គ្រូបង្វឹក​អ៊ីតាលី ថា​បាឡូតេលី ធ្វើ​ទង្វើ​«ដូចឆ្កួត» បន្ទាប់​ពី​ឈ្នះ

គ្រូបង្វឹកក្រុមបាល់ទាត់ជម្រើសជាតិអ៊ីតាលី លោកសេសៀ ប្រាណដេលី (Cesare Prandelli) បានស្តីបន្ទោសដល់ខ្សែប្រយុទ្ធម៉ារីយ៉ូ បាឡូតេលី (Mario Balotelli) ថាធ្វើទង្វើដូចឆ្កួត បើទោះបីជាកីឡាករឆ្នើមរូបនេះ បានជួយឲ្យក្រុមអ៊ីតាលីឈ្នះក្រុមម៉ិកស៊ីកូ ២-១ ក្នុងការប្រកួតពានរង្វាន់ខុនហ្វេដឺរ៉េសិនខាប់ (Confederations Cup) កាលពីយប់ថ្ងៃអាទិត្យក៏ដោយ។
Loading...
  • ដោយ: វិន ជីវ័ន្ត
  • កែប្រែចុងក្រោយ: June 18, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

គ្រូបង្វឹកក្រុមបាល់ទាត់ជម្រើសជាតិអ៊ីតាលី លោកសេសៀ ប្រាណដេលី (Cesare Prandelli) បានស្តីបន្ទោសដល់​ខ្សែ​ប្រយុទ្ធម៉ារីយ៉ូ បាឡូតេលី (Mario Balotelli) ថាធ្វើទង្វើដូចឆ្កួត បើទោះបីជាកីឡាករឆ្នើមរូបនេះ បានជួយឲ្យក្រុមអ៊ីតាលី​ឈ្នះក្រុមម៉ិកស៊ីកូ ២-១ ក្នុងការប្រកួតពានរង្វាន់ខុនហ្វេដឺរ៉េសិនខាប់ (Confederations Cup) កាលពីយប់ថ្ងៃអាទិត្យ​ក៏​ដោយ។


ខ្សែ​ប្រយុទ្ធម៉ារីយ៉ូ បាឡូតេលី ដោះអាវចេញនៅពេល ទាត់បញ្ចូលទីរួច។ (រូបថត newswhip.com)

បាឡូតេលី បានជួយរកគ្រាប់បាល់បញ្ចូលទី នៅ១២នាទីមុនចប់ការប្រកួត ហើយក៏ជាគ្រាប់បាល់ជ័យជំនះរបស់​ក្រុម​អ៊ីតាលីដែរ ប៉ុន្តែលោកប្រាណដេលី បានផ្ទុះកំហឹងដោយសារតែខ្សែប្រយុទ្ធក្រុមអេស៊ី មីឡាន (AC Milan) រូបនេះ ត្រូវ​ពិន័យកាតលឿង បន្ទាប់ពីគាត់អបអរដោយការដោះអាវចេញ។

គួររំឮកថា បាឡូតេលី នឹងត្រូវអវត្តមានការប្រកួតជំរុះ បាល់ទាត់ពិភពលោកចំនួន១ប្រកួត បន្ទាប់ពីកីឡាកររូបនេះ បាន​រងពិន័យកាតក្រហម កំឡុងពេលប្រកួតជាមួយនឹងក្រុមសាធារណៈរដ្ឋឆែកកន្លងទៅ។

លោកប្រាណដេលី បាននិយាយថា «ម៉ារីយ៉ូ គួរតែឈប់ដោះអាវចេញ បន្ទាប់ពីរកគ្រាប់បាល់បញ្ចូលទីបាន។ ការទទួល​កាតលឿងឆ្កួតៗនេះ វាមិនមែនជារឿងល្អនោះទេ សម្រាប់ការប្រកួតក្នុងព្រឹត្តិការណ៏ធំដូចនេះ។»

ប៉ុន្តែចំពោះទម្រង់លេងរបស់ក្រុម និងគ្រាប់បាល់ទាត់ពិន័យ (free-kick) របស់កីឡាករវីរបុរសអ៊ីតាលី អេនដ្រេ ប៉ឺឡូ (Andrea Pirlo) យ៉ាងល្អឥតខ្ចោះនោះ បានធ្វើឲ្យលោកប្រាណដេលី ពិតជាមានភាពស្កប់ស្កល់។

គាត់បាននិយាយថា «វាជាការប្រកួតបច្ចេកទេសមួយ ប៉ុន្តែយើងបានគ្រប់ដណ្តប់លើពួកគេជាង។ ម៉ិកស៊ីកូ គេព្យាយាម​ចូលឲ្យដល់កៀកទីរបស់យើង ហើយពួកយើងក៏ធ្វើការរារាំងបានល្អដែរ ប៉ុន្តែគ្រាន់តែមានកំហុសឆ្គងបន្តិច ដែលធ្វើឲ្យ​ពួកគេទទួលបានបាល់ចំនេញប៉េណាល់ទី។»

ការប្រកួតបន្ទាប់របស់អ៊ីតាលី នឹងត្រូវជួបជាមួយក្រុមស៊ាំមួរៃខៀវជប៉ុន នៅថ្ងៃទី១៩ ខែមិថុនាខណៈដែលក្រុមម្ចាស់ជើង​ឯកអាស៊ីមួយនេះ ទើបតែចាញ់ក្រុមម្ចាស់ផ្ទះប្រេស៊ីល ៣-០ ហើយការប្រកួតចុងក្រោយសម្រាប់ក្នុងពូល នឹងត្រូវ​ជួបជា​មួយនឹងក្រុមស៊ាំបាប្រេស៊ីល នៅថ្ងៃទី២២ ខែមិថុនានេះដែរ៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៧ ខែមិថុនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...