ឥណ្ឌា៖ និស្សិត​បី​រូប រួម​គ្នា​បង្កើត​​អាវ​ទ្រ​សុដន្ដ «ប្រឆាំង»​ការ​រំលោភ

ដើម្បីប្រយុទ្ធប្រឆាំងនឹង ការចាប់រំលោភ ដែលតែងកើតមានជារឿយៗ ក្នុងប្រទេសឥណ្ឌានោះ និស្សិតបីនាក់ បានបង្កើត​នូវអាវទ្រនាប់ប្រឆាំងការរំលោភមួយឡើង ដោយមានដាក់បញ្ចូលនៅក្នុងនោះ ជាចរន្តអគ្គិសនី អោយឆក់ជនណាក៏ដោយ ដែលហ៊ានលូកមកប៉ះស្ទាបសុដន្ដរបស់ពួកនាង។ អាវក្នុងរបស់ស្រីនេះ នឹងអាចដាក់មកលក់ ក្នុងចុងខែមេសានេះ។
Loading...
  • ដោយ: ឈូករ័ត្ន
  • កែប្រែចុងក្រោយ: April 06, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ដើម្បីប្រយុទ្ធប្រឆាំងនឹង ការចាប់រំលោភ ដែលតែងកើតមានជារឿយៗ ក្នុងប្រទេសឥណ្ឌានោះ និស្សិតបីនាក់ បានបង្កើត​នូវអាវទ្រនាប់ប្រឆាំងការរំលោភមួយឡើង ដោយមានដាក់បញ្ចូលនៅក្នុងនោះ ជាចរន្តអគ្គិសនី អោយឆក់ជនណាក៏ដោយ ដែលហ៊ានលូកមកប៉ះស្ទាបសុដន្ដរបស់ពួកនាង។ អាវក្នុងរបស់ស្រីនេះ នឹងអាចដាក់មកលក់ ក្នុងចុងខែមេសានេះ។


អាវទ្រនាប់ នឹងគ្រឿងបំពាក់ខ្លះៗ ដែលជម្រុញអោយមានចរន្ដឡើងដល់ ៣៨០០គីឡូវ៉ុល។

អាវក្នុងរបស់ស្ត្រី ដើម្បីប្រយុទ្ធប្រឆាំងនឹងការរំលោភ នៅប្រទេសឥណ្ឌា៖ ជាគំនិតរបស់និស្សិតបីរូប (ស្រីពីរ ប្រុសម្នាក់) ដែលកំពុងរៀននៅក្នុងសាលាវិស្វកម្មមួយ នៅឆេនណៃ (Chennai) ប៉ែកខាងត្បូងនៃប្រទេស។ អាវនេះមានទម្រង់មិនខុស​ពីអាវ​ទ្រ​សុដន្ដធម្មតា នោះទេ តែបានដាក់បន្ថែមនូវចរន្ដអគ្គិសនី សម្រាប់«ឆក់»ជនណា ដែលមានបំណងអាក្រក់។

នាងម៉ានីស្សា ម៉ូហាន់ (Manisha Mohan) និស្សិតម្នាក់ពីក្នុងក្រុមនាងទាំងបីនាក់ បាននិយាយថា «អាវទ្រនាប់ដ៏ស្ដើងនេះ មានបំពាក់ដោយប្រដាប់ទទួលចរន្ដភ្លើង ដែលអាចបញ្ចេញថាមពលមកវិញ នូវកម្លាំង ៣៨០០គីឡូវ៉ុល»។ តែពួកនាង​បាន​ធានាថា អាវនេះ នឹងមិនបង្កគ្រោះថ្នាក់អ្វី ប្រឆាំងនឹងអ្នកពាក់វាទេ។

បំណងដ៏មុតមាំ ដែលធ្វើអោយនាងឈានទៅបង្កើតអាវទ្រនាប់នេះ ដោយសារតែនាងសង្កេតឃើញជារៀងរាល់ថ្ងៃ នៅក្នុង​សង្គមនេះ នូវភាពសាហាវឃោឃៅ ហួសពីការស្មាន។ ជនរងគ្រោះ ងាយនឹងមានគ្រោះថ្នាក់ភ្លាមមួយរំពេច ដោយគ្រាន់តែ​នាងបញ្ចេញ«ស្នាមញញឹម» តែបន្តិចប៉ុណ្ណោះ ហើយហេតុការណ៍ដ៏រន្ធត់អាចនឹងកើតឡើង  ដូចការចាប់រំលោភជាក្រុម ទៅ​លើនិស្សិតស្រីម្នាក់ នៅទីក្រុងញ៉ូ ដេលី ក្នុងពេលកន្លងមក។ នាងម៉ានីស្សា បានបញ្ជាក់ថា ជាមួយនឹងអាវនេះ «ពួកនាង​អាចការពារខ្លួន ប្រឆាំងនឹងការយាយីក្នុងផ្ទះ នៅក្នុងសង្គម ឬនៅក្នុងកន្លែងធ្វើការ នោះជាដើម»។

អាវទ្រនាប់ដែលបញ្ចេញប្រសិទ្ធិភាព ខ្លាំងជាងកាំភ្លើងឆក់ !!!

នាងម៉ានីស្សា បានពន្យល់ពី វិធីប្រើប្រាស់អាវនេះ បន្ថែមថា «នរណាក៏ដោយ ដែលចង់បំពារបំពានលើស្ត្រី នឹងទទួល​មេរៀនមួយយ៉ាងជូរចត់ សម្រាប់ជីវិត»។ នៅពីលើអាវនេះ មានពង្រាយប្រដាប់បញ្ចេញចរន្ដចំនួន៨២ ហើយប្រដាប់​ណាមួយ ក៏អាចបណ្ដេញជនអប្រិយនោះបានដែរ។ មិនត្រឹមតែប៉ុណ្ណោះ អាវទ្រនាប់នេះ បានបំពាក់ដោយបច្ចេកវិទ្យា ហ្សេប៉េអេស (GPS) និងហ្សេអេសអ៊ឹម  (GSM) ដែលនឹងអាចបញ្ជូនដំណឹង ទៅអោយនគរបាលថែមទៀត។

នៅក្នុងជំហានដំបូង អាវទ្រសុដន្ដពិសេស នឹងត្រូវដាក់មកលក់នៅ អំឡុងចុងខែនេះ។ តែនៅជំហានក្រោយ អ្នកបង្កើតវា​បាននិយាយថា នឹងស្វែងរកបច្ចេកវិទ្យាថ្មីទៀត ដើម្បីអោយអាវនេះ អាចអត់ធន់បាននឹងទឹក និងបន្ថយរូបរាងអោយតូច​ជាង​ពេលនេះ៕

--------------------------------------------------
ដោយ ឈូករ័ត្ន - ប៉ារីស​ ថ្ងៃទី០៦ ខែមេសា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...