Posts in ‘សហគមន៍ខ្មែរ នៅបរទេស’ Category

«ទឹកភ្នែកពលករ» ជាចំណងជើង នៃបទចម្រៀងមួយបទ ដែលនិពន្ធឡើង ដោយពលករមួយរូប ធ្វើការ​នៅ​ប្រទេស​ថៃ ដែលដាក់ឈ្មោះខ្លួនថា DJkok Rapboy និងបង្ហើរតាមសំនៀង របស់លោក Chak Visal ក៏​ជា​អ្នក ធ្វើការ​នៅ​ប្រទេសក្រៅដែរ។

បទចម្រៀងនេះ ត្រូវបានផ្សាព្វផ្សាយ នៅតាមបណ្តាញសង្គម នៅថ្ងៃទី៨ ខែវិច្ឆកា ឆ្នាំ២០១៥ នៅលើ​ហ្វេសប៊ុក​ឈ្មោះ «Chak Visal» ដែលជាអ្នកបកស្រាយ បទចម្រៀងនេះផ្ទាល់។ បន្ទាប់ពីបទចម្រៀងនេះ ត្រូវ​បាន​បង្ហោះ នៅតាមបណ្តាញសង្គម អ្នកប្រើប្រាស់ជាច្រើន បានសម្ដែងការគាំទ្រ និងពេញចិត្ត ដោយពួក​គេ​អះអាងថា ពិត​ជា​ពិរោះ លន្លង់លន្លោច មានន័យ និងស្តាប់ហើយ ស្ទើតែទប់ទឹកភ្នែកមិនបាន។

បទចម្រៀង «ទឹកភ្នែកពលករ»នេះ ដែលយកតាមលំនាំបទ «សីដាមាសបងអើយ» ដែលច្រៀង​ដោយ​លោក ណង សារិទ្ធិនោះ បានច្រៀងរៀបរាប់ពីជិវិត របស់ពលករដែលត្រដរ មកធ្វើការនៅ​ប្រទេស​គេ ដោយ​សារ​តែ​ភាព​ក្រីក្រ ត្រូវ​ឃ្លាតចាក់ពីគ្រួសារ ហើយខិតខំធ្វើការឥតល្ហែរ [...]

គ្រោះថ្នាក់ចរាចរណ៍រវាង រថយន្តរបស់ក្រុមហ៊ុន ភ្នំពេញសូរិយា ដឹកជញ្ជូនអ្នកដំណើរ និងម៉ូតូមួយគ្រឿង បាន​កើតឡើងវេលាម៉ោង១៤ និង៤០ នាទីនាថ្ងៃទី ០៣ ខែកញ្ញា ឆ្នាំ២០១៥។ យានយន្ដទាំងពី ដែលបើកស្រប​ទិស​គ្នា បានប៉ះពារគ្នា នៅក្នុងភូមិ៧ សង្កាត់វាលវង ខណ្ឌ៧មករា រាជធានីភ្នំពេញ បណ្តាលឲ្យខូចខាតម៉ូតូ​តិចតួច ប៉ុន្តែមិនបានធ្វើឲ្យ នរណាម្នាក់រងរបួសនោះទេ។

មូលហេតុ ដែលបង្កឲ្យរថយន្ត ពាក់ស្លាកលេខភ្នំពេញ 3B-6642 បុកម៉ូតូ ម៉ាកឌ្រីមសេរី ២០១៥ ពណ៍ខ្មៅ ពី​ក្រោយ ដោយសារម៉ូតូ ដែលកំពុងនៅប្រកាន់ស្តាំហើយ បែរជាជែងមកកណ្តាលផ្លូវនោះ។ ខណៈឯរថយន្ដ​វិញ ត្រូវបានប្រុងប្រយ័ត្ន ក៏បានប៉ះម៉ូតូនេះ ពីក្រោយតែម្ដង។

បន្ទាប់ពីកើតមានបញ្ហានេះ សមត្ថកិច្ចបានចុះមកវាស់វែង នៅកន្លែងកើតហេតុ ហើយភាគីទាំងសងខាង បាន​សម្រេចចិត្តសម្របសម្រួលគ្នា ដើម្បីបញ្ចាប់រឿង ដោយភាគីខាងរថយន្ត សុខចិត្តសងសំណង ទៅភាគីខាង​ម៉ូតូ​ដែលខូចខាត៕

តាមពិតទៅ កម្មវិធី«ទិវាគ្រួសារអាស៊ាន (Asean Family Day)»នេះ មិនមែនទើបនឹងរៀបចំធ្វើ នៅក្នុងឆ្នាំនេះ​នោះ​ទេ ប៉ុន្តែវាត្រូវបានក្រុមប្រទេសទាំង១០ ឆ្លាស់គ្នាធ្វើម្នាក់ម្ដងៗ ជារៀងរាល់ឆ្នាំ។ រីឯឆ្នាំនេះ កម្មវិធីនេះ ត្រូវ​បាន​ប្រទេសភូមា ទទួលបន្ទុកជាអ្នករៀបចំ កាលពីថ្ងៃសៅរ៍ ទី១៣ ខែមិថុនា ឆ្នាំ២០១៥ នៅក្នុងទីក្រុង ដ្រាវៃ (Draveil - 91210) ភាគខាងត្បូងនៃរដ្ឋធានីប៉ារីស ប្រទេសបារាំង។

ក្នុងកម្មវិធី ដែលតែងប្រារព្ធឡើងនៅខែមិថុនា (ជារៀងរាល់ឆ្នាំ) នោះ ប្រទេសអាស៊ានទាំង១០ ត្រូវបានអញ្ជើញ ឲ្យតម្លើងជាស្តង់របស់ខ្លួន និងដាក់ដោតជាទង់ជាតិ តំណាងប្រទេសរៀងៗខ្លួន ដើម្បីឲ្យអ្នកចូលរួមទាំងឡាយ បានស្គាល់។ អ្វីដែលគួរអោយចាប់អារម្មណ៍ គឺសម្រាប់ប្រទេសនីមួយៗ មានការរៀបចំនូវម្ហូបចំណី សម្រាប់​ដាក់​តាំង និងដើម្បីផ្លាស់ប្តូរគ្នាទទួលទាន ដោយមិនគិតប្រាក់។

ប៉ុន្តែបើអ្នកចូលរួមទាំងអស់ ត្រូវបានអញ្ជើញឲ្យភ្លក្សម្ហូបចំណី [...]

តាមសេចក្តីជូនដំណឹង របស់អគ្គលេខាធិការដ្ឋាន នៃរដ្ឋសភា លោក ឡេង ប៉េងឡុង បានលើកឡើងថា ដោយផ្អែកតាម​មាត្រា៥ និង៦ថ្មី នៃច្បាប់ ស្តីពីការរៀបចំ និងការប្រព្រឹត្តទៅ នៃ គ.ជ.ប និងដោយផ្អែកតាម ការសម្រេចរបស់​គណ​កម្មការ​អចិន្ត្រៃយ៍ នៃរដ្ឋសភា ក្នុងថ្ងៃទី២៧ ខែមីនា ឆ្នាំ២០១៥នេះ នឹងធ្វើការជ្រើសរើស បេក្ខជន ដែល​ត្រូវមកឈរ​ឈ្មោះ ជា​សមាជិក​របស់ គ.ជ.ប ថ្មី។

អគ្គលេខាធិការដ្ឋាន នៃរដ្ឋសភារូបនេះ បានបញ្ជាក់ក្នុងសេចក្តីជូនដំណឹងនោះថា ការទទួលពាក្យ របស់បេក្ខជននេះ ត្រូវ​បានធ្វើឡើង នាវិមានរដ្ឋសភា រៀងរាល់ថ្ងៃ រួមទាំងថ្ងៃសៅរ៍ និងថ្ងៃអាទិត្យ ហើយនឹងចាប់ទទួល ពាក្យពីថ្ងៃទី២៧ ខែ​មីនា ឆ្នាំ២០១៥នេះតទៅ ចាប់ពីម៉ោង ៧:០០ ដល់ម៉ោង ១១:៣០ រសៀលពីម៉ោង ១៤:០០ ដល់ម៉ោង១៧:៣០។

នាយកដ្ឋានគ្រប់គ្រងបុគ្គលិក នៃអគ្គនាយកដ្ឋាន រដ្ឋបាល និងហិរញ្ញវត្ថុ នៃអគ្គលេខាធិការដ្ឋាននៃរដ្ឋសភា និងបញ្ឃប់​ការទទួលចុះឈ្មោះ ជាបេក្ខជន សមាជិក គ.ជ.ប [...]

មុននឹង​កោះ​ហៅ​អ្នក​តំណាង​រាស្រ្ត តុលាការ​ត្រូវ​ធ្វើ​ការ​ស្នើ​សុំ​ទៅ​រដ្ឋ​មន្រ្តី​ក្រសួង​យុត្តិធម៌ ឲ្យ​ដាក់​សំណើរ​ទៅ​កាន់​រដ្ឋសភា ដើម្បី​សុំ​ដក​អភ័យឯកសិទ្ធិ​សភា​ពី​តំណាង​រាស្រ្ត​ណា​ម្នាក់​ជា​មុន​សិន មុន​នឹង​សម្រេច​ចេញ​ដីកា​កោះ។ នេះ​ជា​មេរៀន​ខ្លីៗ ដែល​តំណាង​រាស្ត្រ​មណ្ឌល​សៀមរាប លោក អំ សំអាន ចង់​ផ្ដល់​ទៅ​ឲ្យ​តុលាការ​កំពូល ដែល​ជា​ស្ថាប័ន​កាត់​ក្ដី​កំពូល​របស់​កម្ពុជា ក្នុង​ការ​កោះ​ហៅ​តំណាង​រាស្រ្ត​នៃ​រដ្ឋសភា​កម្ពុជា ដែល​កំពុង​ស្ថិត​ក្នុង​តួនាទី​នៅ​ឡើយ។

ការថ្លែង​របស់​លោក អំ សំអាន បាន​ធ្វើ​ឡើង​ជា​មួយ​ទស្សនាវដ្តី​មនោរម្យ.អាំងហ្វូ នៅ​មុខ​សាលា​ដំបូង​រាជធានី​ភ្នំពេញ បន្ទាប់​ពី​អគ្គ​ព្រះ​រាជ​អាជ្ញា​រង​នៃ​តុលាការ​កំពូល​របស់​ប្រទេស​កម្ពុជា លោក ឈួន ចាន់ថា កាល​ពី​ថ្ងៃ​ទី​២៦ ខែ​ធ្នូ ឆ្នាំ​២០១៥ បាន​ចេញ​ដីកា​កោះ​មួយ ហៅ​តំណាង​រាស្រ្ត​ប្រាំ​ពីរ​រូប របស់​គណបក្ស​សង្គ្រោះ​ជាតិ [...]