Posts in ‘យុត្តិធម៌ សណ្ដាប់ធ្នាប់’ Category

មនុស្សរាប់សិបនាក់បានរងរបួស ហើយមនុស្សរាប់ពាន់នាក់ផ្សេងទៀត ដែលសុទ្ធសឹងជាអ្នកដំណើរ ត្រូវបានជម្លៀស​ចេញជាបន្ទាន់កាលពីថ្ងៃពុធ ខណៈពេលដែលអគ្គិភ័យមួយបានឆាបឆេះឡើង នៅក្នុងរន្ធរថភ្លើងក្រោយដីនៅទីក្រុងមូស្គូ ជាពិសេស នៅពេលដែលមនុស្សម្នា កំពុងពពាក់ពពូនជិះចេញទៅធ្វើការ។

រថភ្លើងមួយខ្សែបានឈប់កណ្ដាលផ្លូវ ហើយអ្នកជួយសង្គ្រោះ បានជម្លៀសមនុស្សចេញ។ (រូបថត របស់អ្នកដំណើរ)

មួយផ្នែកធំនៃបណ្ដាញគមនាគមន៍សាធារណៈ ត្រូវបានរងភាពរអាក់រអួល។ បើតាមសេចក្ដីប្រកាសព័ត៌មាន​មួយរបស់​ក្រសួង ប្រកាសអសន្នរបស់ប្រទេសរ៉ូស្សី បាននិយាយថា អគ្គិភ័យបានចាប់ផ្ដើមឡើង បន្ទាប់ពីខ្សែភ្លើងមួយខ្សែ បានផ្ទុះ​ចេញជាអណ្ដាតភ្លើង នៅក្នុងរន្ធរថភ្លើង ដែលនាំទៅស្ថានីយ៍ចំណត អូកហតនី រីយ៉ាដ (Okhotny Ryad) [...]

កាលពីថ្ងៃច័ន្ទទី០៣ខែមិថុនា បណ្ដាប្រទេសជិត៧០ក្នុងលោក បានចុះហត្ថលេខាលើសន្ធិសញ្ញាជាប្រវត្តិសាស្ត្រមួយ ដាក់​កំហិតលើការជួញដូរអាវុធ នៅក្នុងពិភពលោក និងបង្កើតឲ្យមាននូវយុទ្ធនាការអន្តរជាតិលើកដំបូងគេបង្អស់ សម្រាប់​កម្រិត​ចរាចរណ៍អាវុធខុសច្បាប់ ដែលអាចបង្កឲ្យមានជម្លោះ ឬធ្លាក់ទៅលើដៃក្រុមជ្រុលនិយម។

ផ្សារលក់អាវុធ នៅសហរដ្ឋអាមេរិក។ (រូបថត STR/AFP)

បើទោះជាសន្ធិសញ្ញាធ្លាប់ត្រូវបានយល់ព្រមដោយភាគច្រើន នៃប្រទេសជាសមាជិកអង្គការសហប្រជាជាតិ កាលពីថ្ងៃទី២​ខែមេសានោះក៏ដោយ តែប្រទេសអ្នកនាំអាវុធចេញដ៏ច្រើន ដូចរ៉ូស្សី និង ចិន ព្រមទាំងប្រទេសអ្នកនាំអាវុធចូល ដូចយ៉ាង​ឥណ្ឌា អារ៉ាប៊ីសាអ៊ូឌីត ឥណ្ឌូនេស៊ី និងអេហ្សីបជាដើម បានបោះឆ្នោតអនុប្បវាត។

ច្រើនជាង១០០នាក់បានបាត់បង់ជីវិត នៅក្នងអគ្គិភ័យដ៏ខ្លាំងមួយ ដែលបានឆាបឆេះ កសិដ្ឋានចិញ្ចឹមនិងជាមន្ទីរសតឃាត​សត្វស្លាបមួយកន្លែង នៅព្រឹកថ្ងៃច័ន្ទទី០៣ខែមិថុនានេះ ផ្នែកខាងឦសាននៃប្រទេសចិន។ វិនាសកម្មនេះ បានក្លាយជា​គ្រោះថ្នាក់​ខ្លាំងជាងគេ ក្នុងរយៈពេល១២ឆ្នាំចុងក្រោយនេះ នៅក្នុងវិស័យឧស្សាហកម្មនៃប្រទេសចិន។

អ្នករបួស ដែលត្រូវបានគេដឹកមកជួយសង្គ្រោះ។

មួយភាគធំ នៃរោងសតឃាតសត្វស្លាបបាវយ័ន (Baoyuan) ក្នុងខេត្តជីលីង (Jilin) ផ្នែកឦសាននៃប្រទេសចិន  ត្រូវបាន​ព្រះអគ្គិដុតឆេះបំផ្លាញ ហើយកម្មកបម្រើការនៅក្នុងនោះ ប្រមាណជា ៣០០នាក់ បានជាប់គាំងនៅក្នុងអាគារ ខណៈពេល​អគ្គិភ័យបានឆាបឆេះឡើង។ ហេតុការណ៍បានកើតឡើង នៅម៉ោងប្រមាណជា០៦ព្រឹក ថ្ងៃច័ន្ទទី០៣ខែមិថុនានេះ។

រដ្ឋមន្ត្រីក្រសួងការពារជាតិអាមេរិក លោក ជូក ហាហ្គែល (Chuck Hagel) បានបញ្ជូនសារមួយ ដែលមានន័យពីរបែប​ទៅ​កាន់ទីក្រុងប៉េកាំង ដោយន័យទីមួយសង្ឃឹមថា នឹងមានការធ្វើឲ្យប្រសើរឡើងបន្ដិតម្ដងៗ នៃទំនាក់ទំនងយោធារវាង​ប្រទេស​ទាំងពីរ ប៉ុន្តែន័យទីពីរ លោកបានព្រមានយ៉ាងម៉ឺងម៉ាត់ ស្ដីពីការវាយប្រហារទាំងឡាយតាមប្រព័ន្ធអាំងធើណែត។

ថ្លែងក្នុងសន្និសិតកាសែតមួយ នៅប្រទេសសាំងហ្គាពួរ លោកហាហ្គែល បានកត់សម្គាល់ថា ទីក្រុងវ៉ាស៊ីនតោន បានបង្ហាញ​ពីកង្វល់របស់ខ្លួន ទាក់ទងនឹងការ«គម្រាមដ៏ខ្លាំងក្លា» នៃការវាយប្រហារតាមអាំងធើណែត ដែលក្នុងនោះ មានមួយចំនួនធំ​ត្រូវបានរកឃើញថា រដ្ឋាភិបាលនិងយោធាចិនស្ថិតនៅពីក្រោយ។

លោកហាហ្គែល មិនមែនជាអ្នកទទួលខុសត្រូវលើកទីមួយរបស់អាមេរិកនោះទេ ដែលក្ដៅក្រហាយជា​សាធារណៈទល់នឹង​ប្រទេសចិន [...]

ការផ្ទុះដ៏ខ្លាំងមួយ ដែលទំនងបណ្ដាលមកពីសម្ភារះចង្ក្រានបាយដែលខូច បានកំទេចអាគារមួយនៃសង្កាត់អ្នកមាន ក្នុង​រដ្ឋធានីម៉ានីសប្រទេសហ្វីលីពីន កាលពីយប់ថ្ងៃសុក្រ ហើយបានសម្លាប់មនុស្សបីនាក់ នៅក្នុងរថយន្ដ ដែលចតនៅក្បែរ​នោះ។ នេះជាការប្រកាសឲ្យដឹង របស់អាជ្ញាធរក្នុងតំបន់។

ការផ្ទុះបានធ្វើឲ្យមានប្រហោងយ៉ាងធំ ជញ្ជាំងអាគារនោះ និងបានធ្វើឲ្យខ្ទាតបេតុង ធំៗជាច្រើនដុំ ធ្លាក់មកនៅលើដី និងផ្លូវ​ខាងមុខ។ សហគ្រាសម្ចាស់អាគារ បាននិយាយក្នុងសេចក្ដីប្រកាសព័ត៌មានមួយថា មនុស្សបីនាក់ ដែលស្ថិតក្នុង​រថយន្ដ​ដឹក​ទំនិញនៅក្រោមអាគារ បានរងគ្រោះដល់ជីវិត ដោយសារដុំបេតុងទាំងនោះបានធ្លាក់សង្កត់លើ និងមានមនុស្ស៤នាក់ផ្សេង​ទៀត បានរងរបួស។

ស្ត្រីម្នាក់ធ្វើការក្នុងការិយាល័យនគរបាលជិតនោះ ក្នុងលក្ខខ័ណ្ឌមិនបញ្ចេញឈ្មោះ បាននិយាយថា [...]