កាលីហ្វ័នី-អាមេរិក៖ ភ្ញាក់ព្រើត! ចូល​បន្ទប់​ទឹក ជួប​ខ្លា!!!

ស្ត្រីម្នាក់រស់នៅក្នុងរដ្ឋកាលីហ្វ័នី មានបំណងចងចូលបន្ទប់ទឹក ដើម្បីស្រាយបញ្ហា«មួយចំនួន»របស់ខ្លួន តែផ្ទុយទៅវិញ ស្ត្រីរូបនេះ បានរងការភិតភ័យជាខ្លាំង ដោយបានជួបហេតុការណ៍នៃ«អាយុជីវិត» ដែលស្មានមិនដល់មួយ។
Loading...
  • ដោយ: ឈូករ័ត្ន
  • កែប្រែចុងក្រោយ: April 27, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ស្ត្រីម្នាក់រស់នៅក្នុងរដ្ឋកាលីហ្វ័នី មានបំណងចងចូលបន្ទប់ទឹក ដើម្បីស្រាយបញ្ហា«មួយចំនួន»របស់ខ្លួន តែផ្ទុយទៅវិញ ស្ត្រីរូបនេះ បានរងការភិតភ័យជាខ្លាំង ដោយបានជួបហេតុការណ៍នៃ«អាយុជីវិត» ដែលស្មានមិនដល់មួយ។


សត្វខ្លា ដែលទុកសម្រាប់សម្ដែងសៀក។ (រូបជំនួស)

មេរៀនជីវិតនេះ ត្រូវបានផ្ដល់ទៅឲ្យស្ត្រីអាមេរិកាំងមួយរូប អ្នកស្រីជេណា ក្រេប៊ីយ៉ែល (Jenna Krehbiel) នៅពេល​ដែល​អ្នកស្រីចូលទៅទស្សនាការសម្ដែងសៀកមួយ នៅក្នុងទីក្រុង សាលីណាស (Salinas) ក្នុងរដ្ឋកាលីហ្វ័នី (Californie) សហរដ្ឋអាមេរិក។ ខណៈដែលការសម្ដែងសៀកនេះ បានឈានជិតដល់ទីបញ្ចប់ ជេណា បានងើបចេញទៅរកបន្ទប់​ទឹក។

អ្នកស្រីថ្លែងរៀបរាប់ឡើងវិញថា «ខ្ញុំមិនបានដឹងថា សត្វខ្លាវាបានចូលទៅនៅក្នុងបន្ទប់ទឹក សម្រាប់មនុស្សស្រីនោះទេ។ ខ្ញុំបានចូលទៅ ហើយទ្វាបន្ទប់ទឹក ក៏បានបិតតាមក្រោយខ្ញុំដែរ។ ពេលនោះព្រលឹងខ្ញុំមិនដឹងនៅឯណាទេ ព្រោះខ្ញុំបាន​ឃើញសត្វខ្លាមួយ នៅឈរប្រហែលជាមួយមែត្រប៉ុណ្ណោះពីខ្ញុំ។ ខ្ញុំត្រឡប់ថយក្រោយវិញ ទៅរកទ្វាចេញ តែរំពេចនោះ មនុស្សម្នាក់បានបើកទ្វានោះ រួចស្រែកឡើង៖ ចេញពីទីនោះមក!» រឿងអីមិនភ័យ ?

នៅចំពោះសត្វខ្លា ជេណា បានសម្ដែងភាពស្ងាត់ស្ងៀមរបស់អ្នកស្រី ដោយមិនបានស្រែក ឬរត់អ្វីឡើយ។ ស្ត្រីរូបនេះ បន្ត​ការរៀបរាប់ទៀតថា អ្នកស្រីមានការភិតភ័យយ៉ាងខ្លាំង និងមិនដឹងថាធ្វើយ៉ាងដូចម្ដេចនោះទេ។ រឿងតែមួយដែល​អ្នកស្រី​បានគិតដល់ គឺរត់យកព្រះអាយុ ទៅអោយឆ្ងាយពីសត្វចង្កូមវែងៗនេះ។ ម្យ៉ាងទៀត ដោយសារអ្នកស្រីមានអាជីប ជាអ្នក​«ជំនួយការ»សង្គមនោះផង អ្នកស្រីបានពន្យល់ថា «ជំនាញក្នុងអាជីប»ប្រាប់អ្នកស្រី ពីជំហរដែលអ្នកស្រីត្រូវប្រកាន់។

អ្នកដឹកនាំការសម្ដែងសៀក លោក គ្រឹស ប៊ើដ (Chris Bird) បាននិយាយថា សត្វខ្លាបានរត់គេចចេញ នៅពេល​កំពុង​សម្ដែង ហើយបានរត់ទៅសម្ងំលាក់ខ្លួន ក្នុងបន្ទប់ទឹកមនុស្សស្រី។ បន្ទាប់មកភ្លាមនោះ ភ្នាក់ងារសន្តិសុខម្នាក់ បានធ្វើ​អន្តរាគមន៍មុននឹងរួចហើយ ដោយបានជម្លៀសបណ្ដាជន ដែលនៅក្នុងបន្ទប់ទឹកនោះចេញ ហើយបានបិតទ្វាខ្ទាស់គន្លឺស ដើម្បីកុំអោយសត្វខ្លាចេញមកក្រៅ និងមនុស្សផ្សេងចូលទៅបាន។ តែអ្នកស្រីជេណា បានចូលទៅក្នុងបន្ទប់ទឹកនោះ តាមទ្វាមួយទៀត !!!

លោក គ្រឹស ប៊ើដ បានបន្ធូរទ្រូងថា សំណាងល្អ ដែលហេតុការណ៍បានបញ្ចប់ទៅ ដោយគ្មាននរណាម្នាក់របួស។

ឆ្លើយនឹងសំនួរថា តើអ្នកស្រីនឹងត្រឡប់ទៅមើល ការសម្ដែងសៀកនោះទៀតទេ អ្នកស្រីជេណាបញ្ជាក់ថា «ចាំមើលសិន» តែ«ខ្ញុំសុខចិត្តទៅទស្សនាសួនសត្វច្រើនជាង ព្រោះនៅទីនោះ យ៉ាងហោចណាស់ ខ្ញុំដឹងច្បាស់ថា សត្វទាំងអស់​នៅនឹង​ទីកន្លែងរបស់វា»៕

-------------------------------------------------
ដោយ ឈូករ័ត្ន - ប៉ារីស​ ថ្ងៃទី២៦ ខែមេសា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...