ធាតុអាកាស​ម៉ូសុង​នៅ​ឥណ្ឌា៖ តុល្យភាព​នៃ​អ្នក​ស្លាប់​ឡើង​ដល់​៥​ពាន់​នាក់

ស្ថានភាពឧត្តុនិយមចុះអាក្រក់ខ្លាំង នៅភាគខាងជើងនៃប្រទេសឥណ្ឌា បានពន្យឺតការជួយសង្គ្រោះ របស់ក្រុមការងារតាំងពីថ្ងៃអាទិត្យទី២៣ខែមិថុនា ដើម្បីជម្លៀសបណ្ដាជនរាប់សិបពាន់នាក់ ដែលនៅជាប់គាំងនៅតាមតំបន់ជួរភ្នំហិម៉ាល័យ៉ា។
Loading...
  • ដោយ: កេសរ កូល
  • កែប្រែចុងក្រោយ: June 24, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ស្ថានភាពឧត្តុនិយមចុះអាក្រក់ខ្លាំង នៅភាគខាងជើងនៃប្រទេសឥណ្ឌា បានពន្យឺតការជួយសង្គ្រោះ របស់ក្រុមការងារ​តាំងពីថ្ងៃអាទិត្យទី២៣ខែមិថុនា ដើម្បីជម្លៀសបណ្ដាជនរាប់សិបពាន់នាក់ ដែលនៅជាប់គាំងនៅតាមតំបន់ជួរភ្នំ​ហិម៉ាល័យ៉ា។

ទីភ្នាក់ងារសារព័ត៌មានចិនស៊ីនហួរ បានស្រង់សម្ដីរដ្ឋមន្ត្រីក្រសួងគ្រប់គ្រងគ្រោះមហន្តរាយឥណ្ឌា លោក យ៉ាសផាល អារីយ៉ា (Yashpal Arya)  កាលពីថ្ងៃអាទិត្យ មករាយការណ៍ថា មនុស្សយ៉ាងតិចណាស់៥ពាន់នាក់បានរងគ្រោះដល់ជីវិត នៅក្នុងព្រឹត្តិការណ៍នេះ។ លោក អារីយ៉ា​ បាននិយាយថា ទឹកជំនន់បានជោរជន់បង្កឲ្យមានការបាត់បង់ដ៏ធ្ងន់ធ្ងរ ជា​ពិសេសនៅក្នុងតំបន់តាមជ្រលងកេរដាណាដ (Kedarnath) ទីកន្លែងដែលក្រុមអ្នកជួយសង្គ្រោះ កំពុងធ្វើយុទ្ធនាការ​ជម្លៀសបណ្ដាជនចេញ។

នៅថ្ងៃអាទិត្យដដែល កងទ័ពបានបញ្ជូនកម្លាំងរបស់ខ្លួនបន្ថែម តាមឧទ្ធម្ភាគចក្រឆ្ពោះទៅតំបន់មានអសន្នទាំងនេះ តែ​យុទ្ធនាការត្រូវបានផ្អាក ដោយហេតុមកពីមានភ្លៀងធ្លាក់ បង្អុរចុះយ៉ាងខ្លាំង និងមានអ័ព្ទធ្លាក់ចុះយ៉ាងក្រាស់ឃ្មឹក នៅលើ​តំបន់ទាំងមូល។ ផ្នែកសង្គ្រោះបន្ទាន់របស់ជាតិ បានប្រើប្រាស់យន្ដហោះគ្មានមនុស្សបើក ដើម្បីស្វែងរកជន​ដែលនៅ​មានជីវិតនៅឡើយ និងហោះទៅកាន់ទីកន្លែងណាដែលក្រុមអ្នកជួយសង្គ្រោះចូលទៅមិនដល់។

មនុស្សជាច្រើនពាន់នាក់ នៅជាប់គាំងក្នុងតំបន់ជួរភ្នំទាំងនោះ ដោយហេតុផ្លូវគមនាគមន៍ទាំងឡាយ ត្រូវបានកាត់ផ្ដាច់។ ចរន្ដទឹកបានហូរបុកខ្លាំង បានបង្កឲ្យស្រុតអាគារលំនៅដ្ឋាន សារធារណៈ ឬភូមិទាំងមូលនោះផង។ ការបាក់ដី និងចរន្ដ​ទឹកភ្លៀង បាននាំមកនូវភក់ល្បប់យ៉ាងក្រាស់ ហើយបានលប់ចាក់ពីលើតំបន់ជាច្រើន នៃរដ្ឋអ៊ុតារ៉ាក្លេន (Uttarakhand)។

អាជ្ញាធរជាតិខាងឧត្តុនិយម បានប្រកាសដាក់ការប្រុងប្រយ័ត្នបន្ថែមទៀត ប្រឆាំងនឹងភ្លៀងដែលគេរំពឹងថា នឹងមាន​កាន់​តែខ្លាំងចាប់ពីថ្ងៃច័ន្ទនេះទៅ៕

-------------------------------------------------
ដោយ ៖ កេសរកូល - ភ្នំពេញ ថ្ងៃទី២៣ ខែមិថុនា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...