ប្រកួតស្មើក្នុងយប់នេះ តែបែរជាបានឆ្លងវគ្គ ឡើងទៅលើ ព្រោះក្រុមយក្សរបស់អាល្លឺម៉ង់ បាយឺន មូនិឆ (Bayern Munich) រកបានជ័យជំនះ កាលពីសប្ដាហ៍មុន នៅក្នុងការប្រកួត «ទៅ» នៅលើទឹកដីរបស់ក្រុម សេវីល (FC Séville - អេស្ប៉ាញ) ជាមួយនឹង​លទ្ធផល ១-២។ 

គេត្រូវនិយាយថា យប់ថ្ងៃពុធទី១១ ខែមេសានេះ ក្រុម សេវីល បានវាយសម្រុក យ៉ាងចាស់ដៃ នៅក្នុងការប្រកួត «ត្រឡប់» នៃការដណ្ដើមជើងឯកអ៊ឺរ៉ុប «Champions League» ប្រចាំឆ្នាំ២០១៧-២០១៨ ដើម្បីជួសជុលបរាជ័យ ក្នុងផ្ទះខ្លួនឯង កាលពីសប្ដាហ៍មុន។ តែក្រុមបាល់ទាត់ មកពីប្រទេសអេស្ប៉ាញមួយនេះ មិនអាចធ្វើអ្វីបានច្រើនឡើយ នៅចំពោះ ខ្សែការពារដ៏រឹងមាំ និងក្រុមកីឡាករ ប្រកបដោយថ្វីជើង និងវិន័យ របស់ក្រុម បាយ៉ឺន។

ក្រុមបាយឺន បានឡើងទៅវគ្គ ១ភាគ២ ដើម្បីទៅជួបប្រកួត ទល់នឹងក្រុមមួយ រវាងក្រុមទាំងបីផ្សេងទៀត ដែលបានទទួលសំបុត្រ ឡើងទៅវគ្គបន្ទាប់ដូចគ្នាដែរ។ ក្រុមទាំងបីនោះ មានក្រុម លីវើភូល (Liverpool) ក្រុម រ៉ូម៉ា (AS Roma) និងក្រុម រៀលម៉ាឌ្រីត (Real Madrid)។ តែដើម្បីដឹងថា ក្រុមណាត្រូវជួបជាមួយក្រុមណានោះ គេត្រូវរង់ចាំរហូតដល់រសៀល​ថ្ងៃសុក្រ ខាងមុខនេះ។

» ទស្សនាវីដេអូសង្ខេប នៃការប្រកួតនេះឡើងវិញ៖