្តាញសារព័ត៌មាននានា ជាពិសេសតាមរយៈប្រព័ន្ធទូរទស្សន៍ក្នុងស្រុក ។
Loading...
  • ដោយ: អ៊ុម វ៉ារី
  • កែប្រែចុងក្រោយ: July 30, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ភ្នំពេញ៖ ពាក្យចចាមអារាមមួយ ដែលបានប្រកាសថានាយករដ្ឋមន្ត្រីកម្ពុជា លោកហ៊ុន សែនបានចាកចេញទៅបរទេស និងលាលែងចេញពីមុខតំណែងរបស់ខ្លួន ជានាយករដ្ឋមន្ត្រីថែមទៀតនោះ ត្រូវបានគណបក្សប្រជាជនកម្ពុជា បានធ្វើការ​បដិសេធចោល កាលពីថ្ងៃទី២៩ ខែកក្កដា។

ជាមួយគ្នានេះកាលពីល្ងាចថ្ងៃម្សិលម៉ិញនេះ គណបក្សប្រជាជនកម្ពុជាក៏បានចេញនូវសេចក្តីថ្លែងការណ៍មួយ ធ្វើការ​បដិសេធចំពោះពាក្យចចាមអារាមចាងលើ ។ សេចក្តីថ្លែងការណ៍របស់គណបក្សប្រជាជនកម្ពុជា នេះក៏បានប្រកាស និង​ផ្សព្វផ្សាយតាមរយៈបណ្តាញសារព័ត៌មាននានា ជាពិសេសតាមរយៈប្រព័ន្ធទូរទស្សន៍ក្នុងស្រុក ។

គណបក្សប្រជាជនកម្ពុជាដែលត្រៀមខ្លួន បន្តដឹកនាំប្រទេសសម្រាប់អាណត្តិទីប្រាំ ក្នុងរយៈពេលប្រាំឆ្នាំជាបន្តរទៀតនេះ បានប្រកាសក្នុងសេចក្តីថ្លែងការណ៍របស់ខ្លួន ដោយចាត់ទុកពាក្យចចាមអារាមទាំងនេះថាជា«សង្គ្រាមចិត្តសាស្ត្រ ដែល​ក្រុមអគតិតែងប្រឌិត ដើម្បីបំពុលបរិយាកាសសង្គម»។

សេចក្តីថ្លែងការណ៍ដដែលបានបញ្ជាក់ថា «លោកនាយករដ្ឋមន្ត្រីហ៊ុន សែន កំពុងតែស្ថិតនៅក្នុងប្រទេស និងបំពេញ​មុខ​តំណែងជានាយករដ្ឋមន្ត្រីកម្ពុជាជាធម្មតា។ គណបក្សប្រជាជនកម្ពុជា អរគុណចំពោះប្រជាពលរដ្ឋ ដែលបានបន្តគាំទ្រ​គណបក្សនេះអោយបានឈ្នះ ទទួលបានអាសនៈលើសពី ភាគច្រើនដាច់ខាត ហើយដែលអនុញ្ញាតអោយគណបក្សនេះ អាចបង្កើតរដ្ឋាភិបាលថ្មីបាន។»

«ជាថ្មីម្តងទៀត គណបក្សប្រជាជនកម្ពុជា(…) បានឈ្នះឆ្នោតទទួលអាសនៈលើសពីភាគច្រើនដាច់ខាត ដែលអាចឲ្យ​គណបក្សប្រជាជនកម្ពុជាបង្កើតរដ្ឋាភិបាលថ្មីបាន ស្របតាមរដ្ឋធម្មនុញ្ញ ហើយសម្តេច ហ៊ុន សែន នឹងបន្តធ្វើ​ជា​នាយក​រដ្ឋមន្ត្រីនៃរាជរដ្ឋាភិបាល នីតិកាលទីប្រាំនៃរដ្ឋសភា»។

មនោរម្យព័ងអាំងហ្វូ បានស្វែងរកប្រភពពីបណ្ដាញផ្សព្វផ្សាយ និងពីស្ថាប័នពាក់ព័ន្ធនានាផង តែរកមិនឃើញការអះអាង​ណាមួយទាល់តែសោះ ទាក់ទងនឹងការលាលែងរបស់ លោក ហ៊ុន សែន​ នោះ។ ដោយឡែក មានតែនៅក្នុងបណ្ដាញ​សង្គមហ្វេសប៊ុក ប៉ុណ្ណោះ ដែលគេឃើញមានការផ្សព្វផ្សាយបែបនេះ និងត្រូវបានគេជឿថា ត្រូវបានធ្វើឲ្យក្រុម​ប្រឆាំងនឹង​លោក ហ៊ុនសែន ដែលមិនអាចយកជាការនោះបានឡើយ។

ផ្ទុយទៅវិញ ក្រុមអ្នកវិភាគបាននិយាយថា សេចក្ដីថ្លែងការណ៍នេះ ត្រូវបានធ្វើឡើង មានចរិកដើម្បីជាការពញ្ញាក់​អារម្មណ៍​សាធារណជនឲ្យយល់ថា វត្តមានរបស់លោក ហ៊ុន សែន នៅតែមាននៅឡើយក្នុងប្រទេសកម្ពុជា ហើយការបន្តនិរន្តរភាព​នៃអំណាចរបស់បុរសខ្លាំងរូបនេះ នឹងមិនមានអ្វីអាចរាំងស្ទះបានឡើយ៕

សូមអានសេចក្តីថ្លែងការណ៍ទាំងស្រុងដូចខាងក្រោម៖

---------------------------------------------------------
ដោយៈ អ៊ុម វ៉ារី - ភ្នំពេញថ្ងៃទី៣០ កក្កដា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...