គណបក្សប្រជាជន៖ គ្មានទេ ការលាលែងតំណែងរបស់លោក ហ៊ុន សែន
ភ្នំពេញ៖ ពាក្យចចាមអារាមមួយ ដែលបានប្រកាសថានាយករដ្ឋមន្ត្រីកម្ពុជា លោកហ៊ុន សែនបានចាកចេញទៅបរទេស និងលាលែងចេញពីមុខតំណែងរបស់ខ្លួន ជានាយករដ្ឋមន្ត្រីថែមទៀតនោះ ត្រូវបានគណបក្សប្រជាជនកម្ពុជា បានធ្វើការបដិសេធចោល កាលពីថ្ងៃទី២៩ ខែកក្កដា។
ជាមួយគ្នានេះកាលពីល្ងាចថ្ងៃម្សិលម៉ិញនេះ គណបក្សប្រជាជនកម្ពុជាក៏បានចេញនូវសេចក្តីថ្លែងការណ៍មួយ ធ្វើការបដិសេធចំពោះពាក្យចចាមអារាមចាងលើ ។ សេចក្តីថ្លែងការណ៍របស់គណបក្សប្រជាជនកម្ពុជា នេះក៏បានប្រកាស និងផ្សព្វផ្សាយតាមរយៈបណ្តាញសារព័ត៌មាននានា ជាពិសេសតាមរយៈប្រព័ន្ធទូរទស្សន៍ក្នុងស្រុក ។
គណបក្សប្រជាជនកម្ពុជាដែលត្រៀមខ្លួន បន្តដឹកនាំប្រទេសសម្រាប់អាណត្តិទីប្រាំ ក្នុងរយៈពេលប្រាំឆ្នាំជាបន្តរទៀតនេះ បានប្រកាសក្នុងសេចក្តីថ្លែងការណ៍របស់ខ្លួន ដោយចាត់ទុកពាក្យចចាមអារាមទាំងនេះថាជា«សង្គ្រាមចិត្តសាស្ត្រ ដែលក្រុមអគតិតែងប្រឌិត ដើម្បីបំពុលបរិយាកាសសង្គម»។
[...]
