Posts in ‘យុត្តិធម៌ សណ្ដាប់ធ្នាប់’ Category

សម រង្ស៊ី ចូលរួម​រំលែក​ទុក្ខ​ជាមួយ​ប្រជាជន និង​រដ្ឋាភិបាល​ជប៉ុន

សម រង្ស៊ី ចូលរួម​រំលែក​ទុក្ខ​ជាមួយ​ប្រជាជន និង​រដ្ឋាភិបាល​ជប៉ុន

សារចូលរួមមរណទុក្ខ ត្រូវបានលោក សម រង្ស៊ី បង្ហោះនៅលើទំព័រទ្វីសធើររបស់លោក តាំងពីថ្ងៃទី៨ ខែកក្កដា ឆ្នាំ២០១៨ ពោលគឺតាំងពីព្រឹត្តិការណ៍ នៃគ្រោះភ្លៀងធ្លាក់ មិនដែលធ្លាប់មាន និងការរអិលបាក់ធ្លាក់ដី បានកើតឡើងភ្លាមៗ នៅក្នុងតំបន់ភាគខាងត្បូង និងខាងលិច នៃប្រទេសជប៉ុន ហើយតួលេខនៃការបាត់បង់ជីវិតអ្នកស្រុក ត្រូវបានផ្សាយចេញ និងចេះតែកើនឡើង ជាបន្តបន្ទាប់។

ប្រធានចលនាសង្គ្រោះជាតិ បានសរសេរជាភាសាអង់គ្លេស ហើយមានអត្ថន័យទាំងស្រុង ជាខេមរភាសា ដូច្នេះថា៖ «ខ្ញុំបានតាមដាន ដោយក្ដីបារម្ភដ៏ធំធេង នូវព្រឹត្តិការណ៍ភ្លៀងធ្លាក់ និងការរអិលបាក់ដី ដែលបានបណ្តាល ឱ្យមានចំនួនអ្នកស្លាប់យ៉ាងច្រើន នៅហ៊ីរ៉ូស៊ីម៉ា (Hiroshima) និងផ្នែកផ្សេងៗទៀត នៅភាគខាងលិច នៃប្រទេសជប៉ុន»។

លោក សម រង្ស៊ី បានបន្តថា៖ «ខ្ញុំសូមនិយាយ ក្នុងនាមគណបក្សសង្គ្រោះជាតិ សំដែងការចូលរួមរំលែកទុក្ខ យ៉ាងជ្រាលជ្រៅបំផុត ចំពោះប្រជាជន [...]

ក្មេងនិងគ្រូទាំង១៣នាក់ ត្រូវបានសង្គ្រោះចេញពីរូងភ្នំអស់ហើយ!

ក្មេងនិងគ្រូទាំង១៣នាក់ ត្រូវបានសង្គ្រោះចេញពីរូងភ្នំអស់ហើយ!

បន្ទាប់ពីសង្គ្រោះក្មេងបាន៨នាក់ រាប់ពីថ្ងៃអាទិត្យ មកទល់នឹងយប់ថ្ងៃចន្ទម្សិលម៉ិញ នៅយប់ថ្ងៃអង្គារ ទី១០ ខែកក្កដានេះ ក្មេងទាំង៤នាក់ និងគ្រូបង្វឹកបាល់ទាត់ពួកគេម្នាកផង ដែលនៅសល់ ត្រូវបានក្រុមអ្នកជំនាញ ខាងមុជទឹក នាំចេញពីរូងភ្នំទាំងអស់ហើយ។ នេះ បើតាមអ្នកទទួលខុសត្រូវ នៃការសង្គ្រោះ​ជនរងគ្រោះទាំង១៣នាក់ ដែលជាប់ខ្លួននៅក្នុងរូងភ្នំ ថាំហ្វួង (Tham Luang - ភាគខាងជើងប្រទេសថៃ) តាំងពីថ្ងៃទី ២៣ ខែមិថុនាកន្លងមក។

«កូនជ្រូកព្រៃទាំង១២នាក់ និងគ្រូបង្វឹកពួកគេម្នាក់ ត្រូវបាននាំចេញពីរូងភ្នំ ទាំងអស់ហើយ» នេះ ជាការអះអាងឡើង របស់ក្រុមអ្នកសង្គ្រោះ នៅលើទំព័រហ្វេសប៊ុកផ្លូវការ របស់ពួកគេ។ ក្រុមបាល់ទាត់នៃក្មេងទាំងនេះ មានឈ្មោះ ជាភាសាអង់គ្លេសថា «Wild Boars» ដែលមានន័យ ជាខេមរភាសាថា «ជ្រូកព្រៃ»។

ស្រង់សំដី ដោយទីភ្នាក់ងារព័ត៌មានបារាំង «AFP» ប្រភពពីក្រុមអ្នកសង្គ្រោះ បានអះអាងថា ក្មេងទី៩ [...]

ក្មេង​៤នាក់​ទៀត ទើប​ត្រូវ​បាន​យក​ចេញ​ពី​រូងភ្នំ ក្នុង​យប់​ថ្ងៃ​ចន្ទ

ក្មេង​៤នាក់​ទៀត ទើប​ត្រូវ​បាន​យក​ចេញ​ពី​រូងភ្នំ ក្នុង​យប់​ថ្ងៃ​ចន្ទ

កាលពីយប់ថ្ងៃអាទិត្យ​ម្សិលម៉ិញ ក្មេងចំនួនបួននាក់ដំបូង ត្រូវបានសង្គ្រោះ យកចេញមកក្រៅ។ នេះ បើតាមតុល្យភាពផ្លូវការ ផ្ដល់ដោយអាជ្ញាធរថៃ ខណៈមន្ត្រីទទួលខុសត្រូវមួយរូប ពីក្រសួងការពារជាតិថៃ បានអះអាង ក្នុងលក្ខខណ្ឌមិនបញ្ចេញឈ្មោះ ប្រាប់ទីភ្នាក់ងារព័ត៌មានបារាំង «AFP» ថា មាន​ក្មេងដល់​ទៅ៦នាក់ ដែលត្រូវបានយកចេញពីរូងភ្នំ។ 

យ៉ាងណា នៅយប់ថ្ងៃចន្ទនេះ កុមារចំនួន៤នាក់ទៀត ទើបត្រូវបានក្រុមអ្នកសង្គ្រោះ សែងយកចេញ មកដល់ក្រៅ ដែលធ្វើឲ្យចំនួនក្មេង ដែលនៅសល់ ក្នុងរូងភ្នំ មានចំនួន៤នាក់ រួមនឹងគ្រូបង្វឹកបាល់ទាត់ របស់ពួកគេម្នាក់ទៀត។ នេះ ជាថ្ងៃទីពីរ នៃប្រតិបត្តិការនាំកុមារ ចេញពីជម្រកការពារខ្លួនរបស់ពួកគេ ដោយឆ្លងកាត់តាមច្រករូងភ្នំ ដ៏ស្មុគ្រស្មាញ ដែលមានប្រវែង ប្រមាណជា ៤,៧គីឡូម៉ែត្រ និងកន្លែងខ្លះ ពេញប្រៀបដោយទឹកភ្លៀងជន់។

[...]
ក្មេងថៃ​៦នាក់ (ជា​ផ្លូវ​ការ ៤នាក់) ត្រូវ​បាន​យក​ចេញ​ពី​រូងភ្នំ

ក្មេងថៃ​៦នាក់ (ជា​ផ្លូវ​ការ ៤នាក់) ត្រូវ​បាន​យក​ចេញ​ពី​រូងភ្នំ

ស្រង់សំដីដោយទីភ្នាក់ងារព័ត៌មានបារាំង «AFP» មន្ត្រីទទួលខុសត្រូវមួយរូប នៃក្រសួងការពារជាតិថៃ បានថ្លែងឡើង ដោយមិនបញ្ចេញឈ្មោះថា កុមារ៦នាក់ ពីចំណោមជនរងគ្រោះទាំង១៣នាក់ ត្រូវបានយកចេញពីរូងភ្នំហើយ។ ផ្ទុយទៅវិញ តុល្យភាពផ្លូវការបានអះអាងថា មានកុមារតែ៤នាក់ទេ ដែលត្រូវបានយកចេញ មកក្រៅ។

ក្រុមអ្នកសារព័ត៌មានបស្ចិមលោក ដែលមានវត្តមាន​នៅនឹងកន្លែង បានអះអាងថា កុមារដំបូងគេ ដែលត្រូវបាន​យកចេញពីរូងភ្នំ ត្រូវបានបញ្ជូនភ្លាមៗ តាមឧទ្ធម្ភាគចក្រ យកទៅពិនិត្យព្យាបាល នៅក្នុងមន្ទីរពេទ្យក្រុង ឈៀងរ៉ៃ ដែលមានចំងាយជាង ៧០គីឡូម៉ែត្រ ពីរូងភ្នំ។ អ្នកទទួលខុសត្រូវ​តំបន់​មួយរូប នៃប្រតិបត្តិការសង្គ្រោះនេះ បានថ្លែងថា មានក្មេងពីរនាក់ កំពុងស្ថិតក្នុងមន្ទីរពេទ្យស្រុក ដែលស្ថិត​នៅក្បែរ​រូងភ្នំ​នៅឡើយ។

ការនាំក្មេងទាំងនេះ ចេញពីកន្លែងដែលដែលពួកគេជ្រកកោន ធ្វើឡើងប្រកបដោយហនិភ័យខ្ពស់ ដោយសារតែមានច្រករូងមួយកន្លែងនោះ មានរាងជាអក្សរ [...]

រក​ឃើញ​កុមារ​និង​គ្រូ​១៣នាក់​ហើយ បន្ទាប់​ពីជាប់​ក្នុង​រូងភ្នំ​៩ថ្ងៃ

រក​ឃើញ​កុមារ​និង​គ្រូ​១៣នាក់​ហើយ បន្ទាប់​ពីជាប់​ក្នុង​រូងភ្នំ​៩ថ្ងៃ

កុមារទាំង១២នាក់ និងគ្រូបង្វឹកបាល់ទាត់ម្នាក់ ដែលជាប់ក្នុងរូងភ្នំ តាំងពី៩ថ្ងៃមកនោះ ត្រូវបានក្រុមអ្នកជួយសង្គ្រោះរកឃើញហើយ! ពួកគេទាំងអស់នោះ មានសុវត្ថិភាព និងមានសុខភាពធម្មតា។ នេះ បើតាមការប្រកាសឲ្យដឹង របស់អាជ្ញាធរខេត្ត ឈៀងរ៉ៃ (Chiang Rai) ដែលបង្កឲ្យមានក្ដីរំភើបចិត្ត ឥតឧបមានៅជុំវិញពិភពលោក និងជាពិសេសបំផុត ពីសំណាក់ក្រុមគ្រួសារ។

លោក «Narongsak Osottanakorn» ចៅហ្វាយខេត្តឈៀងរ៉ៃ បានថ្លែងនៅចំពោះមនុស្សរាប់សិបនាក់ ដោយមានទាំងក្រុម​អ្នកសារព័ត៌មាន ដូច្នេះថា៖ «យើងបានរកឃើញពួកគេហើយ! ពួកគេទាំង១៣នាក់ មានសុវត្ថិភាព និងសុខភាពធម្មតា»។

ប៉ុន្តែការយកពួកគេ ទាំង១៣នាក់ ចេញពីរូងភ្នំ នឹងមិនត្រូវធ្វើ ក្នុងពេលភ្លាមៗនេះទេ ហើយអ្នកសង្គ្រោះជាច្រើននាក់ កំពុងនៅក្នុងរូងភ្នំ ជាមួយពួកគេ ស្ថិតនៅចំណុចមួយ ដែលមានចំងាយជិត ៤គីឡូម៉ែត្រ ពីច្រកចូលរូងភ្នំ។ លោកចៅហ្វាយខេត្ត បានបន្តទៀតថា៖ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...